Numeri 17:4 - Die Bybel 2020-vertaling

⁴ Sit dit dan neer in die Tent van Ontmoeting voor die Getuienis waar Ek julle sal ontmoet.

Bybel vir almal

⁴ Dan moet jy die kieries neersit in die tent waar Ek aan die Israeliete verskyn, jy moet dit sit voor die kis waarin die tien gebooie is en waar Ek aan julle verskyn,

Afrikaans 1933-1953

⁴ En jy moet hulle wegsit in die tent van samekoms voor die Getuienis waar Ek met julle saamkom.

Afrikaans 1983

⁴ Sit die kieries dan voor die getuienis in die tent van ontmoeting, waar Ek julle ontmoet.

Contemporary Afrikaans Bible 2023

⁴ En jy moet hulle neerlê in die tent van samekoms voor die Getuienis, waar Ek jou sal ontmoet.

Die Boodskap

⁴ Sit dan die kieries voor die ark in die tent neer, daar waar Ek julle altyd ontmoet om met julle te praat.

Nuwe Lewende Vertaling

⁴ Gaan sit hierdie stokke in die tabernakel daar voor die ark van die verbond neer waar Ek julle ontmoet.

Numeri 17:4 Kruisverwysings

Eksodus 30:36

Jy moet daarvan fynstamp tot 'n poeier en daarvan voor die Getuienis in die Tent van Ontmoeting plaas, waar Ek jou sal ontmoet. Dit moet vir julle besonder heilig wees.

Eksodus 30:6

Jy moet die altaar neersit voor die voorhangsel wat by die ark met die Getuienis is, voor die versoendeksel wat oor die Getuienis is, waar Ek jou sal ontmoet.

Numeri 17:10

Die Here het vir Moses gesê: “Sit Aäron se staf weer terug voor die Getuienis om dit te bewaar as teken vir die opstandiges. Jy moet 'n einde maak aan hulle gekerm by My, sodat hulle nie sterf nie.”

Numeri 17:3

Aäron se naam moet jy op die staf van Levi skryf, want daar is net een staf vir 'n stamhoof.

Numeri 17:7

Moses het die stawwe voor die Here neergesit in die tent met die Getuienis.