Psalms 136:1 - Die Bybel 2020-vertaling

¹ Prys die Here, want Hy is goed – want vir ewig duur sy troue liefde.

Bybel vir almal

¹ Julle moet dankie sê vir die Here, want Hy is goed, ja, Hy doen altyd wat Hy belowe het.

Afrikaans 1933-1953

¹ LOOF die Here, want Hy is goed, want sy goedertierenheid is tot in ewigheid.

Afrikaans 1983

¹ Loof die Here, want Hy is goed. Aan sy liefde is daar geen einde nie.

Contemporary Afrikaans Bible 2023

¹ Loof die HERE; want Hy is goed, want sy goedertierenheid is tot in ewigheid.

Die Boodskap

¹ Loof die Here, want Hy is baie goed, sy liefde hou nooit op nie.

Psalms 136:1 Kruisverwysings

1 Kronieke 16:34

Prys die Here, want Hy is goed; ja, vir ewig duur sy troue liefde.

1 Kronieke 16:41

Saam met hulle was Heman en Jedoetoen en die res van die uitgesoektes wat by die naam aangewys is om die Here te prys met die woorde: “Vir ewig duur sy troue liefde!”

2 Kronieke 20:21

Nadat hy met die manskappe beraadslaag het, het hy sangers vir die Here aangestel wat sy glansryke heiligheid moes loof terwyl hulle voor die gewapende manne uitgaan. Hulle moes sê: “Prys die Here, want vir ewig duur sy troue liefde!”

2 Kronieke 7:3

Al die Israeliete het gesien hoe die vuur en die heerlikheid van die Here op die tempel neerdaal. Hulle het met hulle gesigte na die grond gekniel op die plaveisel, en in aanbidding gebuig. Hulle het die Here geprys met: “Want Hy is goed; ja, vir ewig duur sy troue liefde.”

2 Kronieke 7:6

Die priesters het op hulle plekke gestaan, asook die Leviete met die musiekinstrumente van die Here wat koning Dawid laat maak het om die Here mee te prys met die woorde: “Ja, vir ewig duur sy troue liefde.” Terwyl hulle die loflied van Dawid voorgedra het, het die priesters wat teenoor hulle gestaan het, op hulle trompette geblaas. Die hele Israel het gestaan.

Esra 3:11

Terwyl hulle die Here loof en dank, het hulle gesing: “Want Hy is goed, ja, sy troue liefde oor Israel is vir altyd!” Die hele volk het baie hard gejuig toe die Here geloof is, omdat die fondament van die huis van die Here gelê is.

Psalms 100:5

Want die Here is goed, vir ewig duur sy troue liefde, van geslag tot geslag sy trou.

Psalms 103:17

Maar die troue liefde van die Here is van altyd af en vir ewig oor hulle wat vir Hom ontsag het, en sy geregtigheid geld vir die kinders se kinders,

Psalms 105:1

Prys die Here, roep sy Naam uit; maak onder die volke sy dade bekend.

Psalms 106:1

Halleluja! Prys die Here, want Hy is goed; ja, vir ewig duur sy troue liefde.

Psalms 107:1

“Dank die Here, want Hy is goed; ja, vir ewig duur sy troue liefde,”

Psalms 118:1

Prys die Here, want Hy is goed; ja, vir ewig duur sy troue liefde.

Psalms 119:68

U is goed en doen goed; leer my u voorskrifte.

Jeremia 33:11

die geluid van vrolikheid en vreugde, die stem van bruidegom en bruid, die stem van hulle wat sê, “Prys die Here, Heerser oor alle magte, want die Here is goed, ja, vir ewig duur sy troue liefde,” terwyl hulle dank betuig in die huis van die Here. Ja, Ek sal die lot van die land verander om te wees soos voorheen,’ sê die Here.

Lukas 1:50

Hy bewys ontferming van geslag tot geslag aan hulle wat vir Hom ontsag het.

Judas 1:21

julleself in die liefde van God bewaar, terwyl julle die ontferming van ons Here Jesus Christus, met die oog op die ewige lewe, verwag.