Psalms 74:13 - Die Bybel 2020-vertaling

¹³ Dit is U wat met u krag die see geskud het, die koppe van seemonsters op die water verpletter het,

Bybel vir almal

¹³ O God, dit is U wat sterk is, U het die see in twee gebreek. U het die koppe van die watermonsters in die water stukkend geslaan.

Afrikaans 1933-1953

¹³ Ú het deur u sterkte die see geklief; Ú het die koppe van die seemonsters op die waters verbreek.

Afrikaans 1983

¹³ Dit is U wat deur u mag die see onstuimig gemaak het, U wat die koppe van die monsters in die see vermorsel het.

Contemporary Afrikaans Bible 2023

¹³ U het die see deur u krag geklief; die koppe van die jakkalse het U in die water verbreek.

Die Boodskap

¹³ Here, U het al die oseane gemaak. U hou dit alles in u hand. En U maak die seemonsters dood.

Nuwe Lewende Vertaling

¹³ Deur u krag het U die see verdeel, die koppe van seemonsters in die water vermorsel.

Psalms 74:13 Kruisverwysings

Nehemia 9:11

“ Die see het U voor hulle oopgekloof, hulle het dwarsdeur die see getrek op droë grond. Hulle agtervolgers het U in die dieptes gewerp, soos 'n klip in die magtige waters.

Psalms 66:6

Hy het 'n see in droë grond verander. Hulle het te voet deur die rivier gegaan. Daar kon ons ons in Hom verheug,

Psalms 78:13

Hy het die see oopgekloof en hulle laat deurtrek; Hy het die water laat opdam soos 'n wal.

Eksodus 14:21

Moses het sy hand oor die see uitgestrek, en die Here het met 'n sterk oostewind, wat die hele nag lank gewaai het, die see laat terugtrek. Hy het die see droë grond gemaak; die water is oopgekloof.

Eksodus 14:28

Toe die water terugstroom, het dit die strydwaens en bemanning van die farao se hele leër wat agter die Israeliete in die see ingegaan het, verswelg. Nie eers een van hulle het oorgebly nie.

Esegiël 29:3

Praat en sê, ‘So sê my Heer, die Here: “Dit is Ek teen jou, Farao, koning van Egipte! Jy, die groot krokodil wat tussen sy strome lê, wat sê, ‘Aan my behoort die Nyl, ek het dit self vir my gemaak.’

Esegiël 32:2

“Mensekind, hef 'n treurlied aan oor die farao, die koning van Egipte, en sê vir hom, ‘Jy was soos 'n jong leeu onder die nasies; jy was soos 'n krokodil in die waters. Jy het in jou riviere ingestorm, jy het die water troebel gemaak met jou pote, jy het hulle strome modderig gemaak.