Numeri 2:10 - Die Bybel 2020-vertaling

¹⁰ “Die eenheid van Ruben se kamp is, volgens hulle leërafdelings, aan die suidekant met Elisur, seun van Sedeür, as leier van die nageslag van Ruben,

Bybel vir almal

^10-16 “Die vlag van die Ruben-kamp moet suid van die tempel-tent staan. Die stamme wat hulle tente daar in groepe moet opslaan, is: “Ruben wat 46 500 manne het, hulle leier is Elisur seun van Sedeür, Simeon wat 59 300 manne het, hulle leier is Selumiël seun van Suri-Saddai, Gad wat 46 650 manne het, hulle leier is Eljasaf seun van Reüel. “In die Ruben-kamp is hulle almal saam 125 450 manne en hulle moet tweede gaan.

Afrikaans 1933-1953

¹⁰ Die vaandel van die laer van Ruben volgens hulle leërafdelings moet aan die suidekant wees; en Elísur, die seun van Sedéür, moet owerste oor die seuns van Ruben wees.

Afrikaans 1983

¹⁰ “Aan die suidekant moet die stam Ruben kamp opslaan. Hy moet dit doen by sy vaandel en ingedeel in leërafdelings. Elisur seun van Sedeür is die leier van die stam.

Contemporary Afrikaans Bible 2023

¹⁰ Aan die suidekant moet die vaandel van die laer van Ruben wees volgens hulle leërs; en die owerste van die kinders van Ruben moet wees Elísur, die seun van Sedeur.

Die Boodskap

¹⁰ “Die stam van Ruben moet aan die suidekant kamp opslaan, by hulle vlag, en hulle moet ingedeel word in verskillende leërafdelings. Sedeür se seun Elisur is die leier van die stam.

Nuwe Lewende Vertaling

^10-11 “Ruben, Simeon en Gad moet suid van die tabernakel by hulle vaandels kamp opslaan. Hier is hulle stamme, leiers en getalle: Ruben se leier is Elisur seun van Sedeür met 46 500 manskappe;

Numeri 2:10 Kruisverwysings

1 Kronieke 5:1

Wat die nageslag van Ruben, die eersgeborene van Israel betref – ja, hy was die eersgeborene, maar toe hy sy vader se slaapplek ontheilig het, is sy eersgeboortereg aan die seuns van Josef, seun van Israel, gegee en word hy nie volgens die eersgeboortereg in die geslagsregister opgeneem nie.

Numeri 1:5

“Dit is die name van die manne wat julle moet bystaan: “Elisur, seun van Sedeür, vir Ruben;

Numeri 10:18

Die eenheid van die kamp van Ruben het daarna volgens hulle leërafdelings weggetrek. Oor Ruben se leërafdeling was Elisur, seun van Sedeür;

Numeri 10:6

Wanneer julle 'n tweede waarskuwingsein blaas, moet die kampe aan die suidekant wegtrek. 'n Waarskuwingsein moet geblaas word vir kamp opbreek;

Numeri 2:11

met sy leër, dié wat ingeskryf is: 46 500.

Numeri 7:30

Op die vierde dag was dit die leier van die nageslag van Ruben, Elisur, seun van Sedeür.

Numeri 7:35

as maaltydoffer, 2 beeste, 5 ramme, 5 bokramme en 5 jaaroud ramlammers. Dit was die offergawe van Elisur, seun van Sedeür.