Psalms 60:9 - Die Bybel 2020-vertaling

⁹ Aan My behoort Gilead, aan My Manasse; Efraim is 'n beskutting vir my kop, Juda is my heerserstaf.

Bybel vir almal

⁹ Die land Gilead is my land, die land van Manasse is ook Myne. Die land Efraim is vir My soos die helm op die kop van 'n soldaat. Die land Juda is vir My soos die septer in die hand van 'n koning.

Afrikaans 1933-1953

⁹ Gílead is myne en Manasse is myne, en Efraim is die beskutting van my hoof; Juda is my veldheerstaf.

Afrikaans 1983

⁹ Aan My behoort Gilead, aan My behoort Manasse! Efraim is my vernaamste vesting, Juda my koninklike gebied.

Contemporary Afrikaans Bible 2023

⁹ Wie sal my in die sterk stad bring? wie sal my na Edom toe lei?

Die Boodskap

⁹ Die hele land is Myne. Ek het vir julle elkeen plek gemaak. In Juda se gebied bly die koning.

Psalms 60:9 Kruisverwysings

Genesis 49:10

Die septer sal nie van Juda wyk nie, ook nie die heerserstaf tussen sy voete nie, totdat hy aan wie dit behoort, kom, en volke aan hom gehoorsaam is.

2 Samuel 11:1

Teen die jaarwending, wanneer die konings op veldtogte uittrek, het Dawid vir Joab uitgestuur, en saam met hom sy amptenare en die hele Israel. Hulle het die Ammoniete vernietigend verslaan en Rabba beleër. Maar Dawid het in Jerusalem agtergebly.

1 Kronieke 11:6

Dawid het gesê: “Wie ook al eerste 'n Jebusiet neervel, word hoof en •aanvoerder!” Joab, seun van Seruja, het eerste opgegaan, en hy het hoof geword.

Rigters 1:12

Kaleb het gesê: “Die een wat Kirjat-Sefer aanval en inneem – vir hom sal ek my dogter Agsa as vrou gee.”