Psalms 69:21 - Die Bybel 2020-vertaling

²¹ Bespotting het my hart gebreek, ek is swak. Ek het medelye verwag, maar tevergeefs; mense om my te troos, maar ek kon niemand vind nie.

Bybel vir almal

²¹ Hulle het aangehou om my te spot, ek voel stukkend en swak. Ek het gedink dat iemand jammer sal wees vir my, maar niemand was jammer nie. Ek het mense gesoek wat my wil help sodat dit beter kan gaan met my, maar ek het niemand gekry nie.

Afrikaans 1933-1953

²¹ Die smaad breek my hart, en ek is verswak; ja, ek het gewag op medelyde, maar verniet; en op vertroosters, maar het hulle nie gevind nie.

Afrikaans 1983

²¹ Beledigings het my gebreek, ek is gedaan. Ek het gehoop op meegevoel, maar tevergeefs, op mense om my te troos, maar daar was nie een nie.

Contemporary Afrikaans Bible 2023

²¹ Hulle het my ook gal vir my vleis gegee; en in my dors het hulle my asyn gegee om te drink.

Die Boodskap

²¹ Al die spot en vernedering breek my moed. Daar is geen krag meer in my oor nie. Ek het gewag dat iemand my hand moet kom vat. Maar niks het gebeur nie. Ek het gehoop dat mense my sal troos. Maar nie een het iets gedoen nie.

Nuwe Lewende Vertaling

²¹ Hulle beledigings het my gebreek, en ek is radeloos. Ek het gesoek vir meegevoel, maar tevergeefs; vir ’n bemoediger, maar daar was niemand.

Psalms 69:21 Kruisverwysings

Prediker 4:1

Ek het weer gekyk na al die onderdrukking wat gepleeg word onder die son. Kyk, daar is trane van onderdruktes, maar vir hulle is daar geen trooster nie. Die mag is in hulle onderdrukkers se hande – en vir hulle is daar geen trooster nie.

Jeremia 23:15

Daarom, so sê die Here, Heerser oor alle magte, oor die profete: “Kyk, Ek laat hulle wildeals eet, en laat hulle giftige water drink; want van die profete van Jerusalem af het goddeloosheid uitgegaan na die hele land.”

Jeremia 8:14

“ Waarom bly ons nog sit? Kom byeen! Laat ons in die versterkte stede ingaan, en daar omkom. Ja, die Here ons God laat ons omkom. Hy gee ons giftige water om te drink, omdat ons gesondig het teen die Here.

Jeremia 9:15

Daarom, so sê die Here, Heerser oor alle magte, die God van Israel: “Kyk, Ek laat hierdie volk wildeals eet en giftige water drink.

Klaagliedere 1:2

Bedroef huil sy snags, die trane stroom oor haar wange. Daar is niemand onder haar geliefdes wat haar troos nie. Al haar vriende het haar verraai en haar vyande geword.

Klaagliedere 1:9

Tot aan haar klere kleef haar onreinheid. Sy het nie gedink aan wat van haar sou word nie. Haar ondergang was verskriklik; daar is niemand wat haar troos nie. Here, kyk tog na my nood, want die vyand is vermetel.

Matteus 27:34

het hulle vir Hom wyn, gemeng met 'n giftige kruid, gegee om te drink. En toe Hy dit proe, wou Hy dit nie drink nie.

Matteus 27:48

Dadelik het een van hulle nader gehardloop, 'n spons geneem, dit in suur wyn geweek, op 'n riet gesit, en vir Hom gegee om te drink.

Markus 15:23

Hulle wou Hom wyn, gemeng met mirre, gee, maar Hy het dit nie geneem nie.

Markus 15:36

Iemand het gehardloop, 'n spons met suur wyn deurweek, dit op 'n riet gesit en vir Hom gehou om te drink, met die woorde: “Wag, laat ons sien of Elia kom om hom af te haal.”

Lukas 23:36

Ook die soldate het met Hom die spot gedryf, terwyl hulle nader staan en vir Hom suur wyn aanbied,

Deuteronomium 29:18

Dit het gebeur sodat daar by julle nie 'n man of 'n vrou of familie of stam sal wees wat vandag hulle harte van die Here ons God afwend om die gode van daardie nasies te gaan dien nie – ja, sodat daar onder julle geen wortel sal wees wat giftige plante en wildeals voortbring nie.