Psalms 41:1 - Die Bybel 2020-vertaling

¹ Vir die •musiekleier. 'n Psalm. Van Dawid.

Bybel vir almal

¹ Vir die leier van die koor: 'n Psalm van Dawid.

Afrikaans 1933-1953

¹ VIR die musiekleier. 'n Psalm van Dawid.

Afrikaans 1983

¹ Vir die koorleier. 'n Psalm van Dawid.

Contemporary Afrikaans Bible 2023

¹ (Aan die musiekleier, 'n Psalm van Dawid.) Welgeluksalig is hy wat ag gee op die arme: die HERE sal hom red in tyd van benoudheid.

Nuwe Lewende Vertaling

¹ Vir die koorleier: ’n Dawidspsalm.

Psalms 41:1 Kruisverwysings

Psalms 112:9

Hy deel uit, hy gee aan behoeftiges; sy geregtigheid hou stand vir altyd; met waardigheid styg sy aansien.

Psalms 34:19

Die Here is na aan hulle wat gebroke harte het; wie se gees verpletter is, verlos Hy.

Psalms 37:19

Hulle sal nie beskaamd staan in 'n tyd van teenspoed nie, en in tye van hongersnood is hulle versadig.

Psalms 37:26

Hy is altyd goedhartig en leen graag uit, sy nageslag is 'n seën vir ander.

Spreuke 14:21

Wie sy medemens verag, sondig; maar wie medelye het met magteloses, is gelukkig.

Spreuke 16:14

Die woede van 'n koning is 'n boodskapper van die dood, maar 'n wyse mens bring dit tot bedaring.

Spreuke 19:17

Wie hom oor 'n arme ontferm, leen aan die Here, en Hy sal hom vergoed vir sy weldaad.

Prediker 12:1

Dink aan jou Skepper in jou jong dae, voordat die dae van teenspoed kom, en jare aanbreek waarvan jy sal sê, “Vir my is daar geen vreugde in nie”;

Jeremia 39:17

Maar Ek sal jou red op daardie dag,” ’ is die uitspraak van die Here. ‘ “Jy sal nie oorgelewer word in die hande van die mense vir wie jy bang is nie.

Markus 14:7

Die armes het julle tog altyd by julle, en wanneer julle wil, kan julle hulle help; maar vir My het julle nie altyd by julle nie.

Handelinge 20:35

In alles het ek vir julle gewys dat 'n mens deur hard te werk, die swakkes moet help, en die woorde van die Here Jesus moet onthou toe Hy gesê het, ‘Dit maak 'n mens gelukkiger om te gee as om te ontvang.’ ”

Galasiërs 2:10

Ons moes slegs sorg dat ons die armes in gedagte hou – presies wat ek my ook beywer het om te doen.

1 Thessalonisense 5:14

En ons moedig julle aan, broers, om die leeglêers aan te spreek; bemoedig die moedeloses; ondersteun die swakkes; wees geduldig teenoor almal.

Hebreërs 6:10

God is immers nie onregverdig nie. Hy sal nie vergeet van julle arbeid, en van die liefde wat julle vir sy Naam betoon het, deurdat julle die •heiliges bedien het – en nog steeds bedien – nie.

Jakobus 2:13

Die oordeel is immers sonder ontferming oor hulle wat nie ontferming betoon het nie. Ontferming triomfeer oor die oordeel.

Openbaring 3:10

Omdat jy aan my opdrag gehoorsaam was om te volhard, sal Ek jou ook bewaar in die uur van beproewing wat oor die hele bewoonde wêreld gaan aanbreek, om die bewoners van die aarde op die proef te stel.

Rut 2:19

Haar skoonmoeder vra haar toe: “Waar het jy vandag are opgetel en by wie het jy gewerk? Mag die een wat jou bevoordeel het, geseënd wees! ” Sy vertel toe vir haar skoonmoeder by wie sy gewerk het: “Die man by wie ek vandag gewerk het, se naam is Boas.”