Psalms 10:14 - Die Bybel 2020-vertaling

¹⁴ U sien tog self die moeite en verdriet, U sien dit raak. Deur dit in u hand te gee, laat weerloses dit aan U oor; vir weeskinders is U 'n helper.

Bybel vir almal

¹⁴ U sien hoe mense swaarkry en seerkry, U sien dit en U sal iets doen. Die mens wat homself nie kan help nie, die weeskind, glo dat U hom sal help, en U sál dit doen.

Afrikaans 1933-1953

¹⁴ U het dit gesien; want U aanskou die moeite en verdriet, sodat 'n mens dit in u hand sal gee. Aan U gee die ongelukkige dit oor; U was 'n helper van die wees.

Afrikaans 1983

¹⁴ En die hele tyd het U dit gesien, die lyding en verdriet. U let daarop en maak daar 'n einde aan. Op U verlaat die ongelukkige hom, ook vir die weeskind is U 'n helper.

Contemporary Afrikaans Bible 2023

¹⁴ U het dit gesien; want jy sien onheil en rampspoed, om dit met jou hand te vergeld; die arme gee hom oor aan jou; jy is die helper van die wees.

Die Boodskap

¹⁴ Maar U sien mos wat hulle doen. U sien hoe mense te na gekom word. Almal wat deur hulle te kort gedoen word, kom vertel dit vir U. Daardie arme mense wat so swaarkry, gee hulle hartseer in u hande oor. U help mense wie se regte vertrap word. U help mense wat nie ’n pa het nie.

Psalms 10:14 Kruisverwysings

Genesis 21:17

God het die seun se gehuil gehoor. Toe roep die •Engel van God na Hagar uit die hemel en vra vir haar: “Wat is fout, Hagar? Moenie bang wees nie, want God het die gehuil van die seun, daar waar hy is, gehoor.

Genesis 31:12

Hy sê toe, ‘Kyk rond, dan sal jy sien dat al die ramme wat die kleinvee dek, gestreep, bont en gespikkel is. Ek het immers alles gesien wat Laban jou aandoen.

2 Samuel 16:12

Miskien sien die Here my trane raak en laat die Here weer vir my die goeie terugkeer in die plek van Simeï se geskel op hierdie dag.”

2 Konings 9:26

‘Gewis het Ek gisteraand die bloed van Nabot en die bloed van sy seuns raakgesien, is die uitspraak van die Here, en Ek sal dit op hierdie stuk grond aan jou vergeld, is die uitspraak van die Here.’ Tel hom dan nou op en gooi hom op die stuk grond, ooreenkomstig die woord van die Here.”

2 Kronieke 24:22

Koning Jehoas het nie die troue liefde onthou wat Sagaria se vader, Jojada, aan hom betoon het nie, en het sy seun vermoor. Toe hy sterf, het hy gesê: “Mag die Here dit sien en rekenskap eis.”

2 Kronieke 6:23

moet U self uit die hemel hoor en optree en die reg handhaaf van u diensknegte deur die skuldige te vergeld, deur sy optrede op sy eie kop te laat neerkom, en deur die regverdige regverdig te verklaar deur aan hom te gee wat hy volgens sy regverdige optrede verdien.

Psalms 146:9

die Here beskerm •vreemdelinge; vaderloses en weduwees help Hy op, maar die pad van goddeloses maak Hy krom.

Psalms 22:11

Op U is ek aangewese van die moederskoot af; van my geboorte af is U my God.

Psalms 31:8

Ek wil juig en vreugde vind in u troue liefde – dat U my ellende raakgesien het, bewus was van die benouenis van my lewe,

Psalms 35:22

U het dit tog gesien, Here, moet tog nie stilbly nie, my Heer, moenie ver van my af bly nie!

Psalms 55:22

Sy mond is gladder as botter, maar sy hart is die ene oorlog. Sy woorde is strelender as olie, maar dit is ontblote swaarde.

Psalms 68:5

Sing vir God, besing sy Naam! Verheerlik Hom wat op die wolke ry – Here is sy Naam – jubel voor Hom!

Psalms 68:6

'n Vader vir vaderloses, 'n regter vir weduwees, is God in sy •heilige woonplek.

Eksodus 2:25

God het die Israeliete raakgesien, ja, God het kennis geneem.

Eksodus 22:22

Geen weduwee of vaderlose kind mag jy onderdruk nie.

Eksodus 22:26

As dit wel sou gebeur dat jy jou medemens se oorkleed as pand neem, moet jy dit voor sononder vir hom teruggee,

Spreuke 15:25

Die Here breek die huis van hovaardiges af, maar die gebied van 'n weduwee baken Hy af.

Spreuke 15:3

Op elke plek is die oë van die Here, hulle hou slegtes en goeies dop.

Jesaja 10:3

Wat gaan julle doen op die dag van afrekening, tydens die storm wat uit die verte aankom? Na wie sal julle vlug vir hulp, en waar gaan julle julle rykdom agterlaat?

Jeremia 16:17

Want my oë is gerig op al hulle paaie; dit is nie vir My verberg nie. Hulle ongeregtigheid is nie vir my oë verborge nie.

Jeremia 23:24

Of kan iemand in geheime plekke wegkruip, en Ek hom nie sien nie? ” is die uitspraak van die Here. “Vul Ek nie die hemel en die aarde nie?” is die uitspraak van die Here.

Jeremia 49:11

Laat jou vaderloses maar agter, Ék sal hulle aan die lewe hou; en jou weduwees – op My kan hulle vertrou!”

Jeremia 51:56

Ja, teen haar, teen Babel, trek 'n verwoester op. Haar helde word gevange geneem, hulle boë word stukkend gebreek; want 'n God van vergelding is die Here – Hy sal ten volle vergeld.

Klaagliedere 3:59

U, Here, het die onreg wat my aangedoen is, gesien; lewer 'n regverdige uitspraak oor my.

Klaagliedere 3:60

U het al hulle wraakgierigheid gesien, al hulle planne vir my.

Hosea 14:3

Kom met julle woorde en keer terug na die Here. Sê vir Hom: “Vergewe ons sondeskuld volkome, aanvaar ons belydenis; ons wil met die vrug van ons lippe vergoed.

Hosea 14:4

Assirië kan ons nie red nie, op perde wil ons nie ry nie, en ons sal nie meer ons handewerk ‘ons god’ noem nie; want net by U vind die vaderlose ontferming.”

Joël 3:4

“ Verder, wat het julle met My te doen, Tirus en Sidon en al die gebiede van Filistea? Wil julle julle op My wreek? As julle My iets wil aandoen, sal Ek gou, blitsvinnig, julle dade op julle koppe laat neerkom,

Habakuk 1:13

U wie se oë te rein is om boosheid te aanskou, wat nie kan toekyk waar daar leed is nie – waarom kyk U toe as mense verraderlik optree; waarom swyg U wanneer goddeloses dié verswelg wat regverdiger is as hulle?

Deuteronomium 10:18

wat vaderloses en weduwees se regte handhaaf en aan •vreemdelinge liefde betoon deur aan hulle kos en klere te gee.

2 Timoteus 1:12

Daarom ly ek ook hierdie dinge, maar ek skaam my nie; want ek weet in wie ek nog altyd my vertroue stel, en ek is oortuig dat Hy magtig is om die pand wat aan my toevertrou is, tot op daardie dag te bewaar.

Hebreërs 4:13

Ja, niks wat geskape is, is vir Hom verborge nie, maar alles is oop en bloot voor sy oë, Hom teenoor wie ons ons moet verantwoord.

1 Petrus 4:19

Dus moet ook hulle wat, in ooreenstemming met die wil van God, ly, hulle lewe aan die getroue Skepper toevertrou deur te doen wat goed is.

1 Petrus 5:7

deur al julle bekommernis op Hom te werp; want Hy gee om vir julle.

Rigters 1:7

Adoni-Besek het gesê: “Sewentig konings met afgekapte duime en groottone het onder my tafel kos bymekaargeskraap. Soos wat ek gedoen het, so het God my vergeld. ” Hulle het hom na Jerusalem geneem en daar is hy dood.