Psalms 7:4 - Die Bybel 2020-vertaling

⁴ Here, my God, as ek iets gedoen het, as daar onreg aan my hande kleef,

Bybel vir almal

⁴ My God die Here, my vyande sê ek het verkeerde dinge gedoen,

Afrikaans 1933-1953

⁴ Here, my God, as ek dit gedoen het, as daar onreg in my hande is,

Afrikaans 1983

⁴ As ek iets verkeerds gedoen het, Here my God, as daar onreg aan my hande kleef,

Contemporary Afrikaans Bible 2023

⁴ As ek kwaad vergeld het aan hom wat met my vrede gehad het; (Ja, Ek het hom gered wat sonder oorsaak my vyand is.)

Die Boodskap

⁴ Here, my God, as ek dinge gedoen het wat nie reg is in u oë nie, wys dit tog vir my!

Nuwe Lewende Vertaling

⁴ Here my God, as ek iets verkeerds gedoen het, as ek skuldig is aan onreg,

Psalms 7:4 Kruisverwysings

Genesis 44:4

Hulle het die stad verlaat, maar was nog nie ver weg nie, toe sê Josef vir die hoof van sy huishouding: “Maak klaar, sit die manne agterna en wanneer jy hulle inhaal, moet jy vir hulle vra, ‘Waarom het julle goed met kwaad vergeld?

Genesis 44:9

Die een van u dienaars by wie dit gevind word, moet sterf, en ons sal ook my heer se slawe word.”

2 Samuel 16:8

Die Here het al die bloedvergieting in die huis van Saul, in wie se plek jy koning geword het, op jou laat neerkom. Die Here het die koningskap in die hand van jou seun Absalom gegee. En hier sit jy nou met jou eie teenspoed, omdat jy 'n moordenaar is.”

Job 31:22

kan my bo-arm maar uit die skouer val, my voorarm maar uit die elmboog gebreek word.

Job 31:7

As my voetstappe sou afwyk van die pad, as my hart my oë gevolg het, en daar aan my handpalms 'n smet gekleef het,

Psalms 109:5

Hulle vergeld my met kwaad vir goed, met haat vir my liefde.

Psalms 55:20

God hoor en sal hulle verneder – Hy regeer immers van die voortyd af, – Sela hulle by wie daar geen verandering is nie, en wat nie ontsag het vir God nie.

Spreuke 17:3

'n Smeltkroes is vir silwer, en 'n smeltoondjie vir goud, maar die Here toets harte.

Handelinge 16:28

Maar Paulus het hard uitgeroep: “Moenie jouself leed aandoen nie, want ons is almal hier!”

1 Samuel 20:1

Dawid het uit Najot in Rama gevlug. Hy het by Jonatan gekom en hom reguit gevra: “Wat het ek gedoen? Wat is my skuld, wat is my sonde voor jou pa, dat hy my lewe soek?”

1 Samuel 22:14

Agimeleg het die koning geantwoord en gesê: “Maar wie onder al u amptenare is so betroubaar soos Dawid, die skoonseun van die koning, aanvoerder van u lyfwag, en geëer in u huis?

1 Samuel 24:7

Hy het vir sy manne gesê: “Mag die Here my daarvan weerhou dat ek ooit so iets doen aan my heer, die gesalfde van die Here, deur my hand teen hom uit te steek. Hy is immers die gesalfde van die Here.”

1 Samuel 26:21

Toe sê Saul: “Ek het gesondig! Kom terug, my seun Dawid, want ek sal jou nie meer kwaad aandoen nie, omdat my lewe vandag kosbaar was in jou oë. Kyk, ek het dwaas opgetree en die spoor heeltemal byster geraak.”

1 Samuel 26:24

Kyk, soos u lewe vandag kosbaar was in my oë, mag my lewe so kosbaar wees in die oë van die Here, en mag Hy my red uit alle nood.”