Psalms 65:3 - Die Bybel 2020-vertaling

³ U wat gebede hoor – na U moet alle mense kom.

Bybel vir almal

³ Dit is U wat luister wanneer mense tot U bid. Al die mense wil na U toe kom

Afrikaans 1933-1953

³ o Hoorder van die gebed, tot U moet alle vlees kom!

Afrikaans 1983

³ aan U wat die gebed verhoor. Na U toe sal alle mense kom

Contemporary Afrikaans Bible 2023

³ Ongeregtighede oorwin my: ons oortredinge moet U uitwis.

Die Boodskap

³ Want U luister na elke gebed. Alle mense moet na U toe kom met hulle sonde.

Nuwe Lewende Vertaling

³ O Hoorder van gebed, na U toe sal alle mense kom.

Psalms 65:3 Kruisverwysings

1 Konings 9:3

Die Here het vir hom gesê: “Ek het jou gebed, jou smeekbede wat jy pleitend voor My uitgespreek het, gehoor. Ek het hierdie •tempel wat jy gebou het, geheilig deur my Naam vir altyd daar te vestig. My oë en my hart sal altyd daar wees.

2 Konings 19:20

Jesaja, seun van Amos, het toe vir Hiskia laat weet: “So sê die Here, die God van Israel, ‘Wat jy tot My gebid het oor Sanherib, die koning van Assirië, het Ek gehoor. ’

2 Konings 20:5

“Draai om en sê vir Hiskia, die leier van my volk, ‘So sê die Here, die God van jou voorvader Dawid: “Ek het jou gebed gehoor; Ek het jou trane gesien. Kyk, Ek gaan jou gesond maak. Op die derde dag sal jy weer opgaan na die huis van die Here.

Psalms 38:4

Daar is geen gesonde plek aan my liggaam nie, vanweë u vervloeking. Daar is geen vrede in my gebeente nie, vanweë my sonde.

Psalms 40:12

U, Here, moet tog nie u ontferming van my weerhou nie. Laat u troue liefde en waarheid my altyd veilig hou,

Psalms 51:7

Kyk, in sondeskuld is ek gebore, sondig toe my moeder met my swanger geraak het.

Psalms 79:9

Help ons, o God wat ons verlos, ter wille van die eer van u Naam. Red ons en bedek ons sondes, ter wille van u Naam.

Jesaja 6:7

Hy het my mond aangeraak en gesê: “Kyk, dit het jou lippe aangeraak, jou sondeskuld het gewyk, daar is vir jou sonde versoening gedoen.”

Jesaja 66:23

En dan, van nuwemaan tot nuwemaan, van Sabbat tot Sabbat, sal alle mense kom om voor My in aanbidding te buig,” sê die Here.

Jeremia 16:19

Here, my sterkte, my beskutting, my toevlugsoord in die dag van nood, na U sal nasies kom van die uithoeke van die aarde af. Hulle sal sê: “Net leuens het ons voorouers geërf – nietige afgode, en onder hulle is daar nie een wat enigiets kan bied nie. ”

Sagaria 13:1

“ Op daardie dag sal 'n fontein oopgemaak word waar die huis van Dawid en die inwoners van Jerusalem hulle sondes en •onreinheid kan afwas.

Johannes 1:29

Die volgende dag sien Johannes Jesus na hom toe kom, en hy sê: “Kyk, die Lam van God wat die sonde van die wêreld wegneem!

Galasiërs 5:17

Want die vlees begeer teen die Gees, en die Gees begeer teen die vlees; die twee opponeer mekaar, sodat julle dit wat julle ook al wil, nie kan doen nie.

Hebreërs 9:14

hoeveel te meer sal die bloed van Christus, wat Homself deur die ewige Gees as vlekkelose offer aan God geoffer het, ons gewete reinig van dooie werke, sodat ons die lewende God kan dien?

Openbaring 1:5

en van Jesus •Christus, die betroubare getuie, die •Eersgeborene uit die dood en die heerser oor die konings van die aarde. Aan Hom wat ons liefhet, en ons deur sy bloed van ons sondes verlos het,