Psalms 53:3 - Die Bybel 2020-vertaling

³ God kyk vanuit die hemel na die mense om te sien of daar iemand is wat verstandig is, iemand wat God soek.

Bybel vir almal

³ God kyk uit die hemel na die mense om te sien of daar iemand is wat verstandig is, iemand wat vra wat God wil hê.

Afrikaans 1933-1953

³ God het uit die hemel neergesien op die mensekinders om te sien of daar iemand verstandig is, wat na God vra.

Afrikaans 1983

³ Van die hemel af kyk God die mense deur om te sien of daar één verstandige is, één wat na die wil van God vra.

Contemporary Afrikaans Bible 2023

³ Elkeen van hulle het teruggegaan; hulle het heeltemal vuil geword; daar is niemand wat goed doen nie, ook nie een nie.

Die Boodskap

³ God soek oral na iemand wat die verstand het om Hom te dien en te doen wat Hy vra.

Nuwe Lewende Vertaling

³ God kyk neer vanuit die hemel oor die hele mensegeslag om te sien of daar één is wat verstandig is, één is wat God dien.

Psalms 53:3 Kruisverwysings

2 Samuel 20:2

Al die manne van Israel het toe opgetrek, weg van Dawid af, agter Seba, seun van Bigri, aan. Maar die manne van Juda was aan hulle koning se sy van die Jordaan af tot by Jerusalem.

Job 15:16

hoeveel minder 'n mens wat afstootlik en ontaard is, wat ongeregtigheid soos water drink!

Psalms 14:3

Almal het afgedwaal, saam het hulle ontaard; daar is nie een wat goed doen nie, selfs nie een nie.

Jesaja 53:6

Ons almal het soos kleinvee gedwaal, elkeen van ons het sy eie koers ingeslaan; maar die Here het ons almal se sondeskuld op hom laat neerkom.

Jesaja 64:6

Ons almal het geword soos iets wat onrein is, soos 'n besoedelde kledingstuk is al ons geregtighede. Ons almal het verwelk soos blare, en soos die wind het ons sondeskuld ons weggedra.

Esegiël 36:25

Ek sal rein water oor julle sprinkel, en julle sal rein wees. Van al julle onreinhede en van al julle afgodsbeelde sal Ek julle reinig.

Sefanja 1:6

diegene wat van die Here af weggedraai het, hulle wat die Here nie opsoek nie en Hom nie raadpleeg nie.”

Romeine 3:12

Almal het afgedwaal; saam het hulle ontaard. Daar is niemand wat goed doen nie, daar is selfs nie een nie.”

2 Korinthiërs 7:1

Aangesien ons hierdie beloftes het, geliefdes, laat ons ons reinig van alle besoedeling van liggaam en gees, terwyl ons met diep ontsag vir God ons heiligheid verwesenlik.

1 Johannes 2:29

As julle weet dat Hy regverdig is, weet julle ook dat elkeen wat doen wat reg is, uit Hom gebore is.

3 Johannes 1:11

Geliefde, moenie die kwaad navolg nie, maar die goeie. Wie goed doen, is uit God; wie kwaad doen, het God nie gesien nie.

Openbaring 22:11

Wie onreg pleeg, laat hy nog meer onreg pleeg; wie onrein is, laat hy nog meer onrein word; maar wie regverdig is, laat hy nog meer geregtigheid beoefen; en wie heilig is, laat hy nog meer heilig word.”