Psalms 103:17 - Die Bybel 2020-vertaling

¹⁷ Maar die troue liefde van die Here is van altyd af en vir ewig oor hulle wat vir Hom ontsag het, en sy geregtigheid geld vir die kinders se kinders,

Bybel vir almal

¹⁷ Maar die Here hou aan om te doen wat Hy belowe het, Hy hou aan om reg te doen aan die mense wat Hom dien, en aan hulle kinders en kleinkinders.

Afrikaans 1933-1953

¹⁷ Maar die goedertierenheid van die Here is van ewigheid tot ewigheid oor die wat Hom vrees, en sy geregtigheid vir kindskinders,

Afrikaans 1983

¹⁷ Maar onverganklik is die liefde van die Here vir dié wat Hom dien, sy trou vir opeenvolgende geslagte,

Contemporary Afrikaans Bible 2023

¹⁷ Maar die goedertierenheid van die HERE is van ewigheid tot ewigheid oor die wat Hom vrees, en sy geregtigheid vir kinderkinders;

Die Boodskap

¹⁷ Daar is geen grense aan die Here se liefde nie. Dit sal vir altyd aanhou vir mense wat hom dien, vir geslagte lank.

Nuwe Lewende Vertaling

¹⁷ Maar die liefde van die Here is altyd daar vir hulle wat Hom dien. Sy trou geld vir geslag na geslag,

Psalms 103:17 Kruisverwysings

Psalms 100:5

Want die Here is goed, vir ewig duur sy troue liefde, van geslag tot geslag sy trou.

Psalms 111:3

Vol luister en glansrykheid is wat Hy doen, en sy geregtigheid hou stand vir altyd.

Psalms 118:1

Prys die Here, want Hy is goed; ja, vir ewig duur sy troue liefde.

Psalms 22:31

'n Nageslag sal Hom dien; hulle sal van my Heer vertel aan die volgende geslag.

Psalms 25:6

Dink aan u barmhartigheid en u troue liefde, Here, want dit is van altyd af daar.

Psalms 90:16

Mag u werk vir u diensknegte duidelik word, en u glansryke dade vir hulle kinders.

Eksodus 20:6

maar troue liefde bewys aan duisende, aan hulle wat My liefhet en my gebooie nakom.

Jesaja 41:8

“ Maar jy, Israel, my dienskneg, Jakob, wat Ek uitgekies het, nakomeling van Abraham, my vriend,

Jesaja 46:13

Ek het my geregtigheid nader gebring; dit is nie meer ver nie. Die verlossing wat Ek bring, sal nie talm nie. In Sion sal Ek verlossing skenk, aan Israel my heerlikheid.”

Jesaja 51:6

Kyk op na die hemel, bekyk die aarde daaronder, want die hemel – soos rook sal dit uitmekaar dryf, en die aarde – soos 'n kleed sal dit verslyt. Wie daarop woon – soos muggies sal hulle sterf. My verlossing duur vir altyd, en my geregtigheid sal nie verbreek word nie.

Jeremia 31:3

Van ver af het die Here aan hom verskyn. “Met 'n ewige liefde het Ek jou liefgehad; daarom het Ek jou in troue liefde nadergetrek.

Daniël 9:24

“ Sewentig weke is bepaal oor jou volk en jou heilige stad: om die daad van opstand tot 'n einde te bring, om sondes die volle maat te laat bereik, om sondeskuld te versoen, en ewige geregtigheid te bring, om visioen en profeet te bekragtig, en om wat besonder heilig is, te salf.

Miga 6:5

My volk, onthou tog wat Balak, die koning van Moab beplan het, en wat Bileam, die seun van Beor, hom geantwoord het. Onthou wat gebeur het van Sittim tot by Gilgal, sodat jy die regverdige dade van die Here kan erken.’ ”

Romeine 1:17

Want daarin word geopenbaar dat die •geregtigheid van God geheel en al op geloof berus, soos daar geskryf staan: “Die regverdige op grond van geloof sal leef.”

Romeine 15:8

Ek sê vir julle dat Christus 'n Dienaar van die besnedenes geword het ter wille van die waarheid van God, sodat Hy die beloftes aan die vaders kon bevestig,

Deuteronomium 10:15

Slegs aan julle voorouers het die Here Hom verbind om hulle lief te hê. En Hy het julle, hulle nageslag ná hulle, gekies uit al die volke soos dit vandag is.

2 Timoteus 1:9

Hy het ons verlos en geroep met 'n heilige roeping – nie op grond van ons dade nie, maar op grond van sy eie besluit en genade. Reeds van ewigheid af is dit in •Christus Jesus aan ons geskenk,

2 Petrus 1:1

Simeon •Petrus, 'n dienskneg en •apostel van Jesus •Christus, aan dié wat dieselfde kosbare geloof as ons verkry het, deur die •geregtigheid van ons God en Verlosser, Jesus Christus: