Openbaring 16:9 - Die Bybel 2020-vertaling

⁹ Die mense is deur 'n versengende hitte geskroei, en hulle het gelaster teen die Naam van God, wat mag oor hierdie plae het. Nogtans het hulle hulle nie bekeer, en aan Hom heerlikheid bewys nie.

Bybel vir almal

⁹ Die son was baie warm en dit het die mense baie seer gebrand. Maar hulle het vir God gelaster, vir God wat al die strawwe gestuur het. En hulle het nie gelewe soos God wil hê nie en hulle het nie vir God geëer nie.

Afrikaans 1933-1953

⁹ En die mense is geskroei met 'n groot hitte, en hulle het die Naam van God gelaster wat mag het oor hierdie plae, en hulle het hul nie bekeer om Hom heerlikheid te gee nie.

Afrikaans 1983

⁹ Die mense is deur 'n groot hitte gebrand, en hulle het die Naam gelaster van God wat die mag oor hierdie plae het. En hulle het hulle nie bekeer nie en aan Hom nie die eer gegee nie.

Contemporary Afrikaans Bible 2023

⁹ En die mense is deur groot hitte verskroei en die Naam van God gelaster wat mag het oor hierdie plae, en hulle het hulle nie bekeer om Hom heerlikheid te gee nie.

Die Boodskap

⁹ Die mense het gevloek en God uitgeskel. Hy is mos die een wat hierdie dinge laat gebeur. Tog het hulle God nie begin dien nie. Hulle wou nie erken dat Hy regtig die belangrikste van almal is nie.

Nuwe Lewende Vertaling

⁹ Die mense is deur ’n hewige gloed geskroei en hulle het die Naam van God gevloek wat mag het oor hierdie plae. Hulle het egter nie tot inkeer gekom en aan Hom eer betoon nie.

Openbaring 16:9 Kruisverwysings

2 Konings 6:33

Hy was nog besig om met hulle te praat, kyk, toe kom die boodskapper al daar na hom toe af! Die koning sê toe: “Kyk, hierdie onheil is van die Here. Waarom sou ek dan nog op die Here wag?”

2 Kronieke 28:22

In die tyd toe hy in die noute was, was hy, koning Agas, selfs meer ontrou aan die Here.

Jesaja 1:5

Waarom wil julle nog geslaan word, en hou julle vol met julle onversetlikheid? Elke kop is siek, elke hart is swak.

Jesaja 8:21

Die volk sal die land deurkruis, bedruk en verhonger. En wanneer hulle honger is, sal hulle woedend word en hulle koning vervloek en, terwyl hulle boontoe kyk, hulle God vervloek.

Jeremia 13:6

Ná verloop van baie dae het die Here vir my gesê: “Maak gereed, gaan na die Perat en gaan haal die lendedoek wat Ek jou beveel het om daar weg te steek.”

Jeremia 5:3

Here, u oë, is dit nie gerig op betroubaarheid nie? U het hulle geslaan, maar hulle het geen pyn gevoel nie. U het hulle verniel, maar hulle het geweier om teregwysing te aanvaar. Hulle het hulle gesigte harder gemaak as 'n rots; hulle het geweier om om te draai.

Esegiël 24:13

Jou onreinheid is 'n skandelike daad. Omdat Ek jou wou reinig, maar jy nie van jou onreinheid wil afsien nie, sal jy nie weer rein wees totdat Ek my woede teen jou tot bedaring gebring het nie.

Lukas 13:3

Beslis nie, sê Ek vir julle, maar as julle julle nie bekeer nie, sal julle almal net so omkom!

Lukas 13:5

Beslis nie, sê Ek vir julle, maar as julle julle nie bekeer nie, sal julle almal net so omkom. ”

2 Korinthiërs 12:21

dat wanneer ek weer kom, my God my voor julle sal verneder, en ek sal treur oor baie van dié wat vroeër gesondig het, en hulle nie bekeer het van die onreinheid en onsedelikheid en losbandigheid wat hulle bedryf het nie.

Josua 7:19

Josua sê toe vir Agan: “My seun, gee tog eer aan die Here, die God van Israel, en bring lof aan Hom. Vertel my tog wat jy gedoen het. Moenie vir my iets wegsteek nie.”

Openbaring 11:13

Op daardie uur het daar 'n groot aardbewing plaasgevind, en 'n tiende van die stad het inmekaar gestort. In die aardbewing het seweduisend mense omgekom, maar die res het vreesbevange geraak, en aan die God van die hemel heerlikheid betoon.

Openbaring 14:7

Met 'n harde stem het hy uitgeroep: “Julle moet ontsag hê vir God en heerlikheid bewys aan Hom, want die tyd van sy oordeel het aangebreek. Aanbid Hom wat die hemel, die aarde, die see en die fonteine geskep het. ”

Openbaring 16:21

Groot haelstene, ongeveer 'n talent swaar, het uit die hemel op die mense neergereën. En die mense het God gelaster oor die haelplaag, omdat dit 'n uitermate groot plaag was.

Openbaring 2:21

Ek het haar tyd gegun om tot bekering te kom, maar sy weier om haar te bekeer van haar hoerery.

Openbaring 9:20

Nogtans het die res van die mense, wat nie deur hierdie plae doodgemaak is nie, hulle nie bekeer van die werke van hulle hande nie. Hulle het aangehou om die demone te aanbid, en ook die afgode van goud, silwer en koper en van klip en hout, wat nie kan sien of hoor of loop nie.