Openbaring 9:11 - Die Bybel 2020-vertaling

¹¹ Die engel van die onpeilbare diepte was hulle koning. In Hebreeus is sy naam Abaddon, en in Grieks Apollion.

Bybel vir almal

¹¹ Die sprinkane se koning is die engel van die onderwêreld. Sy Hebreeuse naam is Abaddon en sy Griekse naam is Apollion.

Afrikaans 1933-1953

¹¹ En hulle het as koning oor hulle die engel van die afgrond; sy naam in Hebreeus is Abáddon, en in Grieks het hy die naam van Apóllion.

Afrikaans 1983

¹¹ Hulle het die engel van die onderaardse diepte as koning oor hulle. Sy naam in Hebreeus is Abaddon, en in Grieks het hy die naam Apollion.

Contemporary Afrikaans Bible 2023

¹¹ En hulle het 'n koning oor hulle gehad, dit is die engel van die afgrond, wie se naam in die Hebreeuse taal is Abaddon, maar in die Griekse taal het sy naam Apollion.

Die Boodskap

¹¹ Hulle het ’n leier gehad, die engel van die onderwêreld. Sy Hebreeuse naam was Abaddon - dit beteken: die een wat alles verwoes.

Nuwe Lewende Vertaling

¹¹ Hulle het as heerser die engel van die bodemlose put gehad. Sy naam in Hebreeus is Abaddon, en in Grieks Apollion.

Openbaring 9:11 Kruisverwysings

Job 26:6

Die •doderyk staan naak voor Hom; daar is geen bedekking vir die onderwêreld nie –

Job 28:22

Die onderwêreld en die dood sê: “Net met ons ore het ons die gerug daarvan gehoor.”

Job 31:12

ja, dit is 'n vuur wat tot in die onderwêreld verteer; dit sou my hele oes ontwortel.

Psalms 88:11

Kan U aan dooies 'n wonder doen? Of skimme, kan hulle opstaan, kan hulle U prys? Sela

Spreuke 15:11

Die •doderyk en die onderwêreld lê oop voor die Here – hoeveel te meer die harte van mensekinders!

Lukas 8:31

Hulle het Jesus gesmeek om hulle nie na die onpeilbare diepte te laat weggaan nie.

Johannes 12:31

Nou het die oordeel oor hierdie wêreld aangebreek; nou sal die heerser van hierdie wêreld uitgedryf word.

Johannes 14:30

Ek sal nie meer baie met julle praat nie, want die heerser van die wêreld is aan die kom, en hy het nie mag oor My nie.

Johannes 16:11

van oordeel, omdat die heerser van hierdie wêreld reeds geoordeel is.

Johannes 5:2

By die Skaappoort in Jerusalem is daar 'n bad, in Hebreeus Betsata genoem, met vyf pilaargange.

Johannes 8:44

Julle kom van julle vader, die Duiwel, en julle wil die begeertes van julle vader uitvoer. Hy was van die begin af 'n mensemoordenaar, en hy staan nie by die waarheid nie, omdat daar geen waarheid in hom is nie. Wanneer hy 'n leuen vertel, vertel hy dit uit sy eie, omdat hy 'n leuenaar en die vader daarvan is.

2 Korinthiërs 4:4

vir die ongelowiges wie se denke deur die god van hierdie bedeling verblind is, sodat die lig van die evangelie van die heerlikheid van •Christus, wat die beeld van God is, nie oor hulle skyn nie.

Efesiërs 2:2

waarin julle vantevore geleef het, volgens die bose lewenswyse van hierdie bedeling, volgens die heerser oor die mag van die lug – die heerser van dié gees wat nou aan die werk is onder die seuns van die ongehoorsaamheid.

1 Johannes 4:4

Julle, kinders, is uit God, en het hulle oorwin, omdat Hy wat in julle is, groter is as hy wat in die wêreld is.

1 Johannes 5:19

Ons weet dat ons uit God is, en dat die hele wêreld in die mag van die Bose is.

Openbaring 12:9

Die groot draak, die slang van weleer, wat Duiwel en Satan genoem word, die verleier van die hele bewoonde wêreld, is toe uitgegooi. Hy is op die aarde neergegooi, en saam met hom ook sy engele.

Openbaring 16:16

Die geeste het die konings byeengebring by die plek wat in Hebreeus Armageddon genoem word.