Openbaring 6:8 - Die Bybel 2020-vertaling

⁸ Ek het gesien, en kyk, daar was 'n vaal perd. Sy ruiter se naam is Dood, en die Hades volg hom. Aan hulle is volmag gegee om 'n kwart van die aarde dood te maak deur die swaard, hongersnood, 'n dodelike siekte, en die wilde diere van die aarde.

Bybel vir almal

⁸ Ek het gekyk en toe sien ek 'n vaal-groen perd kom! Iemand het op die perd gesit. Sy naam was Dood. Die doderyk het saam met hom gegaan. God het vir Dood en vir die doderyk gesê hulle mag 'n kwart van al die mense op die aarde doodmaak met oorloë en honger en pes en wilde diere.

Afrikaans 1933-1953

⁸ En ek het gesien, en kyk, daar was 'n vaal perd. En hy wat daarop sit, sy naam is die dood, en die doderyk het hom gevolg. En aan hulle is mag gegee oor die vierde deel van die aarde om dood te maak met swaard en hongersnood en pes en deur die wilde diere van die aarde.

Afrikaans 1983

⁸ Ek het gesien: daar was 'n vaal perd. Sy ruiter se naam was Die Dood, en die doderyk het agter hom aan gegaan. Aan hulle is mag oor 'n kwart van die aarde gegee om die mense dood te maak met die swaard en met hongersnood en met pes en deur die wilde diere van die aarde.

Contemporary Afrikaans Bible 2023

⁸ En ek het gesien, en daar was 'n vaal perd, en sy naam wat op hom sit, was die dood, en die hel het hom gevolg. En aan hulle is mag gegee oor die vierde deel van die aarde om dood te maak met swaard en honger en dood en met die wilde diere van die aarde.

Die Boodskap

⁸ Hierdie keer het ek ’n perd met so ’n vaal doodskleur aangehardloop sien kom. Die ruiter se naam was “Die Dood”. In sy spore het die hel gevolg. Hy is toegelaat om ’n kwart van die aarde onder sy mag te kry. Daar was dit net moord en doodslag. Wie nie met swaarde doodgekap is nie, is van honger dood. Wie nog oorgebly het, is deur verskriklike siektes afgemaai of deur wilde diere verskeur.

Nuwe Lewende Vertaling

⁸ Ek het gekyk, en werklikwaar, daar staan ’n bleekgrys perd voor my! Sy ruiter se naam was die Dood, en die doderyk het vlak agter hom gevolg. Aan hom is die mag gegee om ’n kwart van die aarde se mense dood te maak deur die swaard, hongersnood, ’n dodelike epidemie en deur die wilde diere van die aarde.

Openbaring 6:8 Kruisverwysings

Spreuke 5:5

Haar voete gaan af na die dood, op die •doderyk stuur haar voetstappe af.

Jesaja 25:8

Hy sal die dood vir ewig verswelg; my Heer, die Here, sal die trane van alle gesigte afvee. Die bespotting van sy volk sal Hy van die hele aarde af verwyder. Ja, die Here het gespreek.

Jeremia 14:12

Wanneer hulle vas, luister Ek nie na hulle klaagroep nie; en wanneer hulle •brandoffers en •graanoffers bring, aanvaar Ek hulle nie. Maar met die swaard, hongersnood en pessiekte sal Ek 'n einde aan hulle maak.”

Jeremia 16:16

“ Kyk, Ek gaan baie vissers ontbied,” is die uitspraak van die Here, “en hulle sal hulle vang. Daarna sal Ek baie jagters ontbied, en hulle sal op hulle jag maak op elke berg en elke heuwel, en selfs in die rotsskeure.

Jeremia 16:4

“Aan dodelike siektes sal hulle sterf, maar daar sal nie oor hulle gerou word nie, en hulle sal nie begrawe word nie. Hulle sal mis op die landerye word. Of hulle sal deur die swaard en hongersnood omkom, en dan sal hulle lyke kos wees vir die voëls van die hemel en die diere van die aarde.”

Jeremia 24:10

Ek sal die swaard, die hongersnood en pessiekte onder hulle instuur, totdat hulle volledig uitgeroei is, weg van die grond wat Ek aan hulle en hulle voorouers gegee het.’ ”

Jeremia 29:17

ja, so sê die Here, Heerser oor alle magte, ‘Kyk, Ek gaan die swaard, hongersnood en pessiekte onder hulle instuur. Ek gaan hulle maak soos verrotte vye wat nie meer geëet kan word nie, omdat dit te sleg is.

Jeremia 43:11

Hy sal kom en Egipteland verslaan. Wie vir die dood bestem is, sal uitgelewer word aan die dood, wie vir gevangenskap bestem is, aan gevangenskap, wie vir die swaard bestem is, aan die swaard.

Esegiël 29:5

Ek sal jou in die woestyn laat lê, jy en al die vis van jou strome. Op die oop veld sal jy bly lê; jy sal nie begrawe word, nie bymekaargemaak word nie. Aan die wilde diere van die aarde, aan die voëls van die hemel gee Ek jou as voedsel.

Esegiël 5:12

Een derde van jou inwoners sal van die epidemie sterf of in jou van honger omkom; een derde sal deur die swaard val rondom jou; een derde sal Ek in alle windrigtings uitstrooi, en met ontblote swaard sal Ek hulle agtervolg.

Hosea 13:14

Moet Ek hulle bevry uit die mag van die •doderyk? Moet Ek hulle van die dood loskoop? Waar is jou pessiektes, Dood? Waar is jou epidemie, Doderyk? Medelye is vir my oë verberg.”

Habakuk 2:5

Buitendien, wyn is verraderlik. Die sterke is vermetel, maar hy sal nie sy doel bereik nie, hy wat sy keel so wyd oopsper soos die •doderyk, hy wat soos die dood is, wat nie versadig word nie, wat al die nasies by hom versamel het, en al die volke om hom bymekaargemaak het.

Sagaria 6:3

die derde wit perde, en die vierde strydwa skimmelperde. Dit was sterk perde.

Matteus 11:23

En jy, Kapernaum, “ ‘Sal jy tot die hemel toe verhoog word? Nee, jy sal na Hades afdaal!’ “Want as in Sodom die kragtige dade plaasgevind het wat in jou plaasgevind het, sou dit bly staan het tot vandag toe.

Matteus 24:7

Een nasie sal immers teen 'n ander nasie optrek en een koninkryk teen 'n ander koninkryk, en daar sal hongersnood wees en aardbewings op een plek ná die ander.

1 Korinthiërs 15:55

“Dood, waar is jou oorwinning? Dood, waar is jou angel?”

Openbaring 1:18

en die Lewende. Ek was dood, maar kyk, Ek leef vir ewig en ewig; ook hou Ek die sleutels van die dood, en van Hades.

Openbaring 12:4

Sy stert het 'n derde van die hemel se sterre saamgesleep en dit op die aarde neergegooi. Die draak het toe voor die vrou wat op die punt was om geboorte te skenk, gaan staan om, sodra sy geboorte skenk, haar kind te verslind.

Openbaring 9:15

Die vier engele wat gereed gestaan het met die oog op hierdie uur en hierdie dag en hierdie maand en hierdie jaar, is toe losgelaat om 'n derde van die mense dood te maak.

Openbaring 9:18

Deur hierdie drie plae, die vuur, die rook en die swael wat uit hulle bekke borrel, is 'n derde van die mense doodgemaak.