Psalms 6:10 - Die Bybel 2020-vertaling

¹⁰ Die Here het my smeking gehoor; die Here aanvaar my gebed.

Bybel vir almal

¹⁰ Hy het gehoor hoe ek soebat, Hy het gehoor wat ek bid.

Afrikaans 1933-1953

¹⁰ Die Here het my smeking gehoor; die Here neem my gebed aan.

Afrikaans 1983

¹⁰ die Here het geluister na my smeking, die Here het my gebed aangeneem.

Contemporary Afrikaans Bible 2023

¹⁰ Laat al my vyande beskaamd staan en baie kwaad word; laat hulle terugkom en skielik beskaamd staan.

Die Boodskap

¹⁰ Die Here het gehoor toe ek huilend by Hom pleit. Hy aanvaar my gebed.

Psalms 6:10 Kruisverwysings

2 Konings 20:5

“Draai om en sê vir Hiskia, die leier van my volk, ‘So sê die Here, die God van jou voorvader Dawid: “Ek het jou gebed gehoor; Ek het jou trane gesien. Kyk, Ek gaan jou gesond maak. Op die derde dag sal jy weer opgaan na die huis van die Here.

Job 6:29

Draai tog om! Laat daar nie onreg wees nie! Draai om! Ek het steeds die reg aan my kant, ondanks die onreg.

Psalms 112:10

Die goddelose sien dit en vererg hom; hy kners op sy tande, maar kwyn weg. Die begeerte van goddeloses gaan tot niet.

Psalms 132:18

Sy vyande sal Ek met skande beklee, maar sy kroon sal op hom skitter.”

Psalms 2:5

Dan spreek Hy hulle in sy toorn aan, met sy woede verskrik Hy hulle:

Psalms 25:3

Ja, niemand wat op U wag, sal beskaamd staan nie; maar hulle wat sonder rede ontrou is, sal beskaamd staan.

Psalms 35:26

Laat dié wat hulle oor my teenspoed verbly, almal saam beskaamd en verleë staan; laat skaamte en vernedering hulle soos klere bedek, dié wat hulle teen my groot hou.

Psalms 5:10

Daar kom immers niks betroubaars uit hulle monde nie, hulle binneste huisves vernietiging, hulle kele is 'n oop graf, met hulle tonge vlei hulle.

Psalms 55:20

God hoor en sal hulle verneder – Hy regeer immers van die voortyd af, – Sela hulle by wie daar geen verandering is nie, en wat nie ontsag het vir God nie.

Psalms 7:6

mag die vyand my dan agtervolg en inhaal, my lewe in die grond vertrap, en my eer deur die modder sleep. •Sela

Psalms 71:13

Laat hulle wat my lewe bedreig, beskaamd staan. Laat hulle wat my onheil soek, in skande en vernedering gehul wees.

Psalms 71:24

Ook my tong sal die hele dag oor u geregtigheid prewel, omdat daardie mense beskaamd staan, omdat hulle wat my onheil soek, in die skande gekom het.

Psalms 73:19

Hoe word hulle in 'n oogwink 'n skrikbeeld, hoe kom hulle volledig tot 'n einde deur verskrikking!

Psalms 86:17

Gee my 'n teken van goedheid sodat hulle wat my haat, dit kan sien en beskaamd staan. U, Here, het my immers gehelp en getroos.

Spreuke 29:1

Iemand wat ná teregwysings hardnekkig bly, sal onverwags verpletter word, sonder kans op herstel.

Jesaja 26:11

Here, dat u hand opgehef is, merk hulle nie op nie. Die ywer vir u volk – laat hulle dit opmerk en beskaamd staan. Laat ook die vuur, bestem vir u vyande, hulle verteer.

Jeremia 20:11

Maar die Here is by my, soos 'n vreesaanjaende krygsheld. Daarom sal my vervolgers tot 'n val kom; hulle sal nie die oorhand kry nie. Hulle sal geheel en al beskaamd staan, want hulle sal nie slaag nie – 'n ewige vernedering wat nie vergeet sal word nie.

Maleagi 3:18

Dan sal julle weer die verskil sien tussen regverdiges en wetteloses, tussen wie God dien en wie Hom nié dien nie.

1 Thessalonisense 5:3

Wanneer hulle sê, “Daar is vrede en veiligheid,” kom daar skielik vernietiging oor hulle, soos geboortepyne 'n swanger vrou oorval, en hulle sal beslis nie ontkom nie.