Psalms 110:3 - Die Bybel 2020-vertaling

³ Jou volk bied hulleself gewillig aan op die dag van jou magsvertoon op die heilige berge. Uit die skoot van die daeraad het Ek jou soos dou verwek.”

Bybel vir almal

³ Jou soldate sal self kom wanneer jy oorlog wil maak, hulle sal gewyde klere dra. Jou jongmanne sal vir jou wees soos die dou vroeg in die oggend.

Afrikaans 1933-1953

³ U volk sal baie gewillig wees op die dag van u krygsmag; in heilige feesgewade, uit die moederskoot van die dageraad sal vir U wees die dou van u jong manskappe.

Afrikaans 1983

³ U volk is gereed vir die dag waarop u u magte monster. U jongmanne is u krag as hulle teen dagbreek aantree, geklee vir die heilige stryd.

Contemporary Afrikaans Bible 2023

³ Jou volk sal gewillig wees op die dag van jou krag, in die prag van heiligheid van die moederskoot af; jy het die dou van jou jeug.

Die Boodskap

³ Die jongmense sal al van vroeg af reg staan, aangetrek vir die geveg. Dit sal vir jou lekker wees om dit te sien.

Nuwe Lewende Vertaling

³ U volk sal as vrywilligers diens doen op die dag van u magsbetoon. Op die heilige berg, wanneer die dag breek, kom u jong manne soos die dou.

Psalms 110:3 Kruisverwysings

1 Kronieke 16:29

Gee erkenning aan die Here vir die heerlikheid van sy Naam! Bring offers en kom in sy teenwoordigheid! Buig in aanbidding voor die Here in sy glansryke heiligheid!

Nehemia 11:2

Die volk het al die mense wat gewillig was om in Jerusalem te woon, seën toegewens.

Psalms 29:2

Gee eer aan die Here vir die heerlikheid van sy Naam! Buig in aanbidding voor die Here in sy glansryke heiligheid.

Psalms 96:9

Buig in aanbidding voor die Here in sy glansryke heiligheid! Bewe vanweë sy teenwoordigheid, o ganse aarde!

Esegiël 43:12

“Dit is die wet vir die tempel: Op die kruin van die berg is die hele gebied van die tempel reg rondom besonder heilig. Kyk, dit is die wet vir die tempel.”

Miga 5:6

Die oorblyfsel van Jakob sal tussen al die nasies wees soos dou wat van die Here kom, soos sagte reën op gras, wat niks van 'n mens verwag nie, geen hoop op mense vestig nie.

Handelinge 1:8

Maar julle sal krag ontvang wanneer die Heilige Gees oor julle kom, en julle moet my getuies wees in Jerusalem, in die hele Judea en Samaria, en tot aan die einde van die aarde.”

Handelinge 19:20

So het die woord van die Here kragtig bly groei en steeds sterker geword.

Handelinge 2:33

Nadat Hy tot aan die regterhand van God verhoog is en die belofte van die Heilige Gees van die Vader ontvang het, het Hy die Gees uitgestort, en dit is wat julle sien en hoor.

Handelinge 2:41

Diegene wat sy boodskap aangeneem het, is gedoop, en op daardie dag is ongeveer drieduisend mense toegevoeg.

Handelinge 21:20

Toe hulle dit hoor, het hulle God geprys en vir hom gesê: “Jy sien, broer, hoeveel derduisende onder die Jode tot die geloof gekom het, en hulle beywer hulle almal vir die wet.

Handelinge 4:4

Baie van die mense wat die toespraak gehoor het, het egter tot geloof gekom, sodat die getal manne tot ongeveer vyfduisend aangegroei het.

2 Korinthiërs 13:4

Hy is weliswaar deur swakheid gekruisig, maar Hy leef deur die krag van God. So is ook ons swak in Hom, maar teenoor julle sal ons saam met Hom leef, uit die krag van God.

2 Korinthiërs 8:12

Want as daar bereidwilligheid is, is dit aanneemlik volgens wat 'n mens het – nie volgens wat jy nie het nie.

2 Korinthiërs 8:16

En aan God die dank, wat dieselfde ywer in julle belang in die hart van Titus gegee het.

Efesiërs 1:4

So het Hy ons voor die grondlegging van die wêreld in Hom uitgekies, sodat ons heilig en onberispelik in liefde voor Hom sou wees,

Filippense 2:13

Want Hy wat die gewilligheid en die optrede in julle bewerk soos Hy dit goedvind, is God.

1 Thessalonisense 4:7

God het ons tog nie tot onreinheid geroep nie, maar tot heiligheid.

Titus 2:14

Hy wat Homself ter wille van ons gegee het, om ons los te koop van alle wetteloosheid, en vir Hom 'n eie volk as eiendom te reinig, wat ywerig is om goed te doen.

Hebreërs 13:21

julle toerus met alles wat goed is, sodat julle sy wil kan doen, terwyl Hy in ons dit doen wat voor Hom welbehaaglik is, deur Jesus •Christus, aan wie die heerlikheid behoort, vir ewig en ewig! •Amen!

Openbaring 7:9

Hierna het ek gesien, en kyk, daar was 'n baie groot skare, wat niemand kon tel nie. Hulle was afkomstig uit elke nasie en stam en volk en taal, en het voor die troon gestaan, en voor die Lam. Hulle het lang wit stolas gedra, met palmtakke in hulle hande.

Rigters 5:2

“Wanneer hare onversorg is in Israel, wanneer manskappe vrywillig aanmeld – prys die Here!

Rigters 5:9

My hart is by die bevelvoerders van Israel, die vrywilligers onder die volk. Prys die Here!