Psalms 32:9 - Die Bybel 2020-vertaling

⁹ Moet julle nie soos 'n perd, soos 'n muil sonder verstand, gedra nie: Met toom en stang moet sy krag beteuel word, anders bly hy nie by jou nie.

Bybel vir almal

⁹ Jy moenie soos 'n perd of 'n muil wees wat dom is nie. 'n Mens moet 'n stang en 'n toom hê om so 'n dier mak te maak en om hom by jou te hou.

Afrikaans 1933-1953

⁹ Wees nie soos 'n perd, soos 'n muilesel wat geen verstand het nie, wat 'n mens moet tem met toom en teuel as sy tuig, anders kom hy nie naby jou nie.

Afrikaans 1983

⁹ Moenie onverstandig wees nie, soos 'n perd of 'n muil wat met 'n stang in die bek beteuel moet word as jy hom wil lei.

Contemporary Afrikaans Bible 2023

⁹ Wees nie soos 'n perd of soos 'n muil wat geen verstand het nie; wie se mond met byt en toom vasgehou moet word, sodat hulle nie na jou toe kom nie.

Die Boodskap

⁹ Moenie so dom soos ’n perd of ’n donkie wees nie. Hulle het maar min verstand. Hulle moet met ’n toom en ’n teuel gelei word, anders beteken hulle niks nie.

Nuwe Lewende Vertaling

⁹ Moenie redeloos wees soos ’n perd of muil wat met stang en toom beheer moet word nie.”

Psalms 32:9 Kruisverwysings

Job 30:11

“ Omdat God my boogsnaar losgemaak en my verneder het, het hulle vrye teuels in my teenwoordigheid.

Job 35:11

Hy wat ons onderrig, meer as die diere van die aarde, en ons slim maak, meer as die voëls van die hemel?’

Job 41:13

In sy nek setel sterkte, en voor hom uit dans krag.

Spreuke 26:3

'n Sweep is vir 'n perd, 'n toom vir 'n donkie, en 'n lat is vir die rug van dwase.

Jeremia 31:18

“ Ek het dit beslis gehoor – Efraim bejammer homself, ‘U het my ingebreek, en ek het my laat inbreek soos 'n ongeleerde kalf. As U my laat terugkeer, keer ek werklik terug; want U is die Here my God.

Jeremia 4:22

“Ja, my volk is dom; Hulle ken My nie. Dwase kinders is hulle; hulle het nie insig nie. Slim om kwaad te doen, dit is hulle; maar om goed te doen, dit ken hulle nie.”

Jakobus 3:3

Ons sit stange in perde se bekke, sodat hulle ons gehoorsaam, en daarmee stuur ons hulle hele liggaam.