Psalms 13:2 - Die Bybel 2020-vertaling

² Hoe lank nog, Here? Gaan U my vir altyd vergeet? Hoe lank nog gaan U u gesig vir my verberg?

Bybel vir almal

² Here, hoe lank sal U my nog vergeet, hoe lank sal U nog aanhou om u gesig weg te draai van my?

Afrikaans 1933-1953

² Hoe lank, Here, sal U my altyddeur vergeet? Hoe lank sal U vir my u aangesig verberg?

Afrikaans 1983

² Hoe lank gaan U my nog bly vergeet, Here? Vir altyd? Hoe lank gaan U nog van my af weg kyk?

Contemporary Afrikaans Bible 2023

² Hoe lank sal ek in my siel raad hou, elke dag met droefheid in my hart? hoe lank sal my vyand oor my verhef wees?

Die Boodskap

² Hoe lank gaan U my nog alleen los, Here? Gaan U my aanmekaar bly vergeet? As U my nie help nie, voel dit of my swaarkry ’n ewigheid lank aanhou. Hoe lank gaan U niks aan my krisis doen nie?

Nuwe Lewende Vertaling

² Hoe lank sal U my bly vergeet, Here? Vir altyd? Hoe lank nog sal U anderpad kyk?

Psalms 13:2 Kruisverwysings

Nehemia 2:2

Die koning vra toe vir my: “Waarom is jou gesig so somber? Jy is tog nie siek nie. Dit kan niks anders as 'n treurige hart wees nie.” Ek het baie bang geword

Ester 7:6

En Ester antwoord: “'n Verdrukker en vyand is hierdie bose Haman.” Haman het ineengekrimp van vrees voor die koning en die koningin.

Job 10:15

As ek skuldig sou wees, wee my! En as ek gelyk sou hê, kan ek my kop nie lig nie – versadig van skande en sat van my ellende.

Psalms 10:18

om aan die weeskind en die onderdrukte reg te laat geskied. Niemand sal meer voortgaan om mense uit die land te verdryf nie.

Psalms 116:3

Bande van die dood het my omsluit; angste van die •doderyk het my oorval; benoudheid en bekommernis het ek ervaar.

Psalms 17:9

vir goddeloses wat my geweld wil aandoen, vir my vyande wat my lewe van alle kante bedreig.

Psalms 31:18

Here, laat my nie beskaamd staan nie, want ek roep na U; laat die goddeloses beskaamd staan, laat hulle die •doderyk stil binnegaan.

Psalms 38:17

Ja, ek het gesê: “Anders is hulle verheug oor my, is hulle selfvoldaan teenoor my wanneer my voet swik.”

Psalms 42:4

Trane is dag en nag my brood, omdat daar die hele dag lank vir my gevra word: “Waar is jou God?”

Psalms 6:4

ja, tot in my siel is ek heeltemal vreesbevange. Ag, Here, hoe lank nog?

Psalms 7:2

Here, my God, by U skuil ek; verlos my van almal wat my agtervolg, en red my,

Psalms 74:10

Hoe lank, o God, gaan die teenstander nog die spot dryf, gaan die vyand u Naam vir ewig verag?

Psalms 74:18

Dink daaraan dat die vyand die spot dryf, Here, dat 'n dwase volk u Naam verag.

Psalms 8:2

Here, ons Heer, hoe magtig is u Naam oor die hele aarde, U wat u luister bo die hemelruim vestig.

Psalms 9:6

U het die nasies tereggewys, die goddeloses vernietig; hulle naam het U vir altyd en ewig uitgewis.

Spreuke 15:13

'n Vrolike hart laat die gesig goed lyk, maar by kommer in die hart is die gees neerslagtig.

Prediker 5:17

Kyk, wat ek gesien het, wat goed en mooi is, is om te eet en te drink en te geniet wat goed is by al die inspanning waarmee iemand hom afsloof onder die son gedurende die min lewensdae wat God vir hom gee, want dit is sy beloning;

Jeremia 15:18

Waarom is my pyn onophoudelik? Waarom is my wond ongeneeslik, wil dit nie gesond word nie? U het inderdaad vir my geword soos 'n bedrieglike stroom water wat nie standhoudend is nie.

Jeremia 45:3

‘Jy sê: “Wee my! Want die Here het droefheid by my smart gevoeg. Ek is moeg van my gesug, en ek kry geen rus nie.” ’

Jeremia 8:18

“ ‘ “sonder dat daar genesing is.” ’ ” Droefheid oorval my; my hart is siek in my.

Klaagliedere 1:5

Haar teenstanders het die oorhand gekry; haar vyande lewe rustig, want die Here het haar laat ly, omdat sy soveel keer oortree het. Haar kinders moes as ballinge voor teenstanders uit loop.

Klaagliedere 1:9

Tot aan haar klere kleef haar onreinheid. Sy het nie gedink aan wat van haar sou word nie. Haar ondergang was verskriklik; daar is niemand wat haar troos nie. Here, kyk tog na my nood, want die vyand is vermetel.

Klaagliedere 5:20

Waarom vergeet U ons vir altyd, waarom verlaat U ons vir goed?

Matteus 26:38

Toe sê Hy vir hulle: “My siel is diep bedroef, tot die dood toe. Bly hier en waak saam met My.”

Lukas 22:53

Ek was daagliks saam met julle op die tempelterrein, en tog het julle nie 'n hand op My gelê nie; maar dit is julle uur – nou regeer die duisternis. ”

Johannes 16:6

Maar omdat Ek hierdie dinge vir julle gesê het, is julle harte vol droefheid.

Romeine 9:2

dat ek in my hart 'n ontsaglike droefheid en 'n onophoudelike pyn ervaar.

Filippense 2:27

Hy was werklik tot die dood toe siek, maar God het Hom ontferm, nie net oor hom nie, maar ook oor my, sodat ek nie een verdriet ná die ander sou ervaar nie.

1 Samuel 18:29

Saul was toe nog banger vir Dawid, en hy het vir altyd 'n vyand van Dawid gebly.

1 Samuel 24:19

Jy het dit vandag duidelik gemaak dat jy aan my goed doen, dat die Here my in jou hand oorgelewer het, maar dat jy my nie om die lewe gebring het nie.