Psalms 69:16 - Die Bybel 2020-vertaling

¹⁶ Laat vloedwater my nie meesleur nie, die diepte my nie verswelg nie. Laat die put nie sy mond bo my toemaak nie.

Bybel vir almal

¹⁶ U moenie dat die watervloed oor my stroom nie, U moenie dat die diep water my insluk en dat die doderyk sy bek toemaak bokant my nie.

Afrikaans 1933-1953

¹⁶ Laat die waterstroom nie oor my loop en die diepte my nie verslind nie, en laat die put sy mond bo my nie toesluit nie!

Afrikaans 1983

¹⁶ Moenie dat die stroom my meesleur en die diep water my insluk nie, en moenie dat hierdie put toegaan bokant my nie.

Contemporary Afrikaans Bible 2023

¹⁶ Hoor my, HERE! want u goedertierenheid is goed.

Die Boodskap

¹⁶ Moenie dat die water oor my gaan nie. Gee dat probleme my nie onderkry nie. Ek wil nie doodgaan nie.

Nuwe Lewende Vertaling

¹⁶ Moenie dat die watervloed my oorweldig, of die diep waters my insluk, of die graf bokant my toegaan nie.

Psalms 69:16 Kruisverwysings

Psalms 106:45

Om hulle ontwil het Hy aan sy verbond gedink, en Hy het hulle jammer gekry uit die oorvloed van sy troue liefde.

Psalms 109:21

Maar, U, Here, my Heer, handel met my ter wille van u Naam; omdat u troue liefde goed is, red my!

Psalms 18:5

Bande van die dood het my omsluit, strome van vernietiging het my verskrik,

Psalms 25:16

Draai U na my en wees my genadig, want ek is eensaam en magteloos.

Psalms 26:11

Maar ek, ek gedra my onberispelik – red my en wees my genadig!

Psalms 36:7

U geregtigheid is soos massiewe berge, u regspraak soos die groot •oerwater. U verlos mens en dier, Here.

Psalms 51:1

Vir die •musiekleier. 'n Psalm. Van Dawid.

Psalms 63:3

So het ek uitgesien na U in die heiligdom, om u krag en glorieryke teenwoordigheid te ervaar,

Psalms 69:13

Dié wat in die stadspoort sit, dryf die spot met my, en die liedjies van dronkaards ook.

Jesaja 63:7

Die troue liefde van die Here sal ek vermeld, die lofwaardige dade van die Here, in ooreenstemming met alles wat die Here aan ons bewys het – die oorvloedige guns vir die huis van Israel wat Hy aan hulle bewys het in sy ontferming en oorvloedige troue liefde.

Miga 7:19

wat ons weer genadig sal wees, ons skuld sal vertrap. U sal al ons sondes in die dieptes van die see gooi.