Psalms 69:27 - Die Bybel 2020-vertaling

²⁷ Want dié wat deur U geslaan is, word deur hulle agtervolg, en oor die pyn van dié wat deur U gewond is, het hulle die monde vol.

Bybel vir almal

²⁷ Want hulle jaag 'n persoon vir wie U self geslaan het, hulle praat oor die pyn van iemand vir wie U siek gemaak het.

Afrikaans 1933-1953

²⁷ Want hulle vervolg hom wat deur U swaar getref is, en vertel van die smart van u gewondes.

Afrikaans 1983

²⁷ want hulle vervolg hom wat swaar deur U getref is en verlustig hulle in die pyn van hom wat deur U deurboor is.

Contemporary Afrikaans Bible 2023

²⁷ Voeg ongeregtigheid by hulle ongeregtigheid, en laat hulle nie in U geregtigheid kom nie.

Die Boodskap

²⁷ Doen dit, Here, want hulle geniet dit dat mense onder u hand ly. Hulle kry lekker oor die lyding wat U oor u kinders bring.

Nuwe Lewende Vertaling

²⁷ Hulle vervolg die een wat U reeds getref het en vertel van die pyn van dié wat U deurboor het.

Psalms 69:27 Kruisverwysings

Nehemia 4:5

U moet nie hulle sondeskuld bedek nie, en hulle sondes moet nie voor U weggevee word nie, want hulle het U voor die bouers uitgetart.

Job 19:22

Waarom vervolg julle my soos God, en kry nie genoeg van my vleis nie?

Psalms 109:14

Mag die sondeskuld van sy voorouers die Here bybly, en mag die sonde van sy moeder nie uitgewis word nie.

Psalms 24:5

sal seën ontvang van die Here en •geregtigheid van die God wat hom red –

Psalms 81:12

“Maar my volk het nie na My geluister nie, Israel wou My nie gehoorsaam nie.

Eksodus 8:15

Toe die farao sien dat daar uitkoms is, was hy onversetlik en het hy nie na hulle geluister nie, soos die Here gesê het.

Eksodus 8:32

Maar die farao was ook hierdie keer onversetlik, en het die volk nie laat gaan nie.

Eksodus 9:12

Maar die Here het die hart van die farao verhard, en hy het nie na hulle geluister nie, soos die Here vir Moses gesê het.

Jesaja 26:10

Wanneer genade aan goddeloses bewys word, leer hulle nie wat reg is nie. In 'n land waar opregtheid heers, pleeg hulle onreg; die verhewenheid van die Here sien hulle nie raak nie.

Jesaja 5:6

Ek sal dit 'n verwoeste plek maak; dit sal nie gesnoei en nie geskoffel word nie. Doringstruike en onkruid sal opskiet, en aan die wolke sal Ek opdrag gee om nie 'n druppel daarop te laat reën nie.”

Jesaja 53:4

Nogtans, ons siektes, hy het dit gedra, en ons smarte, hy het dit op hom gelaai. Maar ons het hom beskou as iemand wat gekasty word, geslaan deur God, en verneder.

Levitikus 26:39

En dié van julle wat oorbly, sal in die lande van hulle vyande wegteer oor hulle sondeskuld; hulle sal ook wegteer oor die sondeskuld van hulle voorouers wat hulle met hulle saamdra.

Matteus 21:19

Toe Hy 'n enkele vyeboom langs die pad sien, het Hy daarheen geloop, maar niks daaraan gevind nie, net blare. Toe sê Hy vir die vyeboom: “Mag jy tot in ewigheid nooit weer vrug dra nie!” Die vyeboom het onmiddellik verdroog.

Romeine 1:28

En omdat hulle dit as verwerplik beskou het om aan God erkenning te gee, het God hulle oorgegee aan 'n verwerplike denkwyse, sodat hulle onbetaamlik optree.

Romeine 9:18

Hy ontferm Hom dus oor wie Hy wil, en Hy maak hardkoppig wie Hy wil.

Romeine 9:31

terwyl Israel, wat geregtigheid deur die wet nagejaag het, die eis van die wet nie kon nakom nie?

2 Timoteus 4:14

Aleksander, die kopersmid, het my baie kwaad aangedoen. Die Here sal hom volgens sy dade vergeld.