Psalms 10:3 - Die Bybel 2020-vertaling

³ Ja, 'n goddelose spog oor sy hartsbegeertes, en terwyl hy wins maak, vervloek en verag hy die Here.

Bybel vir almal

³ Want die mens wat verkeerd doen, dink hy kan alles kry wat hy wil hê, hy wil ryk word van ander mense se goed. Hy praat sleg oor die Here en hy sê die Here is nie belangrik nie.

Afrikaans 1933-1953

³ Want die goddelose juig oor die begeerte van sy siel; en hy seën hom wat onregverdige wins maak, hy verag die Here.

Afrikaans 1983

³ Die goddelose verlustig hom nou al in wat hy hoop om in die hande te kry. Die een wat hom wil verryk ten koste van 'n ander, wens homself by voorbaat geluk. Hy verag die Here.

Contemporary Afrikaans Bible 2023

³ Want die goddelose roem op sy hartsbegeerte en seën die gierigaards vir wie die HERE 'n afsku het.

Die Boodskap

³ Mense wat God nie dien nie, geniet dit om sonde te doen. Hulle sê vir mense wat oneerlik wins maak om daarmee aan te hou. Vir die Here het hulle geen respek nie.

Nuwe Lewende Vertaling

³ Want die goddelose spog met sy bose begeertes; hy seën die inhaliges en vervloek die Here.

Psalms 10:3 Kruisverwysings

1 Konings 20:25

U kan dan self vir u 'n leër saamstel soos die leër wat vir u in die steek gelaat het, ook perde soos daardie perde, en strydwaens soos daardie strydwaens. Laat ons dan teen hulle veg op die vlakte; ons sal beslis sterker wees as hulle.” Hy het na hulle geluister en so gemaak.

Job 31:24

As ek my vertroue gestel het in goud, vir fyngoud gesê het, ‘My veilige toevlug!’

Psalms 35:21

Ja, hulle rek hulle monde wyd oor my; hulle sê: “Aha! Aha! Ons het dit self gesien!”

Psalms 49:18

want hy sal niks daarvan in sy dood saamneem nie, sy rykdom sal hom nie na benede volg nie.

Psalms 49:6

Waarom sou ek bang wees in dae van onheil wanneer die wandade van bedrieërs my omring,

Psalms 5:6

Verwaande mense kan voor U oë nie staande bly nie; U het 'n weersin in almal wat onreg pleeg.

Psalms 52:1

Vir die •musiekleier. 'n Maskiel. Van Dawid.

Psalms 94:4

Hulle laat woorde onbeskaamd uitborrel; almal wat onreg pleeg, prys hulleself aan.

Eksodus 15:9

“Die vyand het gesê, ‘Ek sal agtervolg, inhaal, buit verdeel; my begeerte sal vervul word. Ek sal my swaard trek, my hand sal hulle onderwerp.’

Spreuke 28:4

Dié wat die wet verontagsaam, prys goddeloses, maar dié wat die wet nakom, staan hulle teë.

Prediker 7:15

Dit alles het ek gesien in my sinlose lewensdae: Daar is 'n regverdige wat deur sy regverdigheid omkom; en daar is 'n goddelose wat deur sy goddeloosheid lank lewe.

Jesaja 37:23

Wie het jy uitgetart en belaster? Teen wie het jy jou stem verhef? Jy het uit die hoogte neergesien op die Heilige van Israel!

Jesaja 57:17

“ Oor die sondeskuld as gevolg van sy gierigheid het Ek toornig geword en hom geslaan, het Ek My verberg terwyl Ek toornig was. Maar hy het afvallig geword, die pad van sy hart geloop.

Jeremia 22:17

“Maar jou oë en jou hart is gerig op niks anders as jou onregverdige wins nie, en op die bloed van die onskuldige – om dit te vergiet, en op onderdrukking en afpersing – om dit uit te voer.

Levitikus 26:30

Ek sal julle offerhoogtes verdelg en julle wierookaltare vernietig. Ek sal julle lewelose liggame op die lewelose liggame van julle afgode stapel. Ek sal 'n afkeer van julle hê.

Habakuk 2:9

“ Wee hom wat onregverdige wins maak vir sy huis, om sy nes in die hoogte te bou en homself van die mag van onheil te red.

Lukas 12:15

Toe sê Hy vir hulle: “Pas op en wees op julle hoede vir elke vorm van gierigheid, want 'n mens se lewe word nie bepaal deur die oorvloed van sy besittings nie.”

Lukas 12:19

Dan sal ek vir myself sê, Mens, jy het baie goed opgegaar vir baie jare. Ontspan, eet, drink en wees vrolik.’

Romeine 1:29

Hulle is vol van elke vorm van onreg, boosheid, hebsug en kwaad: vol afguns, moorddadigheid, twisgierigheid, geslepenheid en kwaadwilligheid; hulle is skindertonge,

Romeine 1:32

– mense wat die voorskrif van God ken, naamlik dat die mense wat hierdie dinge doen, die dood verdien. Tog doen hulle dit nie net nie, maar praat hulle dit boonop goed wanneer ander dit doen.

1 Korinthiërs 6:10

of diewe, geldgieriges, dronkaards, kwaadpraters of rowers, sal die koninkryk van God as erfdeel ontvang nie.

Efesiërs 5:5

Want dit moet julle goed begryp: Geen hoereerder of onreine of gierigaard – so iemand is 'n afgodedienaar – het 'n erfdeel aan die •koninkryk van Christus en van God nie.

Deuteronomium 29:19

Iemand sou homself in sy gedagtes as geseënd kon beskou by die aanhoor van die woorde van hierdie vervloeking en dink, dit sal met my goed gaan, al hou ek vol met my verstoktheid van hart. Sodat dit wat natgemaak is, nie saam met wat droog is, wegkwyn nie,

Deuteronomium 32:19

“ Die Here het dit gesien, en uit ergernis sy seuns en dogters verstoot.

Kolossense 3:5

Daarom moet julle daardie deel van julle wat op die aardse gerig is, doodmaak: onsedelikheid, onreinheid, wellus en slegte begeertes, en ook gierigheid, wat afgodediens is.

Jakobus 4:13

Kom nou, julle wat sê: “Vandag of môre sal ons na hierdie of daardie stad gaan, en 'n jaar daar deurbring, en handel dryf en wins maak.”

Jakobus 4:16

Maar nou spog julle oor julle hoogmoedige optrede. Sulke gespog is verkeerd.

1 Johannes 2:15

Moenie die wêreld, of wat in die wêreld is, liefhê nie. As iemand die wêreld liefhet, is die liefde van die Vader nie in hom nie,

Rigters 17:2

Hy het vir sy moeder gesê: “Daardie eenduisend eenhonderd sikkel silwer wat van ma gesteel is, en waaroor ma 'n vloek uitgespreek het, wat ma ook ten aanhore van my herhaal het – kyk, die silwer is hier by my. Dit is ek wat dit gevat het.” Sy moeder het gesê: “Geseënd is my seun, deur die Here.”

1 Samuel 23:21

Saul het gesê: “Mag julle deur die Here geseën word, omdat julle medelye met my het.