Psalms 38:3 - Die Bybel 2020-vertaling

³ want u pyle het my binnegedring en u hand het op my afgekom.

Bybel vir almal

³ U het my geskiet met u pyle en U het my geslaan met u hand.

Afrikaans 1933-1953

³ Want u pyle het in my ingedring, en u hand het op my neergedaal.

Afrikaans 1983

³ U pyle het my getref, u hand lê swaar op my.

Contemporary Afrikaans Bible 2023

³ Daar is geen gesondheid in my vlees vanweë U toorn nie; en daar is geen rus in my gebeente vanweë my sonde nie.

Die Boodskap

³ U het my onderstebo geloop. Ek ly verskriklik.

Nuwe Lewende Vertaling

³ U pyle het my getref, u hand lê swaar op my.

Psalms 38:3 Kruisverwysings

2 Kronieke 26:19

Ussia was onbeheersd kwaad. Terwyl hy met die pan met reukwerk in sy hand, gereed om reukwerk te laat brand, sy onbeheersde woede op die priesters uithaal, het 'n velsiekte daar voor die priesters, langs die altaar vir die reukwerk in die huis van die Here, op sy voorkop uitgeslaan.

Job 6:4

Ja, die pyle van die Almagtige is in my, sodat my gees die gif daarvan drink. Die verskrikkinge van God neem teen my stelling in.

Psalms 102:3

Moet tog nie u gesig vir my verberg in my tyd van nood nie. Draai u oor na my in die tyd wanneer ek roep; antwoord my gou!

Psalms 102:5

My hart is platgeslaan en verdor soos onkruid, ja, ek vergeet om my brood te eet.

Psalms 32:4

Ja, dag en nag was u hand swaar op my; my lewenskrag het weggekwyn soos in die hitte van die somer. •Sela

Psalms 51:8

Kyk, getrouheid verwag u reeds in die moederskoot, in die verborgenheid leer U my wysheid.

Psalms 6:2

Here, moet my in u toorn nie teregwys en my in u woede nie bestraf nie.