Numeri 27:4 - Die Bybel 2020-vertaling

⁴ Waarom moet ons vader se naam verdwyn uit sy familiegroep omdat hy nie 'n seun gehad het nie? Gee vir ons erfgrond tussen ons vader se broers.”

Bybel vir almal

⁴ Hoekom moet ons pa se naam nou verdwyn uit sy familie? Jy moet vir ons grond gee tussen ons pa se broers.”

Afrikaans 1933-1953

⁴ Waarom sou die naam van ons vader uit sy geslag weggeneem word, omdat hy geen seun gehad het nie? Gee ons 'n besitting onder die broers van ons vader.

Afrikaans 1983

⁴ Waarom moet ons pa se naam uit sy familie verdwyn net omdat hy nie 'n seun gehad het nie? Gee vir ons grond tussen dié van sy familie.”

Contemporary Afrikaans Bible 2023

⁴ Waarom moet die naam van ons vader onder sy familie weggedoen word, omdat hy geen seun het nie? Gee dan aan ons 'n besitting onder die broers van ons vader.

Die Boodskap

⁴ Dit is mos nie regverdig dat ons pa se naam uit sy familie verdwyn net omdat hy nie seuns gehad het nie. Daarom vra ons dat u vir ons sy grond tussen sy familie sal gee wat hy moes kry.”

Nuwe Lewende Vertaling

⁴ Hoekom moet ons pa se naam uit sy stam verdwyn net oor hy nie seuns gehad het nie? Julle moet vir ons grond tussen ons familie gee.”

Numeri 27:4 Kruisverwysings

Psalms 109:13

Mag sy nageslag uitgeroei word – in die volgende geslag moet hulle name uitgewis word.

Eksodus 32:11

Moses het egter die Here sy God goedgesind probeer stem en gesê: “Waarom, Here, moet u toorn brand teen u volk vir wie U uit Egipteland gelei het met groot krag en 'n sterk hand?

Spreuke 13:9

Die lig van regverdiges straal vreugde uit, maar die lamp van goddeloses word uitgedoof.

Numeri 27:3

“ Ons vader is oorlede in die woestyn. Hy was egter nie onder die bende nie – daardie bende van Korag wat teen die Here saamgespan het. Maar deur sy eie sonde het hy gesterf, en hy het nie seuns gehad nie.

Numeri 27:5

Moses het hulle saak toe voor die Here gebring.

Josua 17:4

Hulle het Eleasar, die priester, Josua, seun van Nun, en die leiers genader en gesê: “Die Here het self vir Moses opdrag gegee om aan ons 'n erfdeel te gee tussen ons broers. ” Josua het toe, volgens die bevel van die Here, 'n erfdeel aan hulle gegee tussen die broers van hulle vader.