Psalms 12:6 - Die Bybel 2020-vertaling

⁶ “Vanweë die geweld teen die magteloses, die gesug van die behoeftiges, gaan Ek nóú opstaan,” sê die Here. “Ek sal hulle wat daarna smag na veiligheid bring.”

Bybel vir almal

⁶ Die Here sê: Ek sien die slegte dinge wat mense doen met die mense wat hulleself nie kan beskerm nie, ek hoor hoe kla en sug die mense wat niks het nie. Hulle het gevra dat Ek hulle moet help, en Ek sal nou kom.

Afrikaans 1933-1953

⁶ Oor die verdrukking van die ellendiges, oor die gesug van die behoeftiges sal Ek nou opstaan, sê die Here; Ek sal hom in veiligheid stel wat daarna smag.

Afrikaans 1983

⁶ Maar die Here sê: “Die swakkes word mishandel en die armes kla. Daarom gryp Ek nou in en gee uitkoms aan dié wat daarna smag.”

Contemporary Afrikaans Bible 2023

⁶ Die woorde van die HERE is rein woorde: soos silwer wat getoets is in 'n smeltoond van aarde, sewe maal gereinig.

Die Boodskap

⁶ Hy sê: “Ek gaan almal help wat verdruk word. Ek hoor die hulpkrete van mense in nood. Ek sal elkeen beskerm wat na my verlossing smag.”

Nuwe Lewende Vertaling

⁶ Die Here antwoord: “Ek het die geweld teen hulpeloses gesien, en Ek het die versugting van die armes gehoor. Daarom sal Ek hulle beveilig, die veiligheid bied waarna hulle smag.”

Psalms 12:6 Kruisverwysings

2 Samuel 22:31

“God, sy weg is volmaak; die woord van die Here is gelouter. Hy is 'n skild vir almal wat by Hom skuil.

Job 20:19

omdat hy armes mishandel het, hulle in die steek gelaat het; op huise wat hy nie gebou het nie, het hy beslag gelê.

Job 28:1

Daar is 'n plek waar silwer vandaan kom, 'n plek vir goud, waar dit uitgewas word.

Psalms 119:140

U woord is volkome gelouter en u dienskneg het dit lief.

Psalms 18:30

Ja, met U hardloop ek 'n bende tegemoet, met my God spring ek oor 'n muur.

Psalms 19:8

Die wet van die Here is volmaak, dit gee nuwe lewenskrag; die bepalings van die Here is betroubaar, dit gee wysheid aan die onkundiges.

Psalms 66:10

Ja, U het ons getoets, o God, U het ons gelouter soos 'n mens silwer louter.

Psalms 76:10

toe God opstaan om die vonnis te vel, om al die verdruktes van die land te verlos. Sela

Psalms 9:13

Want Hy wat bloedvergieting vergeld, dink aan die magteloses; Hy vergeet nie hulle hulpgeroep nie.

Eksodus 3:7

Die Here sê toe: “Ek het die ellende van my volk wat in Egipte is, duidelik gesien. Hulle noodkreet oor hulle slawedrywers het Ek gehoor. Ja, Ek ken hulle lyding.

Eksodus 3:8

Ek het afgekom om hulle uit die hand van Egipte te red en hulle uit daardie land te laat optrek na 'n goeie en uitgestrekte land, na 'n land wat oorloop van melk en heuning, die woonplek van die Kanaäniete, die Hetiete, die •Amoriete, die Feresiete, die Hewiete en die Jebusiete.

Eksodus 6:1

God het met Moses gepraat en vir hom gesê: “Ek is die Here.

Spreuke 22:23

want die Here sal hulle regstryd voer en van hulle plunderaars die lewe plunder.

Spreuke 30:5

Elke woord van God is gelouter; 'n skild is Hy vir hulle wat by Hom skuil.

Jesaja 14:22

“Ek sal teen hulle opstaan,” is die uitspraak van die Here, Heerser oor alle magte. “Ek sal van Babel uitroei naam en oorblyfsel, kind en nageslag,” is die uitspraak van die Here.

Jesaja 33:10

“Nou gaan Ek opstaan,” sê die Here, “nou gaan Ek Myself verhef, nou gaan Ek My oprig.