Psalms 135:21 - Die Bybel 2020-vertaling

²¹ Die Here moet geprys word uit Sion, Hy wat in Jerusalem woon. Halleluja!

Bybel vir almal

²¹ Ons prys die Here in Sion, ons prys Hom wat in Jerusalem woon. Julle moet die Here prys.

Afrikaans 1933-1953

²¹ Geloofd sy die Here uit Sion, Hy wat in Jerusalem woon! Halleluja!

Afrikaans 1983

²¹ Aan die Here kom die lof uit Sion toe, aan Hom wat in Jerusalem woon! Prys die Here!

Contemporary Afrikaans Bible 2023

²¹ Geseënd is die HERE uit Sion, wat in Jerusalem woon. Prys die HERE.

Die Boodskap

²¹ Ons wens dat die Here oral geprys word waar mense Hom aanbid, want Hy is oral. Prys die Here!

Psalms 135:21 Kruisverwysings

1 Kronieke 23:25

Dawid het immers gesê: “Die Here, die God van Israel, het vir sy volk rus gegee, en Hy vertoef vir altyd in Jerusalem;”

2 Kronieke 6:6

Maar nou het Ek Jerusalem gekies, sodat my Naam daar sal wees, en Ek het Dawid gekies om oor my volk Israel te wees.’

Esra 7:16

asook al die silwer en goud wat jy in die hele provinsie Babel sal vind, sowel as die vrywillige bydraes van die volk en die priesters wat hulle gee vir die huis van hulle God wat in Jerusalem is.

Psalms 128:5

Mag die Here jou seën uit Sion, sodat jy al die dae van jou lewe die goeie van Jerusalem sal geniet,

Psalms 134:3

Mag die Here jou seën uit Sion, Hy wat hemel en aarde gemaak het.

Psalms 48:1

'n Lied. 'n Psalm. Van die Koragiete.

Psalms 48:2

Groot is die Here en besonder lofwaardig in die stad van ons God, sy •heilige berg.

Psalms 48:3

Indrukwekkend hoog, 'n vreugde vir die hele land is die berg Sion in die verre noorde van die stad van die groot Koning.

Psalms 48:9

Wat ons gehoor het, het ons ook ervaar in die stad van die Here, Heerser oor alle magte, in die stad van ons God: God het haar gevestig vir altyd. •Sela

Psalms 76:2

God is in Juda bekend, in Israel is sy Naam groot.

Jesaja 12:6

Roep uit en jubel, inwoners van Sion, want die Heilige van Israel is groot in julle midde.”

Numeri 23:21

Onheil is nie in sig vir Jakob nie, en teenspoed is nie in die vooruitsig vir Israel nie. Die Here sy God is by hom, die gejubel oor 'n Koning klink in hom op.