Psalms 76:10 - Die Bybel 2020-vertaling

¹⁰ toe God opstaan om die vonnis te vel, om al die verdruktes van die land te verlos. Sela

Bybel vir almal

¹⁰ Dit was toe God begin het om te oordeel en om al die mense op die aarde te red wat hulleself nie kan help nie. Sela

Afrikaans 1933-1953

¹⁰ toe God opgestaan het vir die gerig, om al die ootmoediges van die land te verlos. Sela.

Afrikaans 1983

¹⁰ toe God gekom het om te oordeel, om al die hulpeloses op die aarde te red. Sela

Contemporary Afrikaans Bible 2023

¹⁰ Waarlik, die toorn van die mens sal U loof;

Die Boodskap

¹⁰ hoe God die kwaaddoeners kom oordeel het, en die mense wat swaarkry sonder iemand wat hulle kon red, kom help het.

Nuwe Lewende Vertaling

¹⁰ God het opgestaan om te oordeel, om die verdruktes op aarde te red. Sela

Psalms 76:10 Kruisverwysings

Genesis 50:20

Julle het kwaad teen my beplan, maar God het dit vir iets goeds in gedagte gehad, met die doel om te doen wat vandag gebeur – om 'n groot volk aan die lewe te hou.

Psalms 104:9

'n Grens het U gestel waaroor dit nie mag gaan nie; dit mag nie terugkeer om die aarde te bedek nie.

Psalms 12:6

“Vanweë die geweld teen die magteloses, die gesug van die behoeftiges, gaan Ek nóú opstaan,” sê die Here. “Ek sal hulle wat daarna smag na veiligheid bring.”

Psalms 46:6

God is in haar midde, sy sal nie wankel nie. God sal haar help wanneer die oggend aanbreek.

Psalms 65:7

die Een wat die berge vestig deur sy krag, wat omgord is met mag,

Psalms 82:8

Staan op, o God, oordeel die aarde, want U het besitreg oor al die nasies.

Eksodus 18:11

Nou weet ek dat die Here groter is as al die gode, dat dit in hierdie saak daaroor gaan dat die Egiptenare brutaal opgetree het teen die Israeliete.”

Jesaja 11:4

Hy sal regverdig beslis oor die armes, en die magteloses van die land billik teregwys. Hy sal die land slaan met die stok van sy mond, en met die asem van sy lippe die goddelose doodmaak.

Matteus 24:22

As daardie dae nie ingekort word nie, sou geen mens gered word nie. Maar ter wille van die uitverkorenes sal daardie dae ingekort word.”

Johannes 19:22

Pilatus het geantwoord: “Wat ek geskryf het, het ek geskryf.”

Romeine 9:17

Die Skrif sê immers vir die farao: “Juis hiervoor het Ek jou verhef, sodat Ek deur jou my krag kan toon, en sodat my Naam oor die hele aarde verkondig kan word.”

Openbaring 11:18

Die nasies was woedend, maar u toorn het ontvlam, en die bestemde tyd het aangebreek om u oordeel oor die dooies te vel, en om u diensknegte, die profete, en die •heiliges, en hulle wat ontsag het vir u Naam, klein en groot, te beloon, en om die vernietigers van die aarde te vernietig.”