Psalms 119:2 - Die Bybel 2020-vertaling

² Gelukkig is hulle wat hou by sy bepalings, wat Hom met hulle hele hart soek;

Bybel vir almal

² Dit gaan goed met mense wat doen wat die Here sê en wat met hulle hele hart naby Hom wil wees.

Afrikaans 1933-1953

² Welgeluksalig is die wat sy getuienisse bewaar, Hom van ganser harte soek;

Afrikaans 1983

² Dit gaan goed met dié wat sy verordeninge gehoorsaam, dié wat met hulle hele hart sy wil doen,

Contemporary Afrikaans Bible 2023

² Geseënd is die wat sy getuienisse bewaar en Hom met die hele hart soek.

Die Boodskap

² God hou baie van jou as jy sy woorde diep in jou hart bêre en elke dag jou bes doen om Hom gelukkig te maak,

Nuwe Lewende Vertaling

² Geseënd is hulle wat sy waarskuwings gehoorsaam, Hom met volle oorgawe dien,

Psalms 119:2 Kruisverwysings

1 Konings 2:3

Kom die verpligting na wat die Here jou God jou oplê. Doen dit deur sy paaie te volg, deur sy vaste voorskrifte, sy gebooie, sy beslissings en bepalings na te kom, soos daar geskryf staan in die Wet van Moses, sodat jy sukses kan behaal in alles wat jy aanpak en oral waarheen jy jou wend.

1 Kronieke 22:19

Rig julle nou met hart en siel daarop om die Here julle God te soek. Maak gereed en bou die heiligdom van die Here God, sodat julle die verbondsark van die Here en die heilige voorwerpe van God kan bring na die huis wat vir die Naam van die Here gebou word.”

2 Kronieke 31:21

Elke taak wat hy aangepak het in verband met die diens in die huis van God en in verband met die wette en gebooie, was daarop gerig om sy God se wil te soek. Met sy hele hart het hy dit gedoen, en hy was suksesvol.

Psalms 105:45

sodat hulle sy vaste voorskrifte kan nakom en by sy wette kan hou. Halleluja!

Psalms 119:10

Met my hele hart soek ek U; laat my tog nie afdwaal van u bevele nie.

Psalms 119:101

Van elke slegte pad het ek my voete weerhou sodat ek u woord kon onderhou.

Psalms 119:115

Gaan weg van my, julle kwaaddoeners, sodat ek by die gebooie van my God kan hou.

Psalms 119:146

Ek roep na U: “Verlos my sodat ek u bepalings kan nakom!”

Psalms 119:17

Wees goed vir u dienskneg, dan kan ek lewe en u woord nakom.

Psalms 119:22

Verwyder bespotting en minagting van my, want by u bepalings hou ek.

Psalms 119:33

Here, onderrig my in die pad van u voorskrifte, sodat ek enduit daarby kan hou.

Psalms 119:34

Gee my insig, sodat ek by u wet kan hou, dit met my hele hart kan nakom.

Psalms 119:57

U, Here, is my deel, ek het onderneem om u woorde na te kom.

Psalms 119:69

Vermeteles het my met leuens beswadder; maar ek, met my hele hart hou ek by u opdragte.

Psalms 119:88

Maak my lewend in ooreenstemming met u troue liefde, sodat ek die bepalings uit u mond kan nakom.

Psalms 25:10

Al die paaie van die Here is troue liefde en waarheid vir hulle wat hou by sy verbond en sy bepalings.

Spreuke 23:26

Gee my jou hart, my seun, en laat jou oë vreugde vind in my paaie.

Jeremia 29:13

Julle sal My soek en vind as julle My met julle hele hart raadpleeg.

Esegiël 36:27

My Gees sal Ek in julle binneste gee. Ek sal daarvoor sorg dat julle my vaste voorskrifte volg en dat julle my bepalings nakom en uitvoer.

Johannes 14:23

Jesus antwoord hom: “As iemand My liefhet, sal hy ter harte neem wat Ek sê, en my Vader sal hom liefhê, en Ons sal na hom toe kom en by hom woon.

Deuteronomium 4:29

“ Daar sal julle die Here julle God soek en Hom vind, as julle Hom met hart en siel smeek.

Deuteronomium 6:17

“ Julle moet die gebooie van die Here julle God sorgvuldig nakom, sy bepalings en vaste voorskrifte wat Hy jou opgedra het.

Deuteronomium 6:5

Jy moet die Here jou God met hart en siel liefhê en met al jou krag.

1 Johannes 3:20

Wanneer ons gewete ons veroordeel, God is groter as ons gewete en Hy weet alles.