Psalms 39:5 - Die Bybel 2020-vertaling

⁵ “Here, maak my einde aan my bekend en die getal van my dae, hoeveel dit is. Ek wil weet hoe verganklik ek is.

Bybel vir almal

⁵ Here, U moet vir my laat weet wanneer ek sal sterf. Hoe lank sal ek nog lewe? Ek wil weet wanneer my lewe verby sal wees.

Afrikaans 1933-1953

⁵ Here, maak my einde aan my bekend en wat die maat van my dae is; laat my weet hoe verganklik ek is.

Afrikaans 1983

⁵ Maak tog aan my bekend wanneer my einde sal wees, Here, en hoeveel dae daar vir my oor is, sodat ek sal weet wanneer my lewe verby is.

Contemporary Afrikaans Bible 2023

⁵ Kyk, U het my dae soos 'n handbreedte gemaak; en my ouderdom is soos niks voor jou; waarlik, elke mens in sy beste toestand is heeltemal nietigheid. Sela.

Die Boodskap

⁵ Ek het vir die Here gevra: Hoe lank sal ek nog leef? Hoe kort gaan my lewe wees? Ek wil weet hoeveel tyd ek nog oorhet! Wanneer kom my einde?

Psalms 39:5 Kruisverwysings

Genesis 47:9

Jakob het die farao geantwoord: “My vreemdelingskap was honderd-en-dertig jaar lank. Min en vol teenspoed was my lewensjare – nie naastenby die lewensjare van my voorvaders in die tyd van hulle vreemdelingskap nie.”

2 Samuel 19:34

Maar Barsillai het vir die koning gesê: “Hoeveel dae van my lewensjare is nog oor dat ek saam met die koning na Jerusalem kan opgaan?

Job 7:6

My dae is vinniger as 'n wewersklos – dit kom tot 'n einde sonder hoop.

Psalms 144:4

'n Mens is soos 'n asemteug, sy lewensdae soos 'n vlugtige skaduwee.

Psalms 39:11

Neem u teistering van my af weg; onder die krag van u hand vergaan ek.

Psalms 62:9

Vertrou te alle tye op Hom, o volk, stort julle hart voor Hom uit. God is vir ons 'n skuilplek. Sela

Psalms 89:47

Hoe lank nog, Here? Gaan U Uself vir ewig verberg, sal u woede soos 'n vuur bly brand?

Psalms 90:12

Om ons lewensdae na waarde te skat – dit moet U ons leer, sodat ons 'n hart vol wysheid kan verwerf.

Prediker 1:2

Sinloos, volslae sinloos, sê Prediker, sinloos, volslae sinloos; alles is sinloos!

Prediker 2:11

Maar ek het nagedink oor al die werk wat my hande verrig het, en die inspanning waarmee ek my afgesloof het om dit tot stand te bring. En kyk, alles was sinloos en 'n gejaag na wind. Dit het geen voordeel ingehou onder die son nie.

Jesaja 40:17

Al die nasies is soos niks voor Hom; deur Hom word hulle beskou as minder as iets niksseggends, minder as 'n nietigheid.

Jakobus 4:14

Julle weet nie eers wat môre gaan gebeur nie. Hoe is julle lewe dan? Dit is maar 'n miswolkie, wat net vir 'n kort rukkie verskyn en dan weer verdwyn.

2 Petrus 3:8

Laat hierdie een saak egter nie by julle verbygaan nie, geliefdes: By die Here is een dag soos duisend jaar, en duisend jaar soos een dag.