Openbaring 14:10 - Die Bybel 2020-vertaling

¹⁰ sal hy ook drink van die wyn van God se toorn, wat onverdun in die beker van God se toorn geskink is. Hy sal ook in die teenwoordigheid van die heilige engele en die Lam met vuur en swael gefolter word.”

Bybel vir almal

¹⁰ God is baie kwaad vir hulle. Hy sal hulle straf en Hy sal vir hulle die beker van swaarkry laat drink. Hy sal hulle seermaak met vuur en swael. God se engele en die Lam sal dit sien gebeur.

Afrikaans 1933-1953

¹⁰ sal hy self ook drink van die wyn van die grimmigheid van God wat ongemeng ingeskink is in die beker van sy toorn, en hy sal gepynig word met vuur en swawel voor die heilige engele en voor die Lam.

Afrikaans 1983

¹⁰ sal van die wyn van God se toorn moet drink. Dit word onverdun in die beker van sy oordeel ingeskink. In die teenwoordigheid van die heilige engele en die Lam sal hy met vuur en swael gepynig word.

Contemporary Afrikaans Bible 2023

¹⁰ Hy sal drink van die wyn van die grimmigheid van God wat ongemeng in die beker van sy grimmigheid geskink word; en hy sal gepynig word met vuur en swawel voor die aangesig van die heilige engele en voor die Lam.

Die Boodskap

¹⁰ God se woede en ontevredenheid sal wees soos ’n glas wat vol wyn gegooi word. Die mense wat aan die dier behoort, sal dit dan moet drink, of hulle wil of nie! Dit sal wees soos iemand wat in ’n verskriklike warm vuur baie seer brand. Die engele en die Lam sal staan en kyk hoe dit gebeur.

Nuwe Lewende Vertaling

¹⁰ sal hy ook van die wyn van God se woede moet drink. Dié wyn word onverdun in die beker van sy wraak ingeskink. Hulle sal ook gefolter word in vuur en swael in die teenwoordigheid van die heilige engele en die Lam.

Openbaring 14:10 Kruisverwysings

Genesis 19:24

Die Here het op Sodom en Gomorra swael en vuur laat reën wat van die Here af uit die hemelruim kom.

Job 18:15

Niks van sy besittings sal in sy tent oorbly nie; swael sal oor sy woonplek uitgestrooi word.

Job 21:20

Sy oë moet sy ondergang sien, van die Almagtige se woede moet hy drink.

Psalms 11:6

Hy laat gloeiende kole op goddeloses neerreën – vuur en swael en 'n verskroeiende wind; dit is wat hulle toekom, dit is hulle beker.

Psalms 37:34

Wag op die Here, en hou by sy pad, dan sal Hy jou aansien gee om grond te besit. Jy sal toekyk wanneer goddeloses uitgeroei word.

Psalms 52:6

Jy hou van allerhande lasterlike woorde, van 'n tong wat bedrieg.

Psalms 60:3

O God, U het ons verstoot, ons uitmekaar geslaan. U was toornig. Herstel ons!

Psalms 73:10

Daarom draai sy volk hierheen. Wie vol is, word deur hulle uitgepers,

Psalms 75:8

Nee, God is regter: Die een verneder Hy, die ander verhef Hy.”

Psalms 91:8

Jy sal maar net toekyk – die vergelding van goddeloses sal jy sien.

Jesaja 29:9

Wees maar verslae, verstom! Hou julle blind, en wees verblind! Hulle het dronk geword, maar nie van wyn nie. Hulle het gesteier, maar nie van sterk drank nie.

Jesaja 30:33

Ja, 'n brandstapel is lankal reeds gepak; dit is ook vir die koning gereedgemaak – diep en wyd – 'n stapel, met vuur en hout in oorvloed; die asem van die Here brand soos 'n stroom swawel daarin.

Jesaja 34:9

Edom se strome sal in pik verander, haar stof in swael – haar gebied sal brandende pik word.

Jesaja 51:17

Skud jouself wakker! Skud jouself wakker! Staan op, Jerusalem, jy wat uit die hand van die Here die beker van sy woede gedrink het! Die beker wat 'n mens laat steier, het jy gedrink, leeg geslurp.

Jeremia 25:27

“Jy moet vir hulle sê, ‘So sê die Here, Heerser oor alle magte, die God van Israel: “Drink, word dronk, bring op, val neer sodat julle nie weer opstaan nie, vanweë die swaard wat Ek onder julle instuur.” ’

Jeremia 49:12

Ja, so sê die Here: “Kyk, hulle wat nie veroordeel is om die beker te drink nie, moet dit wel drink. En jy, is jy die een wat ongestraf bly? Jy sal nie ongestraf bly nie, maar jy sal beslis drink.

Jeremia 51:57

“Ek maak haar bevelvoerders, haar wyses, haar streekgoewerneurs, haar landvoogde en haar helde dronk. Hulle sal 'n ewige slaap ingaan en nie weer wakker word nie,” is die uitspraak van die Koning. Die Here, Heerser oor alle magte, is sy Naam.

Klaagliedere 4:21

Wees maar vrolik en bly, dogter van Edom wat woon in die land Us; ook aan jou sal die beker gegee word, jy sal dronk word en jouself ontbloot.

Esegiël 20:48

Al wat leef, sal sien dat Ek, die Here, dit aangesteek het. Dit sal nie uitbrand nie.” ’ ”

Esegiël 38:22

Ek sal met hom die saak bereg deur pessiekte en bloedvergieting. Geweldige stortreën, groot haelstene, vuur en swael sal Ek op hom, op sy troepe en op baie volke wat by hom is, laat neerreën.

Habakuk 2:16

Ja, jy gaan met skande versadig word, in plaas van eer. Drink jy ook, en ontbloot jouself! Die beker in die regterhand van die Here sal by jou verbykom, en skande sal jou eer oortref.

Matteus 20:22

Jesus het geantwoord: “Julle besef nie wat julle vra nie. Kan julle die beker drink wat Ek moet drink? ” Hulle antwoord Hom: “Ons kan.”

Matteus 25:41

“Dan sal Hy vir dié aan sy linkerhand sê, ‘Gaan weg van My, julle vervloektes, in die ewige vuur, wat gereedgemaak is vir die Duiwel en sy engele.

Matteus 26:39

Hy het toe 'n entjie verder gegaan, met sy gesig teen die grond neergeval en gebid: “My Vader, as dit moontlik is, laat hierdie beker by My verbygaan. Nogtans, nie soos Ek wil nie, maar soos U wil.”

Markus 8:38

Want wie hom vir My en my woorde skaam in hierdie owerspelige en sondige geslag, vir hom sal die Seun van die Mens Hom skaam wanneer Hy in die heerlikheid van sy Vader kom, saam met die heilige engele.”

Handelinge 10:22

En hulle het geantwoord: “Cornelius, die centurio, 'n regverdige en godvresende man, iemand oor wie die hele Joodse volk goeie getuienis gelewer het, het deur 'n heilige engel 'n openbaring ontvang om u na sy huis te laat kom en te luister na u woorde.”

Deuteronomium 29:23

‘Dit is net swael en sout; die hele gebied is verskroei. Daar word nie geplant nie en niks groei daar nie; geen groenigheid kom eers op nie. Dit is soos met die verwoesting van Sodom en Gomorra, soos met Adma en Sebojim wat die Here in sy toorn en woede verwoes het.’

2 Thessalonisense 1:7

en verligting te gee aan julle wat saam met ons verdruk word. Hy sal dit doen deur die openbaring van die Here Jesus uit die hemel saam met sy magtige engele,

Judas 1:7

So ook dien Sodom en Gomorra, en die omliggende stede, wat op 'n soortgelyke manier as daardie engele ontug gepleeg en agter vreemde liggame aangeloop het, as waarskuwende voorbeeld, omdat hulle die straf van ewige vuur ondergaan.

Openbaring 15:7

Een van die vier lewende wesens het toe aan die sewe engele sewe goue bakke gegee, gevul met die toorn van God, van Hom wat vir ewig en ewig leef.

Openbaring 16:19

Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.

Openbaring 18:3

omdat al die nasies gedrink het van die wyn van die wellus van haar hoerery. Die konings van die aarde het onsedelik met haar verkeer, en die handelaars van die aarde het ryk geword uit die aantrekkingskrag van haar weelde.”

Openbaring 18:6

Vergeld haar soos sy julle dit laat ontgeld het, vergeld haar dubbeld, ooreenkomstig haar dade. In die beker waarin sy vir julle gemeng het, moet julle vir haar twee keer soveel meng.

Openbaring 19:15

Uit sy mond het 'n vlymskerp swaard gekom om die nasies mee te tref, en Hy sal hulle met 'n ysterstaf regeer. Hy sal ook self die parskuip van die geweldige toorn van God, die Almagtige, trap.

Openbaring 19:20

Die dier is toe gevang, en saam met hom ook die vals profeet, wat in sy teenwoordigheid die tekens gedoen het, waardeur hy die mense mislei het wat die merk van die dier dra en sy beeld aanbid. Hulle twee is lewendig in die vuurpoel met brandende swael gegooi.

Openbaring 20:10

Die Duiwel wat hulle op 'n dwaalspoor gelei het, is toe in die poel van vuur en swael gegooi waar die dier en die vals profeet ook is. En hulle sal dag en nag gefolter word, vir ewig en ewig.

Openbaring 20:14

Toe is die dood en die •Hades in die vuurpoel gegooi. Dit is die tweede dood, die vuurpoel.

Openbaring 21:8

Maar vir die lafhartiges, ongelowiges, losbandiges, moordenaars, hoereerders, towenaars, afgodedienaars en al die leuenaars – hulle deel is die brandende poel van vuur en swael; dit is die tweede dood.”