Openbaring 8:3 - Die Bybel 2020-vertaling

³ 'n Ander engel het nader gekom met 'n goue wierookbak, en by die altaar gaan staan. Baie reukwerk is aan hom gegee om, saam met die gebede van al die heiliges, op die goue altaar voor die troon te gaan offer.

Bybel vir almal

³ En 'n ander engel het gekom en hy het by die altaar in die hemel gaan staan. Hy het 'n goue wierook-pan gehad. Hy het baie wierook gekry. Hy moes die wierook offer saam met die gebede van almal wat aan God behoort. Hy moes dit offer op die goue altaar wat voor die troon van God is.

Afrikaans 1933-1953

³ En 'n ander engel het gekom en met 'n goue wierookbak by die altaar gaan staan, en baie reukwerk is aan hom gegee, om dit met die gebede van al die heiliges op die goue altaar voor die troon te lê;

Afrikaans 1983

³ 'n Ander engel het toe gekom en by die altaar gaan staan met 'n goue wierookbak. Daar is baie wierook aan hom gegee om dit saam met die gebede van al die gelowiges op die goue altaar voor die troon te offer.

Contemporary Afrikaans Bible 2023

³ En 'n ander engel het gekom en by die altaar gaan staan met 'n goue wierookbak; en baie reukwerk is aan hom gegee om dit saam met die gebede van al die heiliges te bring op die goue altaar wat voor die troon was.

Die Boodskap

³ ’n Ander engel verskyn toe ook op die toneel. Hierdie engel het ’n goue bak vasgehou en by die altaar gaan staan. ’n Klomp wierook, wat baie lekker ruik, is vir die engel gegee. Dit is saam met die gebede van al God se mense op die goue altaar gesit. Die altaar het reg voor God gestaan.

Nuwe Lewende Vertaling

³ ’n Ander engel het nadergekom en by die altaar gaan staan. Hy het ’n goue wierookbak vasgehou. Baie reukwerk is aan hom gegee om dit te meng met die gebede van almal wat aan God toegewy is, en om dit te offer op die goue altaar wat voor die troon staan.

Openbaring 8:3 Kruisverwysings

1 Konings 7:50

die bakke, messe, offerbakke, skottels en die vuurpanne van fyngoud; die goue beslag vir die deure na die binneste vertrek, die Allerheiligste, en vir die deure na die tempel, die hoofvertrek.

Psalms 141:2

Mag my gebed standhoudend voor U wees soos reukwerk, die ophef van my hande soos die aandoffer.

Eksodus 40:26

Hy het die goue altaar in die Tent van Ontmoeting neergesit voor die voorhangsel,

Jesaja 6:6

Een van die serafs het na my toe gevlieg met 'n gloeiende kool by hom wat hy met 'n tang van die altaar af geneem het.

Esegiël 41:22

'n altaar van hout – drie el hoog, met 'n lengte van twee el; dit het hoeke gehad, en die voetstuk en sykante was van hout. Die man sê toe vir my: “Dit is die tafel wat voor die Here is.”

Amos 9:1

Ek het my Heer by die altaar sien staan. Hy het gesê: “Slaan die pilaarkop sodat die drumpels skud. Maak 'n einde aan hulle, aan wie op die voorpunt is van hulle almal. Hulle agterhoede sal Ek met die swaard ombring. Geen vlugteling onder hulle sal ontvlug nie; geen oorlewende onder hulle sal ontkom nie.

Maleagi 1:11

Immers, van waar die son opkom tot waar hy ondergaan, is my Naam groot onder die nasies en op elke plek word reukwerk en 'n rein offer aangebied vir my Naam, want my Naam is groot onder die nasies,” sê die Here, Heerser oor alle magte.

Numeri 4:11

Oor die goue altaar moet hulle 'n pers doek gooi en dit met 'n kleed van sagte leer toemaak. Dan moet hulle die draaghoute insteek.

Numeri 7:62

1 bak van 10 sikkel goud vol reukwerk;

Lukas 1:10

En die hele menigte van die volk was besig om op die tyd van die reukoffer buite te bid.

Romeine 8:34

Wie sal ons veroordeel? Dit is •Christus Jesus wat gesterf het; meer nog – wat opgewek is, wat ook aan die regterhand van God sit en wat ook vir ons intree.

Hebreërs 7:25

Dit is waarom Hy ook volkome in staat is om hulle wat deur Hom na God toe kom, te verlos – omdat Hy altyd leef, om ter wille van hulle in te tree.

Hebreërs 9:4

dit het die goue altaar vir die reukwerk bevat en die •verbondsark, wat aan alle kante met goud oorgetrek was. Daarbinne was die goue kruik met manna, en die staf van Aäron wat gebot het, asook die tafels van die verbond;

Openbaring 10:1

En ek het 'n ander sterk engel uit die hemel sien afkom. Hy was met 'n wolk omhul, met 'n reënboog bo sy kop. Sy gesig was soos die son, en sy voete soos vuurpilare.

Openbaring 14:18

Nog 'n engel, wat beheer oor die vuur gehad het, het van die altaar af gekom. Hy het met 'n harde stem geroep na hom wat die skerp sekel vashou en gesê: “Steek jou skerp sekel in, en sny die druiwetrosse van die wingerd op die aarde af, want die druiwe het ryp geword.”

Openbaring 5:8

Toe Hy die boekrol neem, het die vier lewende wesens en die vier-en-twintig ouderlinge voor die Lam neergeval. Elkeen het 'n lier en 'n goue bak vol reukwerk, wat die gebede van die •heiliges is, vasgehou.

Openbaring 6:9

Toe Hy die vyfde seël oopbreek, het ek aan die voet van die altaar die siele gesien van dié wat doodgemaak is vanweë die woord van God en die getuienis wat hulle gelewer het.

Openbaring 7:2

Ek het ook 'n ander engel van die oostekant af sien aankom, wat 'n seël van die lewende God vashou. Hy het met 'n kragtige stem geroep na die vier engele wat aangesê is om die land en die see te beskadig, en gesê:

Openbaring 8:4

Die rook van die reukwerk het, saam met die gebede van die heiliges, uit die engel se hand voor God opgestyg.

Openbaring 8:5

Die engel het toe die wierookbak geneem, dit met vuur van die altaar af gevul, en dit op die aarde uitgegooi. En daar was donderslae, dreunings, weerligstrale en 'n aardbewing.

Openbaring 9:13

Ook die sesde engel het op sy trompet geblaas. En ek het 'n stem vanuit die vier horings van die goue altaar wat voor God is,