Psalms 51:18 - Die Bybel 2020-vertaling

¹⁸ U vind immers geen vreugde in slagoffers nie, anders sou ek dit gee; •brandoffers aanvaar U nie.

Bybel vir almal

¹⁸ want offers is nie vir U belangrik nie, U hou nie daarvan dat ek net brand-offers gee nie.

Afrikaans 1933-1953

¹⁸ Want U het geen lus in slagoffer nie, anders sou ek dit gee; in brandoffer het U geen behae nie.

Afrikaans 1983

¹⁸ 'n Offer vra U nie, anders sou ek dit bring; 'n brandoffer wil U nie hê nie.

Contemporary Afrikaans Bible 2023

¹⁸ Doen goed na U welbehae aan Sion; bou die mure van Jerusalem.

Die Boodskap

¹⁸ Here, U wil nie hê dat ons U moet probeer vergoed vir alles wat U vir ons doen nie. Anders sou ek dit doen. U vra nie offers van ons nie.

Nuwe Lewende Vertaling

¹⁸ U verlang nie offers nie, anders sou ek dit bring. Selfs brandoffers wil U nie hê nie.

Psalms 51:18 Kruisverwysings

Nehemia 2:17

Toe sê ek vir hulle: “Julle sien die moeilikheid waarin ons verkeer, dat Jerusalem vervalle lê en dat haar poorte deur vuur verwoes is. Kom ons herbou die muur van Jerusalem, sodat ons nie langer 'n bespotting is nie. ”

Psalms 102:16

Nasies sal ontsag hê vir die Naam van die Here, en al die konings van die aarde vir u majesteit,

Psalms 147:2

Die Here herbou Jerusalem, die verstrooides van Israel maak Hy bymekaar.

Psalms 25:22

Bevry Israel, o God, van al sy benoudheid.

Psalms 40:7

Slagoffers en •graanoffers is nie wat U wil hê nie – U het my ore oopgemaak – •brandoffers en •reinigingsoffers het U nie gevra nie.

Psalms 69:35

Hemel en aarde moet Hom loof, oseane en alles wat daarin beweeg;

Jesaja 51:3

Ja, die Here het Sion getroos, Hy het al haar puinhope getroos. Hy het haar woestyn soos Eden gemaak, haar Araba soos die tuin van die Here. Vreugde en blydskap word in haar gevind, dankliedere en die klank van begeleiding.

Jesaja 58:12

Sommige uit jou sal die oeroue puinhope herbou, die fondamente van geslagte gelede sal jy weer oprig. Jy sal genoem word: die een wat bresse toebou, die een wat paaie herstel, sodat mense daar kan woon.

Jesaja 62:1

Ter wille van Sion sal ek nie swyg nie, ter wille van Jerusalem nie rus nie, totdat haar geregtigheid deurbreek soos 'n helder lig, haar verlossing brand soos 'n fakkel.

Jeremia 51:50

Julle wat aan die swaard ontkom het, gaan weg! Moenie bly staan nie! Dink daar in die verte aan die Here! Jerusalem sal in julle harte opkom.”

Daniël 9:25

“ Jy moet weet en verstaan: Vandat 'n woord uitgegaan het om Jerusalem te herstel en op te bou, tot met die koms van 'n gesalfde, 'n leier, sal sewe weke verloop. Twee-en-sestig weke lank sal die stad weer opgebou word, met pleine en gragte, maar dit sal tye van verdrukking wees.

Miga 6:7

Sal die Here genoeë neem met duisende ramme, met tienduisende strome olyfolie? Moet ek my eersgeborene gee vir my oortreding, die vrug van my liggaam vir my eie sonde?”

Miga 7:11

Dit is tyd om jou verdedigingsmure te herbou, dit is 'n tyd daardie wanneer jou grense uitgebrei sal word.

Sagaria 2:5

Ek self sal 'n muur van vuur rondom Jerusalem wees, en Ek sal heerlikheid in hulle midde wees.’ Dit is die uitspraak van die Here.”

Lukas 12:32

Moenie bang wees nie, klein kuddetjie, want julle Vader het dit goedgevind om die koninkryk aan julle te gee.

Efesiërs 1:5

nadat Hy ons voorbestem het om ons deur Jesus Christus as sy kinders aan te neem, soos Hy dit volgens sy wil goedgedink het,

Efesiërs 1:9

Hy het die geheimenis van sy wil aan ons bekend gemaak, soos Hy dit goedgedink en in Christus voorgeneem het,

Filippense 2:13

Want Hy wat die gewilligheid en die optrede in julle bewerk soos Hy dit goedvind, is God.

2 Thessalonisense 1:11

Met die oog hierop bid ons ook altyd vir julle, dat ons God julle vir hierdie roeping waardig sal ag, en dat Hy deur sy krag al julle goeie begeertes en geloofsdade ten volle sal verwesenlik,