Openbaring 14:11 - Die Bybel 2020-vertaling

¹¹ En die rook van hulle foltering bly opstyg vir ewig en ewig, en hulle wat die dier en sy beeld aanbid, kry dag en nag geen rus nie, ook nie hulle wat die merk van sy naam ontvang het nie.

Bybel vir almal

¹¹ Die vuur wat hulle seermaak, hou aan om altyd te brand, en hulle kan nooit rus nie, nie in die dag nie en ook nie in die nag nie. So sal dit gaan met almal wat die dier en sy beeld aanbid en wat die merk van sy naam gekry het.”

Afrikaans 1933-1953

¹¹ En die rook van hulle pyniging gaan op tot in alle ewigheid, en hulle het dag en nag geen rus nie — hulle wat die dier en sy beeld aanbid, en elkeen wat die merk van sy naam ontvang.

Afrikaans 1983

¹¹ Die rook van hierdie pyniging styg tot in alle ewigheid op, en hierdie mense het dag en nag geen rus nie, hulle wat die dier en sy beeld aanbid, en dié wat die merk van sy naam aanvaar.”

Contemporary Afrikaans Bible 2023

¹¹ En die rook van hulle pyniging gaan op tot in alle ewigheid, en hulle het dag en nag geen rus nie, wat die dier en sy beeld aanbid, en elkeen wat die merk van sy naam aanneem.

Die Boodskap

¹¹ Die vuur se rook sal wys hoe seer hierdie mense brand. En dit sal nooit einde kry nie. Die arme mense wat die dier aanbid en met hom gespog het deur sy merk te dra, gaan baie swaarkry. Hulle sal dag en nag die ondraaglikste pyn moet verduur.

Nuwe Lewende Vertaling

¹¹ Die rookwolk van hulle foltering styg vir altyd na bo, en hulle het dag en nag nie rus nie; dit is húlle wat die monster en sy standbeeld aanbid, en wat die merk van sy naam dra.”

Openbaring 14:11 Kruisverwysings

Genesis 19:28

Hy het afgekyk oor Sodom en Gomorra en oor die hele gebied van die Jordaanstreek, en gesien daar styg rook op uit die land, soos die rook uit 'n smeltoond.

Psalms 10:16

Die Here is Koning vir altyd en ewig; nasies verdwyn uit sy land.

Psalms 145:1

'n Loflied. Van Dawid. Ek wil U verheerlik, o Koning, my God; ek wil u Naam prys vir altyd en altyd.

Eksodus 15:18

“ Die Here sal regeer vir altyd en ewig.

Jesaja 33:14

In Sion sidder sondaars van angs; bewing pak hulle beet, hulle wat vervreemd is van God: “Wie van ons kan by 'n verterende vuur vertoef? Wie van ons kan by 'n ewig brandende vuurherd vertoef?”

Jesaja 34:10

Nag en dag sal dit nie geblus word nie, vir altyd styg haar rook omhoog. Van geslag tot geslag sal sy in puin lê, vir ewig en altyd sal niemand deur haar trek nie.

Jesaja 34:8

Ja, daar is 'n dag van wraak vir die Here, 'n jaar van vergelding in die regstryd van Sion.

Jesaja 57:20

Die goddeloses is soos die onstuimige see. Ja, dit kan nie rustig wees nie, en sy waters spoel vullis en modder uit.

Daniël 3:6

Wie ook al nie neerval en eer betoon nie, sal dadelik binne-in die vlammende vuuroond gegooi word.”

Joël 2:30

Ek sal tekens gee in die hemel en op aarde: bloed en vuur en kolomme rook.

Matteus 11:28

“ Kom na My toe, almal wat vermoeid en swaar belas is, en Ek sal julle rus gee.

Matteus 25:41

“Dan sal Hy vir dié aan sy linkerhand sê, ‘Gaan weg van My, julle vervloektes, in die ewige vuur, wat gereedgemaak is vir die Duiwel en sy engele.

Matteus 25:46

Hierdie mense sal weggaan na die ewige straf, maar die regverdiges na die ewige lewe.”

Deuteronomium 28:65

By daardie nasies sal jy nie rus vind nie. Daar sal nie 'n rusplek vir jou voetsool wees nie. Die Here sal daar vir jou 'n hart vol angs, kwynende oë en 'n lewe van wanhoop gee.

Hebreërs 1:8

Maar vir die Seun sê Hy: “U troon, o God, is vir ewig en ewig, en die septer van geregtigheid is die septer van u koninkryk!

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”

Openbaring 13:12

Hy het met al die volmag van die eerste dier opgetree, en dit in sy teenwoordigheid gedoen. En hy laat die aarde en die bewoners daarvan die eerste dier aanbid, die een wat van sy dodelike wond genees is.

Openbaring 13:15

Aan hom is toe die vermoë gegee om asem in die beeld van die dier te blaas, sodat die beeld van die dier ook kon praat, en om almal wat nie die beeld van die dier aanbid nie, te laat doodmaak.

Openbaring 13:17

sodat niemand, behalwe dié met die merk van die naam van die dier of die getal van sy naam, sou kon koop of verkoop nie.

Openbaring 14:9

Ná hom het 'n ander engel, 'n derde een, gekom en met 'n harde stem uitgeroep: “As iemand die dier en sy beeld aanbid, en 'n merk op sy voorkop of op sy hand ontvang het,

Openbaring 18:18

Hulle het geskree toe hulle die rook van haar verbranding sien, en gesê: “Watter stad is net soos dié groot stad?”

Openbaring 18:9

Die konings van die aarde wat onsedelik met haar verkeer het en uitspattig geleef het, sal oor haar huil en rou wanneer hulle die rook van haar verbranding sien.

Openbaring 19:3

'n Tweede keer het hulle uitgeroep: “Halleluja! Haar rook styg op, vir ewig en ewig. ”

Openbaring 20:10

Die Duiwel wat hulle op 'n dwaalspoor gelei het, is toe in die poel van vuur en swael gegooi waar die dier en die vals profeet ook is. En hulle sal dag en nag gefolter word, vir ewig en ewig.

Openbaring 22:5

Daar sal ook nie meer nag wees nie. Die behoefte aan die lig van 'n lamp en die lig van die son sal nie meer bestaan nie, omdat die Here God hulle sal verlig, en hulle vir ewig en ewig as konings sal heers.

Openbaring 7:12

en gesê: “•Amen! Die lof, die heerlikheid en die wysheid, die dank en die eer, die krag en die sterkte kom ons God toe vir ewig en ewig. Amen!”