Psalms 69:36 - Die Bybel 2020-vertaling

³⁶ want God gaan Sion verlos, Hy gaan die stede van Juda herbou. Hulle sal daar woon en die land besit.

Bybel vir almal

³⁶ Want God sal vir Sion red en Hy sal die stede van Juda weer bou. Sy mense sal daar woon, en dit sal hulle land wees.

Afrikaans 1933-1953

³⁶ Want God sal Sion verlos en die stede van Juda bou; en daar sal hulle woon en dit besit.

Afrikaans 1983

³⁶ God sal Sion red en die stede van Juda herbou. Sy volk sal daarin woon en die land besit.

Contemporary Afrikaans Bible 2023

³⁶ En die nageslag van sy dienaars sal dit beërwe, en die wat sy Naam liefhet, sal daarin woon.

Die Boodskap

³⁶ Loof God, want Hy red sy kinders. Hy maak hulle stukkende lewens weer heel. Hy maak hulle lewens vol geluk. Hy sal vir sy kinders ’n plek gee om in te bly.

Nuwe Lewende Vertaling

³⁶ Want God sal Sion red en die stede van Juda herbou. Sy volk sal daar woon en die land besit.

Psalms 69:36 Kruisverwysings

Psalms 102:28

Maar U bly dieselfde, u jare sal nie tot 'n einde kom nie.”

Psalms 37:29

Regverdiges sal die land besit en vir altyd daarin woon.

Psalms 91:14

“Omdat hy My liefhet, sal Ek hom bevry; Ek sal hom beskerm omdat hy my Naam ken.

Jesaja 44:26

wat die woord van sy dienskneg bevestig, wat die plan van sy boodskappers uitvoer, die Een wat oor Jerusalem sê, ‘Sy sal bewoon word,’ en oor die dorpe van Juda, ‘Hulle sal herbou word, Ek sal sy puinhope weer oprig,’

Jesaja 61:9

Hulle nageslag sal bekend wees onder die nasies, hulle nakomelinge onder die volke. Almal wat hulle sien, sal hulle herken – dat hulle die geslag is wat deur die Here geseën is. ”

Johannes 14:23

Jesus antwoord hom: “As iemand My liefhet, sal hy ter harte neem wat Ek sê, en my Vader sal hom liefhê, en Ons sal na hom toe kom en by hom woon.

Handelinge 2:39

Want die belofte is bedoel vir julle, en ook vir julle kinders, en vir almal daar ver, almal wat die Here ons God na Hom toe roep. ”

Romeine 8:28

Ons weet dat God alles ten goede laat meewerk vir hulle wat Hom liefhet, vir hulle wat volgens sy voorneme geroep is;

Jakobus 1:12

Gelukkig is die man wat versoeking deurstaan, want as hy die toets slaag, sal hy die oorwinningskrans van die lewe ontvang, wat God beloof het aan hulle wat Hom liefhet.

Jakobus 2:5

Luister, my geliefde broers, het God nie die armes in die wêreld gekies om ryk in die geloof te wees nie? En om erfgename te wees van die koninkryk wat Hy beloof het aan hulle wat Hom liefhet nie?

Openbaring 21:27

En niks wat besoedel is, en niemand wat iets gruweliks en vals gedoen het, sal ooit toegang tot haar kry nie, slegs hulle wat opgeteken is in die boekrol van die lewe van die Lam.