Openbaring 18:24 - Die Bybel 2020-vertaling

²⁴ Maar in haar is ook die bloed van profete en heiliges gevind, en ook van almal wat op die aarde doodgemaak is.”

Bybel vir almal

²⁴ Want jy het die profete doodgemaak en ook die mense wat aan God behoort! Ja, jy het baie mense op die aarde doodgemaak!”

Afrikaans 1933-1953

²⁴ En die bloed van profete en heiliges is in haar gevind, en van almal wat op die aarde gedood is.

Afrikaans 1983

²⁴ Babilon is skuldig aan die bloed van die profete en die gelowiges, almal wat op die aarde doodgemaak is.

Contemporary Afrikaans Bible 2023

²⁴ En in haar is die bloed gevind van profete en heiliges en van almal wat op die aarde gedood is.

Die Boodskap

²⁴ Net mooi niks sal oorbly van Babilon nie, en sy was eens die een wat met al die belangrikste en rykste besigheidsmanne in die wêreld gespog het! Sy kon mense van oral af deur haar oëverblindery om die bos lei. Dit was ook die einste stad waarin die kinders van God en sy boodskappers doodgemaak is, ja, vermoor is!”

Nuwe Lewende Vertaling

²⁴ In Babilon se strate is die bloed van die profete gevind, en van hulle wat aan God toegewy is, ja, almal wat op die aarde doodgemaak is.

Openbaring 18:24 Kruisverwysings

Jeremia 2:34

Selfs aan die some van jou klere word dit gevind – die bloed van mense, van onskuldige behoeftiges, wat jy nie by 'n inbraak betrap het nie. Maar teen dit alles in

Jeremia 51:49

“ Ook Babel moet val vir die gesneuweldes van Israel, soos gesneuweldes van die hele aarde ook vir Babel geval het.

Esegiël 22:12

In jou word omkoopgeld aanvaar, sodat bloed vergiet word. Rente en woekerrente neem jy, jy berokken jou naaste skade deur uitbuiting, en My vergeet jy.” Dit is die uitspraak van my Heer, die Here.’

Esegiël 22:27

Die •hoë amptenare van die land is in hom soos wolwe wat 'n prooi verskeur – om bloed te vergiet en lewens te vernietig, sodat hulle onregverdige wins kan maak.

Esegiël 22:9

Mense wat kwaad stook, is in jou, sodat bloed vergiet word. Hulle wat op die berge eet, is in jou. Skandelike dade doen hulle in jou midde:

Daniël 7:21

Ek het gesien hierdie horing maak oorlog teen die heiliges, en hy was besig om die oorhand oor hulle te kry,

Daniël 7:25

Woorde gerig teen die Hoogste sal hy uitspreek, en die heiliges van die Allerhoogste sal hy teister. Hy sal poog om feestye en die wet te verander, en die heiliges sal in sy hand gegee word vir 'n tyd en tye en 'n halwe tyd.

Matteus 23:27

“Wee julle, skrifkenners en Fariseërs, skynheiliges! Want julle is soos witgekalkte grafte wat van buite pragtig lyk, maar van binne is julle vol doodsbeendere en elke vorm van •onreinheid.

Matteus 23:35

So sal alle regverdige bloed wat op aarde vergiet is, vir julle toegereken word, van die bloed van Abel, die regverdige, tot by die bloed van Sagaria, die seun van Beregja, wat julle tussen die heiligdom en die altaar vermoor het.

Handelinge 7:52

Wie van die profete is nie deur julle vaders vervolg nie? Ja, hulle het diegene doodgemaak wat die koms van die Regverdige vooraf aangekondig het. Julle het nou sy verraaiers en moordenaars geword.

1 Thessalonisense 2:15

hulle wat die Here Jesus en die profete doodgemaak, en ons ernstig vervolg het, wat God nie tevrede stel nie, en vyandig teenoor alle mense is,

Openbaring 11:7

Wanneer hulle hulle getuienis klaar gelewer het, sal die dier wat uit die onpeilbare diepte verrys, teen hulle oorlog maak, en die oorhand oor hulle kry, en hulle doodmaak.

Openbaring 16:6

want hulle het die bloed van •heiliges en profete vergiet, en U het hulle bloed gegee om te drink. Hulle verdien dit.”

Openbaring 17:6

Ek het ook gesien dat die vrou dronk is van die bloed van die •heiliges, en van die bloed van die getuies van Jesus. Toe ek haar sien, was ek uitermate verbaas.

Openbaring 19:2

Waar en regverdig is sy oordele, want Hy het die groot prostituut veroordeel, sy wat die aarde met haar hoerery verlei het, en Hy het die bloed van sy diensknegte wat deur haar hand omgekom het, gewreek. ”