Psalms 103:8 - Die Bybel 2020-vertaling

⁸ Barmhartig en genadig is die Here, geduldig en oorvloedig in troue liefde;

Bybel vir almal

⁸ Die Here is goed vir mense wat swaarkry, Hy is genadig en geduldig, Hy doen altyd wat Hy belowe het.

Afrikaans 1933-1953

⁸ Barmhartig en genadig is die Here, lankmoedig en groot van goedertierenheid.

Afrikaans 1983

⁸ Barmhartig en genadig is die Here, lankmoedig en vol liefde.

Contemporary Afrikaans Bible 2023

⁸ Barmhartig en genadig is die HERE, lankmoedig en groot van goedertierenheid.

Die Boodskap

⁸ Die Here se hart is baie sag. Hy gee graag goeie dinge aan ons. Hy is geduldig. Hy het sy kinders baie lief.

Nuwe Lewende Vertaling

⁸ Die Here is barmhartig en genadig, geduldig en vol onfeilbare liefde.

Psalms 103:8 Kruisverwysings

Nehemia 9:17

Hulle het geweier om te luister; hulle het nie u wonderdade onthou wat U aan hulle gedoen het nie. Hulle het hulle nekke styf gemaak en was vasbeslote om terug te keer na hulle slawerny in Egipte. Maar U is 'n God wat vergewe, U is genadig en barmhartig, geduldig, vol troue liefde; U het hulle nie verlaat nie.

Psalms 130:7

Israel, vestig jou hoop op die Here; want by die Here is troue liefde, by Hom is volkome bevryding.

Psalms 145:8

Genadig en barmhartig is die Here, geduldig en groot in troue liefde.

Psalms 31:20

Hoe groot is u goedheid wat U bewaar vir dié wat vir U ontsag het, wat U voorberei vir dié wat by U skuil, terwyl die mense toekyk.

Psalms 86:15

Maar U, my Heer, U is 'n barmhartige en genadige God, geduldig, oorvloedig in troue liefde en waarheid.

Psalms 86:5

U, my Heer, is immers goed en vergewensgesind, en oorvloedig in troue liefde teenoor almal wat na U roep.

Jesaja 55:7

Die goddelose moet van sy pad afsien, en die boosdoener van sy planne. Hy moet na die Here terugkeer, sodat Hy hom genadig kan wees, en na sy God, want Hy vergeef oorvloediglik.

Jeremia 32:18

U bewys troue liefde aan duisende, maar vergeld die sondeskuld van ouers in die skote van hulle kinders ná hulle. Groot en magtige God, wie se naam die Here, Heerser oor alle magte, is,

Joël 2:13

Skeur julle harte, en nie julle klere nie, draai om na die Here julle God; want Hy is genadig en barmhartig, geduldig en oorvloedig in troue liefde, Hy het berou oor die onheil wat Hy bring.

Jona 4:2

Hy bid toe tot die Here en sê: “Ag, Here, is dit nie wat ek gesê het toe ek nog in my land was nie? Daarom het ek vroegtydig na Tarsis gevlug, want ek het geweet dat U 'n genadige en barmhartige God is, geduldig en oorvloedig in troue liefde, 'n God wat berou het oor die onheil.

Nahum 1:3

Die Here is geduldig, maar geweldig sterk. Die Here laat beslis niks ongestraf nie. Deur donderstorm en orkaan loop sy pad, wolke is die stof van sy voete.

Numeri 14:18

“ ‘Die Here is geduldig en oorvloedig in troue liefde. Hy skeld sondeskuld en oortreding kwyt, maar laat beslis niks ongestraf nie; Hy laat kinders tot die derde en vierde geslag boet vir die skuld van voorouers.’

Deuteronomium 5:10

maar troue liefde bewys aan duisende, aan hulle wat My liefhet en my gebooie nakom.

Jakobus 5:11

Kyk, ons beskou hulle wat volhard, as gelukkig. Julle het gehoor van Job se volharding, en julle het die Here se einddoel met hom gesien, en dat die Here vol medelye en ontferming is.