Psalms 101:3 - Die Bybel 2020-vertaling

³ Ek sal nie iets boos voor my oë verdra nie. In die pleeg van wandade het ek 'n weersin; dit mag nie aan my kleef nie.

Bybel vir almal

³ Ek wil niks doen wat sleg is nie. Ek haat die dinge wat mense doen wat nie reg lewe nie. Ek wil nie daardie dinge doen nie.

Afrikaans 1933-1953

³ Ek stel geen lae ding voor my oë nie; die dade van afvalliges haat ek; dié sal my nie aankleef nie.

Afrikaans 1983

³ niks wat sleg is, wil ek nastreef nie. Ek haat wat verkeerd is. Dit mag geen houvas op my hê nie.

Contemporary Afrikaans Bible 2023

³ Ek sal geen goddelose ding voor my oë stel nie: Ek haat die werk van die wat afwyk; dit sal nie aan my kleef nie.

Die Boodskap

³ Ek wil niks met slegte dinge te doen hê nie. Ek hou ook net mooi niks van al die dinge wat slegte mense doen nie. Daarmee wil ek niks te doen hê nie.

Nuwe Lewende Vertaling

³ Ek steur my nie aan bose dinge nie. Ek haat alle valsheid; dit sal nie op my ’n houvas kry nie.

Psalms 101:3 Kruisverwysings

Job 31:1

“ Ek het 'n verbond met my oë gesluit – hoe sou ek dan aandag gee aan 'n jongmeisie?

Psalms 119:113

Dubbelhartige mense haat ek, maar u wet het ek lief.

Psalms 119:37

Wend my oë daarvan af om na nuttelose dinge te staar; hou my lewend op u paaie.

Psalms 125:5

Maar dié wat afdraai op kronkelpaaie – die Here sal hulle laat weggaan saam met dié wat onreg pleeg. Vrede oor Israel!

Psalms 139:22

Ek haat hulle met 'n intense haat; vyande het hulle vir my geword.

Psalms 14:3

Almal het afgedwaal, saam het hulle ontaard; daar is nie een wat goed doen nie, selfs nie een nie.

Psalms 36:3

Want in sy eie oë is hy te seker van homself om sy sondeskuld te ontdek, om dit te haat.

Psalms 39:1

Vir die •musiekleier. Vir Jedoetoen. 'n Psalm. Van Dawid.

Psalms 40:4

Hy het 'n nuwe lied in my mond gelê, 'n lofsang vir ons God. Baie sal dit sien, en ontsag hê, ja, hulle sal op die Here vertrou.

Psalms 41:9

Hulle sê, ‘Iets slegs het hom aangetas, en hy wat daar lê, sal nie weer opstaan nie.’

Psalms 78:41

Hulle het God weer uitgedaag, en die •Heilige van Israel gekrenk.

Psalms 78:57

Hulle was afvallig en ontrou soos hulle voorouers; hulle het verander in 'n slap boog.

Psalms 97:10

Julle wat die Here liefhet, moet die kwaad haat. Hy beskerm die lewe van sy troue volgelinge; uit die hand van goddeloses red Hy hulle.

Eksodus 20:17

Jy mag nie jou naaste se huis begeer nie. Jy mag nie jou naaste se vrou begeer nie, ook nie sy slawe en slavinne, sy beeste en donkies nie – enigiets wat aan jou naaste behoort nie.”

Eksodus 32:8

Hulle het gou weggedraai van die pad wat Ek hulle beveel het. Hulle het vir hulle 'n gegote kalf gemaak; hulle het voor die kalf in aanbidding gebuig en offers daarvoor gebring. Hulle het gesê, ‘Dit is jou gode, Israel, wat jou uit Egipteland laat optrek het.’ ”

Spreuke 6:12

'n Deugniet van 'n mens, 'n boosdoener, is hy wat met 'n mond vol valsheid rondloop,

Spreuke 6:13

wat met sy oë knik, tekens gee met sy voete, beduie met sy vingers,

Spreuke 6:25

Moenie haar skoonheid in jou hart begeer nie, en moenie toelaat dat sy jou vang met haar wimpers nie.

Spreuke 8:13

Ontsag vir die Here is om die kwaad te haat; verwaandheid, hoogmoed, 'n verkeerde pad en 'n verdorwe mond haat ek.

Prediker 6:9

Om met die oë te geniet, is beter as onvervulde begeertes. Ook dit is sinloos en 'n gejaag na wind.

Jesaja 30:11

Wyk af van die pad! Draai af van die gebaande weg! Hou op om ons lastig te val met die Heilige van Israel!’ ”

Jesaja 33:15

Hy wat eerlik leef en spreek wat reg is, wat wins uit afpersing afwys, wat sy handpalms daarvan weerhou om omkoopgeld te aanvaar, wat niks van bloedvergieting wil hoor nie, niks wat boos is, wil aanskou nie –

Jeremia 22:17

“Maar jou oë en jou hart is gerig op niks anders as jou onregverdige wins nie, en op die bloed van die onskuldige – om dit te vergiet, en op onderdrukking en afpersing – om dit uit te voer.

Miga 2:2

Hulle begeer stukke grond, en neem dit af, huise, en neem dit in besit. Hulle bedreig 'n man en sy gesin, 'n mens en sy erfdeel.

Sagaria 8:17

Julle moenie bose planne in julle harte teen mekaar bedink nie, moenie lief wees daarvoor om vals te sweer nie, want dit is alles dinge wat Ek haat. ’ ” Dit is die uitspraak van die Here.

Matteus 5:28

Maar Ek sê vir julle, elkeen wat na 'n vrou kyk en haar begeer, het reeds in sy hart met haar egbreuk gepleeg.

Romeine 12:9

Julle liefde moet ongeveins wees. Verafsku die kwaad; hou vas aan die goeie.

Galasiërs 4:9

En noudat julle God leer ken het – of liewer, noudat julle deur God geken is – hoe is dit moontlik dat julle weer terugdraai na die swak en minderwaardige elementêre beginsels, en weer van voor af daaraan verslaaf wil raak?

Deuteronomium 13:17

Daar mag niks van die bangoed in jou hande agterbly nie, sodat die Here se brandende toorn kan bedaar en Hy aan jou barmhartigheid kan bewys. Hy sal Hom oor jou ontferm en jou laat vermeerder, soos Hy aan jou voorvaders met 'n eed beloof het,

Deuteronomium 15:9

“Wees versigtig dat daar nie in jou hart die slinkse gedagte opkom om te dink, die sewende jaar, die jaar van kwytskelding kom nader nie, en jy dan jou oë sluit vir jou behoeftige volksgenoot en jy nie vir hom iets gee nie. Hy sal hom op die Here beroep teen jou, en dan staan jy skuldig.

Hebreërs 10:39

Maar ons is nie deel van enige onttrekking wat tot ondergang lei nie, maar van die geloof wat lei tot behoud van die lewe.

Josua 23:6

Wees baie vasberade om alles wat geskryf staan in die •boekrol met die Wet van Moses noukeurig na te kom, om nie links of regs daarvan af te wyk nie,

2 Petrus 2:21

Dit sou immers vir hulle beter gewees het as hulle die pad van die •geregtigheid nie leer ken het nie, as wanneer hulle dit wel leer ken het, net om dan weer af te wyk van die heilige gebod wat aan hulle oorgelewer is.

1 Johannes 2:19

Hulle het uit ons geledere gekom, maar hulle was nie werklik deel van ons nie; want as hulle werklik deel van ons was, sou hulle by ons gebly het. Maar dit moes duidelik word dat nie een van hulle deel van ons is nie.

1 Samuel 15:11

“Ek is spyt dat Ek Saul as koning aangestel het, want hy het van My af weggedraai en my opdragte nie uitgevoer nie.” Samuel was ontsteld en het die hele nag na die Here om hulp geroep.