Psalms 53:4 - Die Bybel 2020-vertaling

⁴ Almal het afgedwaal, saam het hulle ontaard; daar is nie een wat goed doen nie, selfs nie een nie.

Bybel vir almal

⁴ Maar hulle het almal sleg geword, hulle het nie op die regte pad geloop nie. Nie een van hulle doen goed nie, nie een nie.

Afrikaans 1933-1953

⁴ Hulle het almal afgewyk, tesame het hulle ontaard; daar is niemand wat goed doen nie, ook nie een nie.

Afrikaans 1983

⁴ Almal het afgedwaal, die laaste een het ontaard, daar is niemand wat goed doen nie, selfs nie één nie.

Contemporary Afrikaans Bible 2023

⁴ Het die werkers van ongeregtigheid geen kennis nie? wat my volk eet soos hulle brood eet; hulle het God nie aangeroep nie.

Die Boodskap

⁴ Alle mense het die verkeerde pad begin loop. Hulle was almal ewe korrup. Nie een het daarin belanggestel om te doen wat God wil hê nie.

Nuwe Lewende Vertaling

⁴ Maar nee! Almal het weggedraai; almal het bedorwe geword. Niemand doen wat goed is nie, nie eens één nie!

Psalms 53:4 Kruisverwysings

Psalms 27:2

As kwaaddoeners op my toesak om my lewendig te verslind, ja, my teenstanders en my vyande, struikel hulle self en val.

Psalms 94:8

Sien dit tog in, julle onverstandiges onder die volk! En dwase, wanneer word julle wys?

Jesaja 27:11

Wanneer haar takke verdroog het, sal hulle afgebreek word; vroue sal kom en dit aan die brand steek. Ja, dit is nie 'n verstandige volk nie; daarom sal hulle Maker Hom nie oor hulle ontferm nie, sal die Een wat hulle gevorm het, geen genade aan hulle betoon nie.

Jeremia 10:25

Stort u woede uit oor die nasies wat U nie ken nie, en oor geslagte wat u Naam nie aanroep nie; want hulle het Jakob verslind, hulle het hom verslind en vernietig – sy weiding het hulle verwoes.

Jeremia 4:22

“Ja, my volk is dom; Hulle ken My nie. Dwase kinders is hulle; hulle het nie insig nie. Slim om kwaad te doen, dit is hulle; maar om goed te doen, dit ken hulle nie.”

Openbaring 17:16

Die tien horings wat jy gesien het, en ook die dier, sal die prostituut haat, en haar kaal en verlate maak. Hulle sal haar vleis eet, en haar met vuur verbrand.