Psalms 149:2 - Die Bybel 2020-vertaling

² Laat Israel hom verheug in sy Maker, laat die kinders van Sion juig oor hulle Koning.

Bybel vir almal

² Die mense van Israel moet wys dat hulle bly is omdat die Here hulle gemaak het. Die mense van Sion moet juig omdat die Here hulle Koning is.

Afrikaans 1933-1953

² Laat Israel hom verheug in sy Maker; laat die kinders van Sion juig oor hulle Koning!

Afrikaans 1983

² Laat Israel hom verheug in sy Maker, laat die volk van Sion jubel oor die Here hulle koning.

Contemporary Afrikaans Bible 2023

² Laat Israel bly wees oor Hom wat hom gemaak het; laat die kinders van Sion jubel oor hulle Koning.

Die Boodskap

² Al God se kinders moet bly wees oor Hom, want Hy het hulle gemaak. Gelowiges moet juig oor Hom, want Hy regeer oor hulle lewe.

Psalms 149:2 Kruisverwysings

Job 35:10

maar wat hulle nie sê nie, is, ‘Waar is God, my Maker, Hy wat lofsange gee in die nag,

Psalms 47:6

Onder gejuig bestyg God die troon, die Here bestyg dit onder die geluid van 'n •ramshoring.

Psalms 95:6

Gaan in, laat ons in aanbidding buig en kniel, laat ons op ons knieë staan voor die Here, ons Maker.

Jesaja 43:15

Ek is die Here, julle Heilige, die Skepper van Israel, julle Koning.”

Jesaja 52:7

Hoe lieflik op die berge is die voete van 'n boodskapper van vreugde, een wat vrede verkondig, wat 'n goeie boodskap bring, wat verlossing verkondig, wat vir Sion sê: “Jou God heers as koning!”

Jesaja 54:5

Want Hy wat met jou trou, is jou Maker; die Here, Heerser oor alle magte is sy Naam. Hy wat jou loskoop, is die Heilige van Israel. God van die hele wêreld word Hy genoem.

Joël 2:23

“Kinders van Sion, juig en wees bly in die Here julle God, want Hy gee vir julle reën as teken van geregtigheid, soos voorheen, sal Hy stortbuie en laatreëns vir julle laat uitsak.

Habakuk 1:12

Bestaan U dan nie van altyd af nie, Here, my God, my Heilige? Ons gaan tog nie sterf nie? Here, het U hom bestem as oordeel? O Rots, het U hom beskik as teregwysing?

Sefanja 3:14

Jubel van vreugde, dogter van Sion, roep dit uit, Israel! Verbly en verheug jou met jou hele hart, dogter van Jerusalem!

Sefanja 3:15

Die Here het die oordele oor jou afgewend, jou vyande uit die weg geruim. Die Koning van Israel, die Here, is in jou midde; jy sal geen onheil meer vrees nie.

Sagaria 9:9

Juig, dogter van Sion! Jubel, dogter van Jerusalem! Kyk, jou koning kom na jou toe: hy is regverdig en die oorwinnaar; hy is nederig en ry op 'n donkie, op die hingsvul van 'n donkiemerrie.

Matteus 21:5

“Sê vir die dogter van Sion: Kyk, jou Koning kom na jou toe: Hy is sagmoedig en Hy sit op 'n donkie, en op 'n jong donkie, die vul van 'n pakdier. ”

Matteus 25:34

Dan sal die Koning vir dié aan sy regterhand sê, ‘Julle, geseëndes van my Vader, kom beërf die koninkryk, wat vir julle gereedgemaak is van die grondlegging van die wêreld af.

Lukas 19:27

En daardie vyande van my wat nie wou gehad het dat ek koning oor hulle moes wees nie, bring hulle hierheen en maak hulle hier voor my dood.’ ”

Lukas 19:38

Hulle het uitgeroep: “Geseënd is die Koning, Hy wat kom in die Naam van die Here! Vrede in die hemel en heerlikheid in die hoogste! ”

Johannes 19:15

Hulle het egter geskreeu: “Weg, weg met hom! Kruisig hom!” Pilatus sê vir hulle: “Moet ek julle koning kruisig?” Die leierpriesters het geantwoord: “Ons het nie 'n koning nie, slegs die keiser.”

Deuteronomium 12:7

Daar, in die teenwoordigheid van die Here julle God, moet julle eet. Julle moet bly wees, julle en julle huisgesinne, oor alles waaraan julle die hand kon waag en waarmee die Here jou God jou geseën het.

Filippense 3:3

Want ons is die besnydenis, ons wat God deur sy Gees dien, ons wat ons op •Christus Jesus beroem, en nie op die liggaamlike dinge vertrou nie,

Openbaring 19:6

En ek het iets gehoor soos die klank van 'n groot skare, en soos die klank van baie waters, en soos die klank van swaar donderslae wat uitroep: “Halleluja! Die Here, ons God, die Almagtige, het sy koningskap opgeneem.

1 Samuel 12:22

Want die Here sal sy volk nie in die steek laat nie, ter wille van sy groot Naam. Die Here het immers besluit om julle sy volk te maak.