Psalms 30:4 - Die Bybel 2020-vertaling

⁴ Here, U het my lewe uit die •doderyk laat opkom; U het my lewend gehou tussen dié wat afdaal in die put.

Bybel vir almal

⁴ Here, U het my laat uitkom uit die doderyk, ek was naby die dood, maar U het my weer laat lewe.

Afrikaans 1933-1953

⁴ Here, U het my siel uit die doderyk laat opkom; U het my lewend gemaak uit die wat in die kuil neerdaal.

Afrikaans 1983

⁴ Here, U het my gered van die doderyk, my aan die lewe gehou toe ek al op pad was na die dood toe.

Contemporary Afrikaans Bible 2023

⁴ Sing tot eer van die HERE, o sy heiliges, en loof tot eer van sy heiligheid.

Die Boodskap

⁴ Here, U het my uit die dood teruggeruk na die lewe toe. Ek het nie doodgegaan nie. U het my weer lewendig gemaak.

Nuwe Lewende Vertaling

⁴ Here, U het my gered van die doderyk, U het verhoed dat ek saam met ander wegsak in die graf.

Psalms 30:4 Kruisverwysings

1 Kronieke 16:4

Hy het van die Leviete wat voor die ark van die Here moes diens doen, aangestel om die Here, die God van Israel, te huldig, te dank en te loof.

Psalms 107:20

Hy het sy woord gestuur en hulle genees; Hy het hulle laat vrykom uit hulle vangkuile.

Psalms 132:9

U priesters moet geklee wees in •geregtigheid, u troue volgelinge moet jubel.

Psalms 148:14

Hy het sy volk sterk gemaak – 'n rede tot lof vir al sy troue volgelinge, die Israeliete, die volk wat na aan Hom is. Halleluja!

Psalms 28:1

Van Dawid. Na U, Here, roep ek! My Rots, moet U nie vir my doof hou nie, sodat ek nie, wanneer U teenoor my sou swyg, word soos dié wat in die put afdaal nie.

Psalms 32:11

Verbly julle in die Here, en juig, regverdiges; ja, jubel dit uit, almal met opregte harte.

Psalms 50:5

“Maak my getroue volgelinge vir my bymekaar, hulle wat by die offers my verbond hernu.”

Psalms 86:13

want u troue liefde teenoor my is groot: U het my lewe weggeruk uit die •doderyk daar onder.

Psalms 97:12

Verbly julle in die Here, regverdiges, en prys sy •heilige, gevierde Naam.

Eksodus 15:11

“ Wie is soos U onder die gode, Here? Wie is soos U, majestueus in heiligheid, ontsagwekkend in lofwaardige dade? U wat wonders doen,

Jesaja 6:3

Hulle het na mekaar geroep en gesê: “Heilig, heilig, heilig is die Here, Heerser oor alle magte! Die hele aarde is vol van sy heerlikheid.”

Openbaring 4:8

Die vier lewende wesens het elkeen ses vlerke, wat reg rondom en aan die binnekant vol oë is. Sonder om te rus, herhaal hulle dag en nag: “Heilig, heilig, heilig is die Here God, die Almagtige, Hy wat was en wat is en wat kom. ”

1 Samuel 2:6

“Die Here maak dood en Hy maak lewend; Hy laat na die •doderyk afdaal en Hy laat daaruit opkom.