Psalms 148:13 - Die Bybel 2020-vertaling

¹³ Laat hulle die Naam van die Here loof, want sy Naam alleen is hoog verhewe; sy luister reik oor aarde en hemel.

Bybel vir almal

¹³ hulle almal moet die Naam van die Here prys, want sy Naam is belangriker as alles. Hy is Koning van die aarde en die hemel.

Afrikaans 1933-1953

¹³ laat hulle die Naam van die Here loof! Want sy Naam alleen is hoog; sy majesteit is oor aarde en hemel!

Afrikaans 1983

¹³ Laat hulle die Naam van die Here prys, want sý Naam alleen is hoog verhewe, sy majesteit strek oor die aarde en oor die hemel.

Contemporary Afrikaans Bible 2023

¹³ Laat hulle die Naam van die HERE loof, want sy Naam alleen is voortreflik; sy heerlikheid is bo die aarde en die hemel.

Die Boodskap

¹³ Mag almal die Here kom loof. Ja, Hy alleen is groot en belangrik. Ver in die hemel en ook hier op aarde kan almal sien hoe groot Hy is. Hy is so wonderlik dat woorde Hom nie kan beskryf nie.

Psalms 148:13 Kruisverwysings

1 Kronieke 29:11

Aan U, Here, behoort die grootheid, die sterkte, die luister, die roem en die majesteit – ja, alles in die hemel en op die aarde. Aan U, Here, behoort die koningskap, en U is as hoof verhewe bo alles.

Psalms 108:4

Ek wil U dank onder die volke, Here, ek wil U besing onder die nasies;

Psalms 113:4

Hoog bo al die nasies is die Here; bo die hemel is sy heerlikheid.

Psalms 150:6

Alles wat asem het, moet die Here loof! Halleluja!

Psalms 57:6

Verhef U bo die hemele, o God, u heerlikheid oor die hele aarde.

Psalms 72:19

Sy luisterryke Naam moet vir ewig geprys word; mag sy heerlikheid die hele aarde vul. •Amen, amen.

Psalms 8:1

Vir die •musiekleier. Op Haghittiet. 'n Psalm. Van Dawid.

Psalms 8:2

Here, ons Heer, hoe magtig is u Naam oor die hele aarde, U wat u luister bo die hemelruim vestig.

Psalms 8:9

die voëls van die hemel, en die visse van die see wat verbytrek op hulle roetes deur die oseane.

Psalms 99:9

Verheerlik die Here, ons God, buig in aanbidding voor sy heilige berg, want heilig is die Here, ons God.

Hooglied 5:16

Sy mond is pure soetigheid, hy is die begeerlikheid self. So lyk my liefste, so lyk my vriend, meisies van Jerusalem!

Hooglied 5:9

Wat maak jou liefste beter as ander, mooiste onder die vroue, wat maak jou liefste beter as ander, dat jy ons so besweer?

Jesaja 12:4

Julle sal op daardie dag sê, ‘Prys die Here! Roep sy Naam uit! Maak onder die volke sy dade bekend! Verkondig dat sy Naam verhewe is!

Jesaja 33:5

Die Here is verhewe, ja, Hy woon in die hoogte. Hy vul Sion met reg en geregtigheid.

Jesaja 6:3

Hulle het na mekaar geroep en gesê: “Heilig, heilig, heilig is die Here, Heerser oor alle magte! Die hele aarde is vol van sy heerlikheid.”

Sagaria 9:17

Waarlik, hoe goed en hoe mooi sal dit wees! Koring sal die jong mans laat gedy, en •nuwe wyn die jongmeisies.

Matteus 6:13

En bring ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. •Amen.

Efesiërs 4:10

Die Een wat neergedaal het, is dieselfde Een wat opgevaar het tot bo al die hemele, sodat Hy alle dinge kon vul.

Filippense 3:8

Inderdaad reken ek alles as verlies, ter wille van die uitnemendheid daarvan om Christus Jesus, my Here, te ken. Ter wille van Hom, het alles vir my 'n verlies geword, en beskou ek dit as vullis, sodat ek Christus as wins kan verkry,

1 Petrus 3:22

Hy wat aan die regterhand van God is, nadat Hy die hemel binnegegaan het, en engele, magte en kragte aan Hom onderwerp is.