Numeri 5:2 - Die Bybel 2020-vertaling

² “Gee die Israeliete opdrag om elkeen wat 'n velsiekte het en elkeen wat 'n afskeiding het, uit die kamp te stuur, ook elkeen wat onrein is omdat hy aan 'n lyk geraak het.

Bybel vir almal

² “Jy moet vir die Israeliete sê: Julle moet elke persoon wegstuur wat melaats is, en ook elkeen wat 'n geslagsiekte het of wat onrein geword het omdat hy aan 'n lyk geraak het.

Afrikaans 1933-1953

² Gee bevel aan die kinders van Israel dat hulle uit die laer wegstuur al die melaatse mense en almal wat 'n vloeiing het, en almal wat deur 'n lyk onrein is.

Afrikaans 1983

² “Beveel die Israeliete om elkeen uit die kamp uit te stuur wat 'n ernstige velsiekte het of aan 'n geslagsiekte ly, of wat verontreinig is deur aan 'n lyk te raak.

Contemporary Afrikaans Bible 2023

² Gee bevel aan die kinders van Israel dat hulle elke melaatse man en elkeen wat 'n vloeiing het en elkeen wat deur die dooies verontreinig is, uit die laer wegdryf.

Die Boodskap

² “Beveel die Israeliete om elkeen wat ’n ernstige velsiekte het, of ’n onnatuurlike liggaamlike uitskeiding, of wat in kontak was met ’n lyk en daarom vir ’n tydperk nie aan godsdienstige aktiwiteite mag deelneem nie, uit die kamp uit te stuur.

Nuwe Lewende Vertaling

² “Sê vir die Israeliete hulle moet enige persoon wat ’n aansteeklike velsiekte het, of wat ’n onreëlmatige afskeiding het, of besoedel geraak het deur aan ’n lyk te raak, uit die kamp uit wegstuur.

Numeri 5:2 Kruisverwysings

2 Konings 7:3

Daar was vier mans met 'n velsiekte by die ingang van die stadspoort, en hulle het vir mekaar gesê: “Waarom sal ons hier bly totdat ons sterf?

Levitikus 13:45

“Iemand wat velsiekte êrens aan hom het, se klere moet geskeur wees, sy hare moet los hang en hy moet sy snor bedek. ‘Onrein! Onrein!’ moet hy uitroep.

Levitikus 13:46

So lank as wat hy die velaandoening het, sal hy onrein wees; hy is onrein. Hy moet eenkant woon. Sy blyplek moet buite die kamp wees.”

Levitikus 13:8

As die priester hom ondersoek en vind dat die skurwe plek op die vel groter geword het, moet die priester hom onrein verklaar. Dit is velsiekte.

Levitikus 14:8

Die een wat hom wil laat reinig, moet sy klere was, al sy hare afskeer en homself met water afspoel. Hy is dan rein en mag daarna in die kamp kom, maar hy moet sewe dae lank buite sy tent bly.

Levitikus 21:1

Die Here het vir Moses gesê: “Praat met die priesters, die seuns van Aäron, en sê vir hulle, ‘'n Priester mag hom nie met 'n dooie persoon onder sy mense verontreinig nie,

Levitikus 23:29

Ja, enige persoon wat hom nie op dié bepaalde dag verootmoedig nie, moet uit sy volk verwyder word;

Numeri 12:10

Toe die wolk van die tent af terugtrek, staan Mirjam daar met 'n velsiekte, wit soos sneeu. Aäron het na Mirjam gedraai en jou waarlik, sy het 'n velsiekte!

Numeri 12:14

Daarop sê die Here vir Moses: “As haar vader haar maar net in haar gesig gespoeg het, sou sy nie sewe dae lank in skande gewees het nie? Laat sy sewe dae lank buite die kamp uitgesluit word; daarna kan sy terugkeer.”

Numeri 31:19

Almal van julle wat iemand doodgemaak het, en almal wat aan 'n gesneuwelde geraak het, moet sewe dae lank buite die kamp tent opslaan. Op die derde en op die sewende dag moet julle julleself reinig – julle en julle gevangenes.

Numeri 5:1

Die Here het met Moses gepraat en gesê: