Psalms 74:1 - Die Bybel 2020-vertaling

¹ 'n Maskiel. Van Asaf. Waarom, o God, verstoot U, smeul u toorn vir altyd teen die kleinvee van u weiplek?

Bybel vir almal

¹ 'n Lied van Asaf. O God, hoekom het U ons weggegooi? Wil U altyd kwaad bly vir ons, vir ons wat u eie volk is?

Afrikaans 1933-1953

¹ 'n ONDERWYSING van Asaf. o God, waarom het U vir altyd verstoot? Waarom rook u toorn teen die skape van u weide?

Afrikaans 1983

¹ 'n Gedig van Asaf. Waarom, o God, hou U aan om ons te verstoot? Waarom is U kwaad vir die kudde wat aan U behoort?

Contemporary Afrikaans Bible 2023

¹ (Maschil van Asaf.) O God, waarom het U ons vir ewig verstoot? waarom rook jou toorn teen die skape van jou weide?

Die Boodskap

¹ God, hoekom het U u rug vir ons gedraai? Gaan U ons vir altyd wegstoot? Hoekom is U so kwaad vir u kinders? U gee nie meer soos voorheen vir ons om nie. Ons behoort dan aan U.

Nuwe Lewende Vertaling

¹ ’n Gedig van Asaf. Waarom, o God, verstoot U ons so lank? Waarom is U so kwaad vir hulle wat aan U behoort?

Psalms 74:1 Kruisverwysings

2 Konings 21:14

Ek sal wat oorgebly het van my erfenis, verstoot; Ek sal hulle oorgee in die hand van hulle vyande. Hulle sal buit word en oorlogsroof vir al hulle vyande,

Psalms 10:1

Waarom, Here, bly U so ver staan, waarom verberg U Uself in tye van nood?

Psalms 100:3

Erken dat die Here God is; Hy het ons gemaak; aan Hom behoort ons, sy volk, die kleinvee wat Hy laat wei.

Psalms 18:8

Toe het die aarde geskud en gebewe; die fondamente van die berge het gesidder. Dit het geskud want sy toorn het ontbrand:

Psalms 42:11

Dit sny tot op die been, as my teenstanders my tart deur die hele dag lank vir my te vra: “Waar is jou God?”

Psalms 42:9

Bedags sal die Here sy troue liefde laat geld, en snags sal 'n lied vir Hom by my opkom, 'n gebed tot die God van my lewe.

Psalms 44:9

In God roem ons die hele dag lank, u Naam prys ons vir altyd. •Sela

Psalms 50:1

'n Psalm. Van Asaf. Die God van die gode, die Here, het gepraat en die aarde opgeroep – van waar die son opkom tot waar dit ondergaan.

Psalms 60:1

Vir die •musiekleier. Op “Narsing van getuienis”. 'n Miktaam. Van Dawid. Om te onderrig.

Psalms 60:10

Moab is my waskom, op Edom gooi Ek my sandaal; oor My moet jy juig, Filistea.”

Psalms 77:7

Ek wil snags aan my harpspel dink; met my hart wil ek kla en my gees deursoek.

Psalms 77:8

Sal my Heer ons dan vir ewig verstoot en ons nooit weer aanvaar nie?

Psalms 78:1

'n Maskiel. Van Asaf. My volk, luister na my onderrig; spits julle ore vir die woorde uit my mond.

Psalms 79:13

Ons is u volk en die skape van u weiding; ons sal U vir altyd prys. Van geslag tot geslag sal ons vertel van die lof wat U toekom.

Psalms 79:5

Hoe lank nog, Here? Gaan U vir ewig toornig bly; sal u heilige jaloesie soos 'n vuur bly brand?

Psalms 80:5

Here, God, Heerser oor alle magte, hoe lank gaan u woede nog smeul teen die gebed van u volk?

Psalms 85:6

Gaan U vir altyd teen ons toornig wees? Gaan u toorn voortduur van geslag tot geslag?

Psalms 95:7

Want Hy is ons God en ons is die volk wat Hy laat wei, die kleinvee van sy hand. As julle vandag maar net na sy stem wou luister!

Eksodus 32:11

Moses het egter die Here sy God goedgesind probeer stem en gesê: “Waarom, Here, moet u toorn brand teen u volk vir wie U uit Egipteland gelei het met groot krag en 'n sterk hand?

Jesaja 64:8

Maar nou, Here, U is ons Vader. Ons is die klei en U is ons pottebakker – ons almal is die werk van u hande.

Jeremia 23:1

“Wee die herders wat die kleinvee van my weiveld ten gronde laat gaan en hulle uitmekaarjaag,” is die uitspraak van die Here.

Jeremia 31:37

So sê die Here, “As die hemelruim daar bo gemeet kan word, en die fondamente van die aarde daar onder vasgestel kan word, sal Ek ook die hele nageslag van Israel verwerp oor alles wat hulle gedoen het,” is die uitspraak van die Here.

Klaagliedere 5:22

tensy U ons heeltemal verwerp het, tensy U uitermate woedend vir ons is.

Esegiël 34:31

“Julle is my kleinvee, die kleinvee van my weiding. Julle is my mense, Ek is julle God.” Dit is die uitspraak van my Heer, die Here.’ ”

Esegiël 34:8

“So seker as wat Ek leef,” is die uitspraak van my Heer, die Here: “omdat my kleinvee buit geword het en my kleinvee voedsel is vir al die wilde diere, omdat daar by hulle geen herder was nie, omdat my herders nie vir my kleinvee gesorg het nie, en die herders net aan hulleself weiding verskaf en my kleinvee nie laat wei het nie”

Lukas 12:32

Moenie bang wees nie, klein kuddetjie, want julle Vader het dit goedgevind om die koninkryk aan julle te gee.

Deuteronomium 29:20

sal die Here nie bereid wees om hom te vergewe nie. Nee, die toorn van die Here en sy ywer sal dan teen daardie man bly smeul, en elke vervloeking wat op hierdie •boekrol geskryf staan, sal op hom rus. Die Here sal sy naam onder die hemel uitwis.