Psalms 143:7 - Die Bybel 2020-vertaling

⁷ U moet my gou antwoord, Here; my gees is gedaan. Moet tog nie u gesig vir my verberg nie; dan word ek net soos hulle wat in die put afdaal.

Bybel vir almal

⁷ Here, U moet my gou antwoord, ek verlang baie na U. U moet kyk hoe dit met my gaan, ek is soos iemand wat besig is om te sterf.

Afrikaans 1933-1953

⁷ Verhoor my tog gou, Here: my gees beswyk! Verberg u aangesig nie vir my nie, sodat ek nie word soos hulle wat in die kuil neerdaal nie.

Afrikaans 1983

⁷ Antwoord my tog gou, Here, ek is heeltemal gedaan. Moet tog nie van my af wegkyk dat ek word soos dié wat sterwe nie.

Contemporary Afrikaans Bible 2023

⁷ Hoor my gou, HERE, my gees beswyk; verberg u aangesig nie vir my nie, dat ek nie word soos die wat in die kuil neerdaal nie.

Die Boodskap

⁷ Help my asseblief tog gou, Here. Ek is besig om dood te gaan. Moet my nie ignoreer nie, anders gaan ek nog gouer dood.

Nuwe Lewende Vertaling

⁷ Antwoord my tog gou, Here, want ek het moed verloor. Moenie U vir my verberg nie, anders word ek soos dié wat sterf.

Psalms 143:7 Kruisverwysings

Psalms 102:2

Here, hoor tog my gebed! Laat my hulpkreet U bereik!

Psalms 22:24

“Julle wat vir die Here ontsag het, loof Hom! Julle, die ganse nageslag van Jakob, vereer Hom! Vrees Hom, ganse nageslag van Israel!

Psalms 27:9

Moet u gesig nie vir my verberg nie, moet u dienskneg nie in toorn wegwys nie. U was my Helper, moet my nie verstoot of verlaat nie, God wat my red.

Psalms 28:1

Van Dawid. Na U, Here, roep ek! My Rots, moet U nie vir my doof hou nie, sodat ek nie, wanneer U teenoor my sou swyg, word soos dié wat in die put afdaal nie.

Psalms 40:17

Mag almal wat U soek hulle verheug en in U bly wees; mag hulle wat u verlossing liefhet, voortdurend sê: “Die Here is groot!”

Psalms 69:17

Antwoord my, Here, want u troue liefde is goed; draai na my in u groot ontferming.

Psalms 69:18

Moenie u gesig vir u dienskneg verberg nie, want ek is in die nood – antwoord my gou.

Psalms 69:3

Ek het weggesink in diep modder, en daar is geen vastrapplek nie; ek het in diep water beland, en die vloed gaan my meesleur.

Psalms 70:5

Mag almal wat U soek, hulle verheug en in U bly wees; mag hulle wat u verlossing liefhet, voortdurend sê: “God is groot!”

Psalms 71:12

O God, bly nie ver van my af nie; my God, kom my gou te hulp.

Psalms 84:2

Hoe lieflik is u woning, Here, Heerser oor alle magte!

Spreuke 13:12

Onvervulde hoop maak die hart siek, maar 'n vervulde wens is 'n boom van lewe.

Jesaja 38:18

Want die doderyk sal U nie prys nie; die dood sal U nie loof nie. Dié wat na die put afdaal, verlaat hulle nie op u trou nie.

Jesaja 57:16

Want Ek sal nie vir altyd 'n regstryd voer, en nie vir ewig toornig wees nie. Want menslike geeste sal voor My wegkwyn, ook die lewensasems wat Ek self gemaak het.

Jesaja 8:17

Ek sal wag op die Here, wat sy gesig verberg vir die huis van Jakob; ek sal op Hom bly hoop.

Lukas 21:26

Mense sal flou val van vrees en vermoedens oor wat die wêreld gaan tref, want die kragte van die hemele sal geskud word.