Openbaring 19:1 - Die Bybel 2020-vertaling

¹ Hierna het ek 'n harde klank gehoor, soos 'n groot skare, wat in die hemel jubel: “Halleluja! Die verlossing, die heerlikheid en die krag behoort aan ons God!

Bybel vir almal

¹ Na hierdie dinge het ek iets in die hemel gehoor. Dit was soos die stemme van baie mense. Hulle het gesê: “Ons prys ons God! Hy red ons! Hy is die Koning! Hy is baie sterk!

Afrikaans 1933-1953

¹ EN ná hierdie dinge het ek iets soos 'n groot stem van 'n groot menigte in die hemel gehoor wat sê: Halleluja, die heil en die heerlikheid en die eer en die krag aan die Here onse God!

Afrikaans 1983

¹ Hierna het ek iets gehoor soos die harde geluid van 'n groot menigte in die hemel wat uitroep: “Prys die Here! Die oorwinning, die heerlikheid en die mag behoort aan ons God!

Contemporary Afrikaans Bible 2023

¹ En ná hierdie dinge het ek 'n groot stem van baie mense in die hemel hoor sê: Halleluja! Verlossing en heerlikheid en eer en krag aan die Here onse God.

Die Boodskap

¹ Net hierna hoor ek uit die hemel ’n vreeslik harde lawaai. Dit het geklink soos ’n massa mense wat gelyk praat: “Halleluja, prys God! Ons God red ons, want Hy is sterker en belangriker as almal.

Nuwe Lewende Vertaling

¹ Hierna het ek iets gehoor soos die magtige lied van ’n groot skare in die hemel wat sing: “Halleluja! Die verlossing, die heerlikheid en die krag behoort aan ons God!

Openbaring 19:1 Kruisverwysings

1 Kronieke 29:11

Aan U, Here, behoort die grootheid, die sterkte, die luister, die roem en die majesteit – ja, alles in die hemel en op die aarde. Aan U, Here, behoort die koningskap, en U is as hoof verhewe bo alles.

Psalms 104:35

Mag sondaars van die aarde af verdwyn en goddeloses nie meer bestaan nie. Loof die Here, o my siel! Halleluja!

Psalms 106:1

Halleluja! Prys die Here, want Hy is goed; ja, vir ewig duur sy troue liefde.

Psalms 111:1

Halleluja! Ek wil die Here prys met my hele hart, in die kring van opregtes en in die byeenkoms.

Psalms 115:18

Maar ons, ons sal die Here prys, nou en vir altyd. Halleluja!

Psalms 146:1

Halleluja! Loof die Here, o my siel!

Psalms 148:1

Halleluja! Loof die Here uit die hemel; loof Hom in die hoogtes!

Psalms 149:1

Halleluja! Sing vir die Here 'n nuwe lied – sy lof in die byeenkoms van getroue volgelinge!

Psalms 150:1

Halleluja! Loof God in sy heiligdom, loof Hom in sy magtige hemelkoepel;

Psalms 3:8

Staan op, Here, verlos my, my God, want U het al my vyande op die wang geslaan; die tande van die goddeloses het U gebreek.

Psalms 62:11

Moet op afpersing nie staatmaak, op plunder julle ydele hoop nie vestig nie. Rykdom, as dit toeneem – moet julle hart nie daarop sit nie.

Jeremia 51:48

Hemel en aarde, alles daarin, sal oor Babel jubel; want uit die noorde kom hulle na haar – die verwoesters,” is die uitspraak van die Here.

Jona 2:9

Maar ek, met 'n danklied wil ek aan U 'n offer bring, wat ek beloof het, sal ek betaal. Dit is die Here wat redding bring.”

Matteus 6:13

En bring ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. •Amen.

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”

Openbaring 12:10

Toe het ek 'n harde stem in die hemel hoor uitroep: “Nou het die verlossing en die krag en die koningsheerskappy van ons God deurgebreek, en ook die volmag van sy •Christus, omdat die aanklaer van ons broers uitgegooi is, hy wat hulle dag en nag voor ons God aangekla het.

Openbaring 19:6

En ek het iets gehoor soos die klank van 'n groot skare, en soos die klank van baie waters, en soos die klank van swaar donderslae wat uitroep: “Halleluja! Die Here, ons God, die Almagtige, het sy koningskap opgeneem.