Openbaring 16:8 - Die Bybel 2020-vertaling

⁸ Die vierde engel het sy bak oor die son uitgegooi, en die son is toegelaat om die mense met vuur te skroei.

Bybel vir almal

⁸ Die vierde engel het sy bak op die son uitgegooi. En God het gesê die son mag die mense brand met vuur.

Afrikaans 1933-1953

⁸ En die vierde engel het sy skaal op die son uitgegooi, en daaraan is dit gegee om die mense met vuur te skroei.

Afrikaans 1983

⁸ Die vierde engel het toe sy bak op die son uitgegooi. Daardeur is aan die son die vermoë verleen om die mense met vuur te brand.

Contemporary Afrikaans Bible 2023

⁸ En die vierde engel het sy skaal op die son uitgegooi; en aan hom is mag gegee om mense met vuur te skroei.

Die Boodskap

⁸ Die vierde engel gooi toe sy bak op die son uit. Skielik het lang vuurtonge van die son die mense verskroei. Dit was geweldig warm.

Nuwe Lewende Vertaling

⁸ Die vierde engel het toe sy bak op die son uitgegooi. Die son is in staat gestel om die mense met vuur te skroei.

Openbaring 16:8 Kruisverwysings

Jesaja 24:23

Die volmaan sal verleë wees, die helder son sal beskaamd staan. Want die Here, Heerser oor alle magte, regeer op die berg Sion en in Jerusalem, en voor sy oudstes in heerlikheid.

Jona 4:8

Teen sonop het God 'n gloeiende oostewind beskik, en toe die son op Jona se kop bak, het hy duiselig geraak en gewens hy gaan dood. Hy het gesê: “Dit is vir my beter om te sterf as om te leef.”

Matteus 13:6

Maar toe die son opkom, is dit verskroei; omdat dit nie wortel geskiet het nie, het dit verdroog.

Lukas 21:25

“Dan sal daar tekens wees in die son en die maan en die sterre, en op die aarde sal die nasies beangs en verward wees oor die gedreun en hoë golwe van die see.

Handelinge 2:20

Die son sal verander in duisternis en die maan in bloed, voordat die groot en glorieryke dag van die Here kom.

Openbaring 14:18

Nog 'n engel, wat beheer oor die vuur gehad het, het van die altaar af gekom. Hy het met 'n harde stem geroep na hom wat die skerp sekel vashou en gesê: “Steek jou skerp sekel in, en sny die druiwetrosse van die wingerd op die aarde af, want die druiwe het ryp geword.”

Openbaring 6:12

Ek het gesien toe Hy die sesde seël oopbreek. En daar het 'n groot aardbewing plaasgevind. Die son het swart geword soos 'n harige sak, en die maan het geheel en al soos bloed geword.

Openbaring 7:16

Hulle sal nie meer honger of dors word nie; nie die son nie, ook geen hittegloed sal hulle brand nie.

Openbaring 8:12

Die vierde engel het op sy trompet geblaas, en 'n derde van die son, 'n derde van die maan en 'n derde van die sterre is getref, sodat 'n derde van hulle verduister is. Vir 'n derde van die dag was daar nie lig nie; en net so was dit ook in die nag.

Openbaring 9:2

Hy het die skag na die onpeilbare diepte oopgesluit, en rook het uit die skag opgeborrel, soos rook uit 'n groot smeltoond. Die son en lug is deur die rook uit die skag verduister.