Psalms 6:4 - Die Bybel 2020-vertaling

⁴ ja, tot in my siel is ek heeltemal vreesbevange. Ag, Here, hoe lank nog?

Bybel vir almal

⁴ Ek is baie bang. Wanneer sal U my help?

Afrikaans 1933-1953

⁴ Ja, my siel is baie verskrik; en U, Here, tot hoe lank?

Afrikaans 1983

⁴ Ek is heeltemal gedaan. Hoe lank nog, Here, voordat U uitkoms gee?

Contemporary Afrikaans Bible 2023

⁴ Keer terug, HERE, red my siel; red my ter wille van u goedertierenheid.

Die Boodskap

⁴ Ek is lam van moedeloosheid. Wat gaan U hieraan doen, Here? Hoe lank gaan dit nog so aanhou?

Nuwe Lewende Vertaling

⁴ My hele wese is angsbevange. Hoe lank nog, Here?

Psalms 6:4 Kruisverwysings

Psalms 116:4

Toe het ek die Naam van die Here bly aanroep: “Ag, Here, red tog my lewe!”

Psalms 116:8

Ja, U het my lewe van die dood gered, my oë van trane, my voete van struikeling.

Psalms 120:2

Here, bevry my lewe, van lippe wat lieg, van 'n tong wat bedrieg.

Psalms 121:7

Die Here sal jou beskerm teen elke onheil; Hy sal jou lewe beskerm.

Psalms 13:2

Hoe lank nog, Here? Gaan U my vir altyd vergeet? Hoe lank nog gaan U u gesig vir my verberg?

Psalms 17:13

Staan op, Here, loop op hom af, laat hom die knie buig. Bevry my met u swaard van goddeloses,

Psalms 22:20

U, Here, moet tog nie ver van my bly nie; my bron van krag, kom my gou te hulp.

Psalms 25:7

Aan die sondes van my jeug en my oortredings moet U nie dink nie; dink aan my in u troue liefde, omdat U goed is, Here.

Psalms 69:13

Dié wat in die stadspoort sit, dryf die spot met my, en die liedjies van dronkaards ook.

Psalms 74:10

Hoe lank, o God, gaan die teenstander nog die spot dryf, gaan die vyand u Naam vir ewig verag?

Psalms 79:5

Hoe lank nog, Here? Gaan U vir ewig toornig bly; sal u heilige jaloesie soos 'n vuur bly brand?

Psalms 80:14

Wildevarke uit die bos vreet hom kaal; bosvarke uit die veld vreet hom op.

Psalms 86:13

want u troue liefde teenoor my is groot: U het my lewe weggeruk uit die •doderyk daar onder.

Psalms 90:13

Keer terug, Here! Hoe lank nog? Ontferm U oor u diensknegte.

Jesaja 38:17

Kyk, tot vrede het my intense bitterheid gelei; U self het my lewe teruggehou van die kuil van vernietiging, ja, U het al my sondes die rug toegekeer.

Daniël 9:18

Draai u oor, my God, en hoor! Maak u oë oop en sien ons verwoeste plekke raak en ook die stad waaroor u Naam uitgeroep is! Want nie op grond van ons regverdige dade lê ons ons smeekbede voor u nie, maar op grond van u oorvloedige barmhartigheid.

Maleagi 3:7

Sedert die tyd van julle voorouers wyk julle van my voorskrifte af en kom dit nie na nie. Keer terug na My, dan sal Ek na julle terugkeer,” sê die Here, Heerser oor alle magte. “Maar julle vra, ‘Hoe moet ons terugkeer?’

Efesiërs 1:6

tot lof van die heerlikheid van sy genade, waarmee Hy ons in die Geliefde begenadig het.