Psalms 100:2 - Die Bybel 2020-vertaling

² Dien die Here met blydskap, kom in sy teenwoordigheid met 'n gejubel.

Bybel vir almal

² Julle moet bly wees en julle moet die Here dien, julle moet voor Hom kom sing.

Afrikaans 1933-1953

² Dien die Here met blydskap; kom voor sy aangesig met gejubel.

Afrikaans 1983

² Dien die Here met blydskap! Kom voor Hom met gejubel!

Contemporary Afrikaans Bible 2023

² Dien die HERE met blydskap; kom voor sy aangesig met gejubel.

Die Boodskap

² Dien Hom met vreugde. Gaan na Hom toe. Sing vol blydskap en opgewondenheid.

Nuwe Lewende Vertaling

² Dien die Here met blydskap. Kom voor Hom en sing met vreugde.

Psalms 100:2 Kruisverwysings

1 Konings 8:66

Op die agtste dag daarna het hy die volk laat gaan; en hulle het die koning geseën. Hulle het na hulle woonplekke gegaan, verheug en met opgeruimde harte oor al die goeie dinge wat die Here gedoen het aan sy dienskneg Dawid, en aan sy volk Israel.

2 Kronieke 29:30

Koning Hiskia en die leiers het vir die Leviete gesê om die Here te loof met die woorde van Dawid en van Asaf, die siener. Hulle het toe die Here met vreugde geloof, gekniel en in aanbidding gebuig.

2 Kronieke 31:2

Hiskia het die priesters en die Leviete volgens hulle afdelings laat aantree, elke afdeling in ooreenstemming met sy dienswerk – die priesters en Leviete, om by die •brandoffers en •maaltydoffers diens te doen, en om te dank en loof in die poorte van die Here se kamp.

Psalms 42:4

Trane is dag en nag my brood, omdat daar die hele dag lank vir my gevra word: “Waar is jou God?”

Psalms 71:23

My lippe sal jubel wanneer ek U besing, ja, my hele wese, wat U vrygemaak het.

Psalms 95:2

Laat ons tot Hom nader met dankliedere, met lofgesange juig tot sy eer.

Deuteronomium 12:12

Julle moet vol vreugde wees in die teenwoordigheid van die Here julle God, julle en julle seuns en dogters, julle slawe en slavinne, en die Leviete wat in julle dorpe is omdat hulle geen aandeel of erfenis saam met julle het nie.

Deuteronomium 16:11

Jy moet bly wees voor die Here jou God – jy, jou seuns en dogters, jou slawe en slavinne, die Leviete in jou dorpe, die •vreemdelinge en die vaderloses en weduwees by jou – op die plek wat die Here jou God sal kies om sy Naam daar te vestig.

Deuteronomium 16:14

Jy moet vol vreugde wees tydens jou fees – jy, jou seuns en dogters, jou slawe en slavinne, die Leviete, die vreemdelinge en die vaderloses en weduwees in jou dorpe.

Deuteronomium 28:47

Omdat jy nie die Here jou God met vreugde en 'n blye hart gedien het oor al die oorvloed nie,

Filippense 4:4

Verbly julle altyd in die Here! Ek herhaal: Verbly julle!