Psalms 45:8 - Die Bybel 2020-vertaling

⁸ U het •geregtigheid lief en u haat goddeloosheid. Daarom, o goddelike wese, het u God u met olie van vreugde gesalf – meer as u metgeselle.

Bybel vir almal

⁸ jy is lief vir wat reg is en jy haat wat verkeerd is. Daarom het God, jou God, vir jou gesalf en vir jou meer vreugde gegee as vir ander konings.

Afrikaans 1933-1953

⁸ U het geregtigheid lief en haat goddeloosheid. Daarom het, o God, u God U gesalf met vreugde-olie bo u metgeselle.

Afrikaans 1983

⁸ U het die reg lief en u haat die onreg, want, verhewe wese, onder groot vreugde het u God u bo u tydgenote tot koning gesalf.

Contemporary Afrikaans Bible 2023

⁸ Al jou klere ruik na mirre en aalwyne en kassie, uit die ivoorpaleise, waardeur hulle jou bly gemaak het.

Die Boodskap

⁸ U hou van wat reg is en haat wat verkeerd is. Daarom het God, u God, u bo almal gekies en as koning aangestel, en almal was baie bly daaroor.

Psalms 45:8 Kruisverwysings

1 Konings 22:39

Die verdere geskiedenis van Agab, alles wat hy gedoen het, die paleis met ivoorinleg wat hy gebou het en al die stede wat hy versterk het, is dit nie opgeteken in die boekrol met die kronieke van die konings van Israel nie?

Psalms 11:7

Want regverdig is die Here, Hy het geregtigheid lief, opregtes sal sy teenwoordigheid ervaar.

Psalms 150:4

loof Hom met tamboeryn en koordans, loof Hom met snaarinstrument en fluit;

Psalms 16:11

U wys my die pad van die lewe: oorvloedige vreugde in u teenwoordigheid, lieflikhede in u regterhand, vir altyd.

Psalms 45:15

In veelkleurig geweefde klere word sy na die koning gebring; jongmeisies, haar vriendinne, is haar gevolg, hulle word vir u ingebring.

Hooglied 1:13

'n Sakkie mirre wat tussen my borste rus, is my liefste vir my.

Hooglied 1:3

Die geur van jou reukolie is heerlik, reukolie wat uitgegiet word, is jou naam – daarom raak die meisies verlief op jou!

Hooglied 3:6

Wat kom daar aan uit die woestyn soos suile rook, omhul van mirre en wierook, van al die beste speserye van die handelaar?

Hooglied 4:6

Totdat die dag begin asemhaal en die skaduwees vlug, gaan ek na die mirreberg, na die wierookheuwel.

Hooglied 5:1

Ek kom na my tuin, my suster, my bruid. Ek pluk my mirre met my speserye, ek eet my heuningkoek met my heuning, ek drink my wyn met my melk. Eet, vriende! Drink, en word van liefde dronk!

Hooglied 5:13

Sy wange is soos beddings balsemkruid wat geurige kruie laat uitspruit. Sy lippe is narsings wat drup van vloeiende mirre.

Hooglied 5:5

Ek het opgestaan om vir my liefste oop te maak. My hande het gedrup van mirre, my vingers van vloeiende mirre, op die handvatsels van die grendel.

Amos 3:15

Ek gaan die winterhuis verwoes saam met die somerhuis. Die huise met ivoorinleg sal tot niet gaan en groot huise sal verval,” is die uitspraak van die Here.

Matteus 2:11

Nadat hulle die huis binnegegaan het, het hulle die Kindjie by Maria, sy moeder, gesien en neergekniel en aan Hom eer bewys. Toe het hulle hulle skatte oopgemaak en vir Hom geskenke aangebied: goud, wierook en mirre.

Johannes 14:2

In die huis van my Vader is daar baie woonplek. As dit nie so was nie, sou Ek dit vir julle gesê het. Ek gaan om vir julle plek voor te berei.

Johannes 19:39

Nikodemus, wat voorheen gedurende die nag na Jesus gegaan het, het ook gekom en 'n mengsel van ongeveer 'n honderd litra mirre en adelhout gebring.

Hebreërs 12:2

die oog gerig op Jesus, die Leidsman en Voleinder van die geloof, Hy wat ter wille van die vreugde wat vir Hom in die vooruitsig gestel is, die kruis verduur het, die skande daarvan gering geag het, en sy plek aan die regterkant van die troon van God ingeneem het.