Psalms 51:6 - Die Bybel 2020-vertaling

⁶ Teen U, teen U alleen, het ek gesondig en gedoen wat verkeerd is in u oë, sodat U gelyk sal hê as U uitspraak lewer, volkome reg wanneer U oordeel.

Bybel vir almal

⁶ Ek het sonde gedoen teen U, net teen U, ek het dinge gedoen waarvan U nie hou nie. Daarom was U reg toe U gesê het dat ek skuldig is, U het nie 'n fout gemaak toe U my ge-oordeel het nie.

Afrikaans 1933-1953

⁶ Teen U alleen het ek gesondig en gedoen wat verkeerd is in u oë, sodat U regverdig kan wees as U spreek, rein as U gerig hou.

Afrikaans 1983

⁶ Teen U alleen het ek gesondig, ek het gedoen wat verkeerd is in u oë. U uitspraak is dus reg en u oordeel regverdig.

Contemporary Afrikaans Bible 2023

⁶ Kyk, U begeer waarheid in die binneste, en in die verborge sal U my wysheid leer ken.

Die Boodskap

⁶ Ek was baie ongehoorsaam aan U, en dit teenoor U alleen. Maar U sal reg optree as U oor my lewe moet besluit. U sal nie die verkeerde ding doen nie.

Nuwe Lewende Vertaling

⁶ Teen U, U alleen, het ek gesondig; ek het gedoen wat vir U verkeerd is. Daarom is u uitspraak reg en u oordeel regverdig.

Psalms 51:6 Kruisverwysings

2 Samuel 12:13

“Ek het gesondig teen die Here,” het Dawid vir Natan gesê, waarop Natan toe vir Dawid sê: “Die Here self het jou sonde opsy geskuif. Jy sal nie sterf nie;

2 Konings 20:3

“Ag, Here, dink tog daaraan dat ek voor U geleef het in getrouheid en met 'n onverdeelde hart, dat ek gedoen het wat goed is in u oë. ” Hiskia het toe bitterlik gehuil.

1 Kronieke 29:17

Ek weet, my God, dat U harte toets en vreugde vind in opregtheid. Ek, met opregtheid van hart het ek dit alles vrywillig gegee. En nou het ek met vreugde gesien hoe u volk wat hier teenwoordig is, vrywillig vir U gee.

Job 32:8

Maar dit is die gees in sterflinge en die asem van die Almagtige wat aan hulle insig gee.

Job 38:36

Wie plaas wysheid in die wit wolke, of wie gee insig aan die wolke wat wegdryf?

Psalms 125:4

Here, doen goed aan die goeies, aan dié wat opreg is in hulle harte.

Psalms 15:2

Hy wat onberispelik leef en regverdig optree, wat van harte die waarheid praat.

Psalms 26:2

Toets my, Here, en stel my op die proef. Suiwer my niere en my hart!

Psalms 32:5

My sonde het ek teenoor U erken; my sondeskuld het ek nie bedek nie. Ek het gedink, ek wil my oortredings teenoor die Here bely, en U het my sondeskuld vergewe. Sela

Psalms 41:5

Ek, ek het gesê: “Here, wees my genadig, genees my tog, want ek het teen U gesondig.

Psalms 5:9

Lei my deur u geregtigheid, Here, omdat ek teenstanders het; maak u pad reguit voor my.

Spreuke 2:21

Want opregtes sal die land bewoon, en wie onberispelik is, sal daarin agterbly.

Spreuke 2:6

Ja, net die Here gee wysheid, uit sy mond kom kennis en verstandigheid.

Jeremia 12:1

U het die reg aan u kant, Here, as ek met U 'n regstryd sou voer; tog wil ek oor regsake met U praat: Waarom is die pad van goddeloses voorspoedig, waarom leef almal wat verraderlik optree, rustig?

Jeremia 31:33

“Nee, dít is die verbond wat Ek ná daardie dae met die huis van Israel sal sluit,” is die uitspraak van die Here: “Ek sal my wet in hulle binneste gee, en dit op hulle harte skryf. Ek sal vir hulle 'n God wees, en hulle sal vir My 'n volk wees.

Jeremia 32:40

Ek sal 'n ewige verbond met hulle sluit: Ek sal My nooit daarvan weerhou om aan hulle goed te doen nie, en Ek sal ontsag vir My in hulle harte gee, sodat hulle nie van My af sal wegdraai nie.

Jeremia 5:3

Here, u oë, is dit nie gerig op betroubaarheid nie? U het hulle geslaan, maar hulle het geen pyn gevoel nie. U het hulle verniel, maar hulle het geweier om teregwysing te aanvaar. Hulle het hulle gesigte harder gemaak as 'n rots; hulle het geweier om om te draai.

Lukas 11:39

Maar die Here sê vir hom: “Ja, julle Fariseërs, julle maak die buitekant van die beker en die skottel skoon, maar van binne is julle vol inhaligheid en boosheid.

Romeine 7:22

In my diepste wese verbly ek my oor die wet van God,

2 Korinthiërs 1:12

Ons roem is juis dit: die getuienis van ons gewete dat ons in die wêreld, en veral teenoor julle, opgetree het in opregtheid en met eerlikheid wat van God kom – ook nie deur menslike wysheid nie, maar deur die genade van God.

Jakobus 4:8

Nader tot God, dan sal Hy tot julle nader. Reinig julle hande, sondaars, en suiwer julle harte, dubbelhartiges!

1 Petrus 3:4

maar op dit wat in die mens se hart verborge is – die onverganklike skoonheid van 'n saggeaarde en rustige gees, wat in God se oë baie kosbaar is.

1 Samuel 16:7

Maar die Here het vir Samuel gesê: “Moenie na sy voorkoms en sy rysige gestalte kyk nie, want Ek het hom afgekeur. Dit gaan immers nie oor wat die mens sien nie, want: “Die mens kyk na wat hy sien, maar die Here kyk na die hart.”